Lajmet

PDK: Qeveria ta kthej në pikën zero raportin e ZRrE-së për shtrenjtimin e rrymës

Deputeti Shala ka kërkuar nga Qeveria që ta kthejë në pikën zero raportin e propozuar nga ZRrE.

Published

3 years ago

on

Në seancën parlamentare, në emër të grupit parlamentar të PDK-së, deputeti Ferat Shala ka ngritur shqetësimet për situatën emergjente të energjisë elektrike në vend dhe siç tha ai për keq menaxhimin e kësaj gjendje nga qeveria aktuale.

Në deklarimin jashtë rendit të ditës, deputeti Shala ka kërkuar nga Qeveria që ta kthejë në pikën zero raportin e propozuar nga Zyra e Rregullatorit të Energjisë (ZRrE) për ngritjen e çmimit të energjisë elektrike.

Sipas Shalës ngritja e çmimit të rrymës është shqetësuese për kategoritë sociale, dhe siç theksoi ai edhe për sigurinë kombëtare.

“Fatkeqësisht Qeveria si gjithherë e ngurtë dhe jo bashkëpunuese po tregohet edhe në këtë rast e ngurtë dhe jashtë çdo logjike të koordinimit dhe bashkëpunimit në menaxhimin e krizës energjetike. Pastaj pasoja janë të larta për ekonominë e vendit, bizneset, kategoritë sociale dhe gjithë shoqërinë tonë. Në kohën e pandemisë, në kohën e inflacionit të lartë dhe më të lartë në dy dekadat e fundit, në pikun e sezonit dimëror, ZRrE-ja në koordinim me qeverinë na ofron raportin konsultatitv të strukturës tarifore për të gjitha kategoritë e shoqërisë tonë. Ky raport, i cili pasqyron ngritjen e tarifave në një shkallë të pamenduar, të paparashikuar dhe të padëgjuara deri më tani na ofron rritjen në mënyrë lineare nga 42 për qind e deri në 120, e për disa kategori rreth 200 për qind të ngritjes së caktuar të tarifave të cilat janë barrë për taksapaguesit e Kosovës. Ky është një shqetësim i madh social, e ekonomik, politik, por që e prekë edhe sigurinë nacionale. Si grup parlamentar kërkojmë nga qeveria që ta kthej në pikën zero këtë raport, dhe ta kthejmë, bashkërisht të gjithë një zëri”, theksoi Shala.

Related Topics:
Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

33 minutes ago

on

April 4, 2025

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

49 minutes ago

on

April 4, 2025

By

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

2 hours ago

on

April 4, 2025

By

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

2 hours ago

on

April 4, 2025

By

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara