Lajmet
PDK: LVV nuk dëshiron zbardhjen e rastit Dehari, vazhdon ta përdorë politikisht
Anëtari i Kryesisë së Partisë Demokratike të Kosovës Përparim Gruda ka reaguar ndaj konferencës së Lëvizjes Vetëvendosje para Prokurorisë Speciale për rastin Dehari, duke thënë se është pikërisht partia në pushtet ajo që po e pengon zbardhjen e këtij rasti tragjik.
Në një konferencë për media, Gruda tha se pavarësisht se kanë kaluar më shumë se tri vjet në pushtet, gjatë të cilëve nuk është bërë asgjë për të zbardhur rastin e aktivistit të Vetëvendosjes Astrit Dehari, përkundrazi Instituti i Mjekësisë Ligjore është djegur dy herë.
“Sot janë bërë më shumë se tri vjet që LVV-ja është në pushtet dhe nuk ka bërë asnjë hap për të zbardhur të vërtetën e rastit tragjik të Astrit Deharit përkundër premtimit të vazhdueshëm sa ishin në opozitë për zbardhjen e tij të plotë. Përveç se nuk ka zbardhur rastin Dehari, Lëvizja Vetëvendosje për më shumë se tri vjet në pushtet janë zhdukur mostrat e Astrit Deharit e janë kthyer serish, është djegur Instituti i Mjekësisë Ligjore dy herë rresht në të cilin instituti mbahen mostrat e Astrit Deharit dhe për më tepër ka penguar themelimin e komisionit hetimor parlamentar të kërkuar nga PDK-ja në dhjetor të vitit të kaluar përmes të cilit do të hetoheshin zhdukja dhe kthimi i mostrave të Astrit Deharit dhe po ashtu do të hetohej djegia e Instituti të Mjekësisë Ligjore, ku këto mostra mbahen…”, tha ai.
Gruda në emër të PDK-së ka bërë thirrje Vetëvendosjes që të tregojë se kush i zhduku dhe i ktheu mostrat e Astrit Deharit, dhe pse u dogj Instituti Mjekësor Ligjor, në të cilin mbaheshin këto mostra.
“Si është e mundur që zjarri në IML të djegë kamerat e sigurisë dhe për katër ditë sa në IML nuk ka kamera të sigurisë të kthehen mostrat e Astrit Deharit?… Pse LVV e pengon në Kuvend themelimin e komisioni hetimor për hetimin e rastit të zhdukjes së motrave të Astrit Deharit dhe djegies së IML-së? Këto janë pyetje janë problemi kryesor i këtij pushteti. Mungesa e përgjigjes në këtë këto pyetje, ngrit dyshime të PDK-së mbi përfshirjen e njerëzve të kësaj qeverie në zhdukjen e mostrave të Astrit Deharit dhe në djegien e IML-së. Kjo është bërë me qëllim të që rasti i Deharit të mos zbardhet. LVV nuk do që rasti Deharit të zbardhet, sepse vetëm i pa zbardhur mund të vazhdojë ta përdorë politikisht”, ka thënë Gruda.
Ai i ka bërë thirrje Vetëvendosjes të heqë dorë nga propaganda politike në rastin tragjik Dehari dhe të mbajë premtimin dhënë qytetarëve të Kosovës për zbardhjen e këtij rasti.
Gruda ka thënë se PDK siguron qytetarët e Kosovës se rasti Dehari nuk do të mbetet i pazbardhur dhe se çdo njeri që është i përfshirë nga pushteti aktual do të mbajë përgjegjësi para organeve të drejtësisë së Kosovës. Ndryshe, sot LVV në një aksion simbolik para Prokurorisë Speciale ka kërkuar drejtësi për Astrit Deharin.
Sami Kurteshi, aktualisht anëtari i Komisionit Qendror të Zgjedhjeve nga partia në pushtet, tha se “është e qartë që është zvarritje e qëllimshme e rastit dhe se Dehari është arrestuar pa faj dhe është vrarë në Qendrën e Paraburgimit në Prizren.” /UBTNews/
Silvio Berlusconi ka shënuar një fitore të rëndësishme në Gjykatën Evropiane të Drejtësisë (ECJ), lidhur me një mosmarrëveshje të gjatë mbi pronësinë e aksioneve të tij në Banca Mediolanum, pas vdekjes së tij vitin e kaluar. Gjyqtarët e ECJ-së shpallën se banka qendrore evropiane nuk mund të pengonte legjitimisht pronësinë e Berlusconi mbi aksionet, duke lejuar kështu që trashëgimia e tij të vazhdojë të ketë një rol në sektorin bankar italian.
Gjykata e theksoi se Berlusconi kishte vazhduar të zotëronte aksione të kualifikuara në Banca Mediolanum përpara se të implementoheshin ndryshimet ligjore që ishin në bazë të kërkesave të Bankës Qendrore Evropiane (BQE). Kjo vendimmarrje vjen pas një debati të gjatë, pasi BQE kishte ngritur shqetësime mbi reputacionin e Berlusconi pas dënimit të tij për mashtrim tatimor në vitin 2013.
Në vitin 2016, BQE e kishte sfiduar pronësinë e Berlusconi në bankë, duke kërkuar që ai të shiste aksionet e tij, pasi kishte kaluar një periudhë problematike për të. Megjithatë, vendimi i fundit i ECJ-së përmbysi një vendim të mëparshëm të Gjykatës së Përgjithshme nga viti 2022, e cila kishte gjetur në favor të BQE-së.
Gjyqtarët e ECJ-së shprehen se BQE nuk kishte autoritet të hetonte një transaksion që ndodhi para ndryshimeve ligjore dhe se Berlusconi kishte të drejtë të vazhdonte të zotëronte aksionet e tij, duke i dhënë kështu mundësi të vazhdueshme për ndikim në sektorin bankar.
Kjo fitore juridike vjen në një kohë kur familja dhe trashëgimtarët e Berlusconi po përballen me sfida të tjera lidhur me pasuritë e tij. Ndërsa kjo çështje përfundon në nivelin ligjor, ajo tregon për kompleksitetin e regulatoreve financiarë evropianë dhe ndikimin e trashëgimisë së një figure të njohur si Berlusconi në sistemin bankar italian./UBTNews/
Rohde: Procesi i Berlinit e forcon mbështetjen për Kosovën dhe Ballkanin Perëndimor
Fitore post-mortem për Silvio Berlusconin
Gavi do të blejë 500 mijë vaksina kundër mpoxit për Afrikën
Revolucioni i kuq: Manchester United gati të braktisë 114 vjet histori për një stadium të ri
Aksioni i PSD-së te Ura e Ibrit, Molliqaj: Veprimet e Kurtit çojnë në izolim
Zbulohet murali kundër femicidit në Kosovë
Policia franceze qëllon për vdekje dy civilë
Soros jep 250 mijë dollarë për grupin që censuron mediat e djathta
Çitaku: Serbia marrëveshje me SHBA-të, Gjermaninë e Francën, Kosova e sanksionuar
-
Lajmet3 muaj më parëNdikimi i temperaturave të larta te personat e shëndoshë dhe te të sëmurët
-
Lajmet4 javë më parëZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet3 muaj më parëÇka është hipertermia?
-
Kulturë3 muaj më parëGazetarët që dokumentuan historinë e Kosovës: Ferid Selimi, Safet Zejnullahu dhe Musa Sabedini vlerësohen për kontributin në gazetari në kohën e okupimit