Lajmet

Peci jep arsyet për rritjen e çmimeve

Peci tha se krejt kjo ka ardhur si pasojë e ndryshimeve globale dhe efektit të pandemisë.

Published

4 years ago

on

Lëvizja FOL të mërkurën ka vazhduar me serinë e debateve FOL Hapur, ku i ftuari i radhës ishte ministri i Bujqësisë, Pylltarisë dhe Zhvillimit Rural, Faton Peci.

Peci gjatë këtij diskutimi tha se kjo ministri ka funksionuar për tetë vjet pa politika dhe strategji dhe me 40 milionë euro borxhe. Ai ka premtuar se buxheti për vitin tjetër do të rritet për 11 milionë euro.

“Ministria e Bujqësisë për 8 vite ka funksionuar pa politika dhe strategji, ku nuk janë implementuar ligje dhe punë në kuadër të punëve brenda ministrisë. Ka pasur edhe shumë borxhe me 40 milionë euro. Gjithashtu ka pasur arrestime lidhur me keqpërdorimet e shumta. Në kuadër të punëve tona jemi duke punuar në avancimin e pyjeve. 21 milionë euro shtesë deri në fundit do shpërndahen dhe pa borxhe për herë të parë. Në vitin e ardhshëm buxheti do të rritet nga 60 milionë që është tani, në 71 milionë euro”, tha ministri.

Sa i përket rritjes së çmimeve, ministri Peci tha se krejt kjo ka ardhur si pasojë e ndryshimeve globale dhe efektit të pandemisë.

“Rritja e çmimeve të produkteve është si rezultat i ndryshimeve globale dhe efekti i pandemisë. Efekti i vaksinës dhe lirimi i masave nuk ka mund me ndjek nevojën e konsumit, dhe pashmangshëm kemi mund me i ikë rritjes së çmimeve dhe nivelit të inflacionit e sasia e importit ka ndikuar në rritjen e inflacionit”, deklaroi ai.

Tutje ai theksoi se gjatë këtij viti do jetë për fermerët subvencionet do të jenë 53 milionë euro.

“Në do bëjmë shpalljen e re për kategorinë e subvencioneve dhe këtë vit përkrahja për fermerët është vetëm nga subvencionet është 53 milionë euro. Ne kemi një plan të precizuar sa i përket punës. Sidomos Ligji për pyjet dhe menaxhimi i tyre i është bartur komunave dhe nga vlerësimet e ekspertëve bie që nuk ka reflektuar pozitivisht dhe kemi një degradim të prerjeve të tyre”, tha ai.

Ministri foli edhe për Projektligjin e sigurisë së ushqimit, duke theksuar që synimi kryesor është për rritjen e kontrolleve dhe siguria e qytetarëve.

“Projektligji për sigurisë së ushqimit përveç sigurisë së saj ka rëndësi  edhe të importeve nga jashtë dhe ku synimi jonë është rritja e kontrolleve, dhe një mori gjërash që qytetarët të ndihen të sigurt”, deklaroi ai.

Ai u pyet se a do ndërmarrin masa tutje sa i përket kritereve të përkrahjes së bujqve, duke përmend këtu edhe pamundësinë që të jenë pjesë e fondeve të IPA-s si pasojë që shuma milionëshe janë keqpërdorur për 10 vjet.

“Avancimi i teknologjisë së informacionit është shumë e rëndësishme për fermerët, dhe ndër kriteret kryesore është pikërisht përkrahja e bujqve. Për shkak të mënyrës se si janë shpërndarë subvencionet për 10 vite dhe që ka pasur keqpërdorime të fondeve ne nuk kemi arritur të plotësojmë kriteret e IPA-s, krejt kjo për shkak të keqpërdorimeve që kanë ndodhur”, tha ai.

Ai ka theksuar se janë 14 inspektorë që janë në arrest shtëpiak sa i përket keqpërdorimit të fondeve dhe subvencioneve.

Related Topics:
Continue Reading

Lajmet

Nis zbatimi i Ligjit për të huajt dhe Ligjit për automjete

Published

8 minutes ago

on

January 16, 2026

By

Zëvendëskryeministri në detyrë i Kosovës, Besnik Bislimi, ka bërë të ditur se nga sot do të nisë zbatimi i Ligjit për të huajt dhe Ligjit për automjetet.

Ai theksoi se zbatimi i këtyre ligjeve do të zhvillohet në disa faza.

Në fazën e parë, vizitorët që hyjnë në Kosovë përmes vendkalimeve kufitare do të pajisen me materiale informuese lidhur me procedurat dhe rregullat specifike që parashihen me ligjet e reja.

Sipas Bislimit, kjo fazë e parë do të zgjasë deri më 15 mars, periudhë gjatë së cilës qytetarët dhe vizitorët do të kenë mundësi të informohen dhe të përshtaten me ndryshimet ligjore.

Pas përfundimit të kësaj periudhe, do të fillojë zbatimi i plotë i të gjitha procedurave dhe rregullave të përcaktuara me Ligjin për të huajt dhe Ligjin për automjetet.

Continue Reading

Lajmet

Sot mbahet seanca e radhës gjyqësore në rastin “Banjska”

Published

9 minutes ago

on

January 16, 2026

By

Të premten në Gjykatën Themelore do mbahet seanca e radhës gjyqësore në rastin e njohur si “Banjska”.

Pavarësisht ndryshimeve në trupin gjykues, seanca do të zhvillohet sipas planifikimit.

Rasti deri tani është udhëhequr nga gjykatësi Arben Hoti, i cili ka qenë kryetar i trupit gjykues. Mirëpo, pas avancimit të tij në pozitën e gjyqtarit në Gjykatën e Apelit, lënda do t’i kalojë një gjyqtari tjetër. Nga Gjykata Themelore ende nuk është bërë e ditur se kujt do t’i ndahet rasti.

Ndërkohë, Gjykata Themelore kishte kërkuar mendim nga Gjykata Supreme lidhur me mundësinë e vazhdimit të gjykimit në mungesë, pas propozimit të prokurorit special Naim Abazi. Megjithatë, Gjykata Supreme ka sqaruar se nuk jep mendime juridike për dilemat procedurale të shkallës së parë, duke refuzuar kështu të japë opinion për këtë çështje.

Si rrjedhojë, Gjykata Themelore në Prishtinë ka refuzuar propozimin që gjykimi për 42 të akuzuarit e tjerë, 41 persona fizikë dhe një person juridik, të vazhdojë në mungesë.

Për këta të pandehur është lëshuar letërreshtim ndërkombëtar dhe pritet arrestimi dhe ekstradimi i tyre për zhvillimin e procedurës penale.

Deri më tani, procedura penale është veçuar vetëm për tre të akuzuarit që ndodhen në paraburgim: Blagoje Spasojeviq, Vladimir Toliq dhe Dushan Maksimoviq.

Seanca e shqyrtimit gjyqësor ndaj tyre është mbajtur më 17 prill 2025, ku të tre janë deklaruar të pafajshëm, ashtu si edhe në shqyrtimin fillestar të mbajtur më 9 tetor 2024.

Në seancën e prillit, fjalën hyrëse e kanë dhënë prokurori special, mbrojtja dhe pala e dëmtuar.

Aktakuza për këtë rast është ngritur më 11 shtator 2024 dhe ka të bëjë me sulmin terrorist të 24 shtatorit 2023 në Banjskë të Zveçanit. Sipas aktakuzës së Prokurorisë Speciale të Republikës së Kosovës, të akuzuarit dyshohet se përmes përdorimit të dhunës dhe armatimit të rëndë kanë tentuar të shkëpusin pjesën veriore të Kosovës dhe ta bashkojnë atë me Serbinë.

Si pasojë e këtij sulmi, është vrarë zyrtari policor Afrim Bunjaku, janë rrezikuar jetët e zyrtarëve të tjerë policorë dhe të popullatës civile. Aktakuza ngarkon gjithsej 44 persona fizikë dhe një person juridik, “RAD D.O.O”, ndërsa listës së të akuzuarve i prin Milan Radoiçiq, i cili më herët kishte marrë përsipër përgjegjësinë për sulmin terrorist.

Continue Reading

Lajmet

Rinumërohen 216 vendvotime nga 914 gjithsej

Published

12 minutes ago

on

January 16, 2026

By

Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen.

Nga fillimi i këtij procesi (e martë, 13 janar 2026, ora 18:00) dhe deri më tani janë rinumëruar 216 nga 914 vendvotime, të cilat u takojnë komunave të ndryshme, si: Deçan (5), Gjakovë (15), Gllogoc (7), Gjilan (13), Dragash (57), Istog (6), Kaçanik (44), Klinë (5), Fushë Kosovë (3) dhe Mitrovicë e Jugut (3).

Nga rezultatet e deritanishme prin VV-ja me 46.16%, duke u pasuar nga PDK 20.94% e LDK e treta me 11.16% dhe AAK ka marr 5.06%.

Continue Reading

Lajmet

Deklaratat përmbyllëse në Hagë, ditët që mund të përcaktojnë epilogun

Published

16 hours ago

on

January 15, 2026

By

Dhomave të Specializuara në Hagë ka njoftuar se më 9 deri më 13 dhe më 16 dhe 18 shkurt, do të paraqiten para gjykatës deklaratat përmbyllëse në gjykimin e Hashim Thaçit, Kadri Veselit, Rexhep Selimit dhe Jakup Krasniqit.

Seancat janë planifikuar të mbahen nga ora 09:00 deri në orën 16:30.

“Rendi i ditës më poshtë buron nga Njoftimi i Trupit Gjykues në lidhje me Mbylljen e Procedurës së Paraqitjes së Provave i datës 18 dhjetor 2025. Ky rend dite bazohet në vlerësimet aktuale dhe mund të ndryshojë, për shembull nëse një palë ka nevojë për më pak kohë seç mendohej. E hënë, 9 shkurt: Deklarata Përmbyllëse e Prokurorisë. E martë, 10 shkurt: Deklarata Përmbyllëse e Prokurorisë; Deklarata Përmbyllëse e Mbrojtjes së Viktimave. E mërkurë, 11 shkurt: Deklarata Përmbyllëse e Mbrojtjes së Thaçit; Deklarata Përmbyllëse e Mbrojtjes së Veselit. E enjte, 12 shkurt: Deklarata Përmbyllëse e Mbrojtjes së Veselit; Deklarata Përmbyllëse e Mbrojtjes së Selimit. E premte: 13 shkurt: Deklarata Përmbyllëse e Mbrojtjes së Selimit; Deklarata Përmbyllëse e Mbrojtjes së Krasniqit. E hënë, 16 shkurt: Deklarata Përmbyllëse e Mbrojtjes së Krasniqit; pyetje të mundshme nga Trupi Gjykues. E mërkurë, 18 shkurt: Përgjigje nga palët dhe deklarata nga të akuzuarit”, thuhet në njoftim.

Historiku i çështjes

Aktakuza fillestare kundër katër të akuzuarve u konfirmua më 26 tetor 2020, dhe u ndryshua më 3 shtator 2021, 29 prill 2022, dhe 30 shtator 2022. Versioni me më pak redaktime i aktakuzës u dorëzua më 27 shkurt 2023. Kjo është aktakuza në fuqi në këtë çështje.

Secili prej të akuzuarve akuzohet mbi bazën e përgjegjësisë penale individuale për gjashtë akuza që lidhen me krime lufte.

Në aktakuzë thuhet se krimet për të cilat janë ngritur akuza janë kryer nga të paktën marsi deri në shtator 1999 dhe kanë ndodhur në disa vende në Kosovë dhe në Kukës dhe Cahan, në veri të Shqipërisë.

Pas arrestimit të tyre nga Prokurori i Specializuar, Hashim Thaçi, Kadri Veseli, Rexhep Selimi dhe Jakup Krasniqi u transferuan në objektin e paraburgimit të Dhomave të Specializuara të Kosovës në Hagë më 4 dhe 5 nëntor 2020.

Gjykimi filloi më 3 prill 2023 me deklaratën hyrëse të Zyrës së Prokurorit të Specializuar (ZPS). ZPS-ja përfundoi paraqitjen e provave të saj më 15 prill 2025. Mbrojtja e Viktimave që përfaqëson 155 viktima pjesëmarrëse, paraqiti provat e saj në korrik 2025, dhe Mbrojtja e Thaçit dhe Mbrojtja e Krasniqit paraqitën provat e tyre nga shtatori deri në dhjetor 2025. Trupi Gjykues mbylli procedurën e paraqitjes së provave më 19 dhjetor 2025. Në këtë çështje, 134 dëshmitarë kanë dhanë dëshmi në gjykatë, 125 të thirrur nga Prokuroria, dy të thirrur nga Mbrojtja e Viktimave dhe shtatë të thirrur nga Mbrojtja. Gjithashtu, 164 deklarata dëshmitarësh u pranuan vetëm në formë të shkruar.

Pas deklaratave përmbyllëse, Trupi Gjykues do të vijojë me kuvendimet për nxjerrjen e aktgjykimit. Aktgjykimi duhet të shpallet brenda 90 ditësh nga mbyllja e paraqitjes së provave. Në rast se për shkak të rrethanave kërkohet kohë shtesë, ky afat mund të zgjatet me 60 ditë të tjera.

Data dhe ora e gjithë seancave publike të planifikuara mund të gjendet në kalendarin e gjykatës në faqen e internetit të DHSK-së. Ndryshimet e mundshme të seancave të planifikuara të përshkruara në këtë informim do të pasqyrohen në kalendar.

Continue Reading

Të kërkuara