Lajmet

PDK kërkon nga Qeveria t’i rishqyrtojë masat e fundit antiCOVID

Abdullahu tha se Qeveria Kurti po keqmenaxhon me pandeminë COVID-19.

Published

4 years ago

January 25, 2022

Betim Gashi

Partia Demokratike e Kosovës (PDK) po i kërkon Qeverisë Kurti t’i rishqyrtojë masat e fundit anti-COVID. Në partinë opozitare, të njëjtat i kanë quajtur joprofesionale dhe të dëmshme në shumë dimensione.

Zëdhënësi i PDK-së, Faton Abdullahu, përmes një konference për medie, tha se vaksina e tretë për të hyrë në Kosovë është kërkesë edhe antishqiptare.

“PDK-ja masat e fundit anti-COVID të Qeverisë së Kosovës i konsideron të ngutshme, joprofesionale dhe gjithsesi të dëmshme në shumë dimensione. Për rrjedhojë këto masa janë të dëmshme për bizneset tona të brendshme, bile edhe ato jashtë Kosovës të cilat bashkëpunojnë me vendin tonë. Këto masa janë joparimore edhe në raport me të drejtën e lëvizjes së qytetarëve… Në vend të masave ekstreme të mbylljes, PDK rekomandon që Qeveria të rrisë kapacitetet menaxhuese dhe të zbatojë masat e duhura, në mënyrë që qytetarët e vaksinuar me dy doza të kenë mundësi të lëvizin lirshëm pa kufizime dhe bizneset të kenë mundësi të operojnë pa u paralizuar. Masat e fundit të Qeverisë, posaçërisht ajo për pasjen e vaksinës së tretë si kusht për hyrjen në Kosovë, janë pos tjerash edhe shkelje e të drejtave, sidomos në raport me qytetarët shqiptarë të vendeve përreth. Këta qytetarë kanë lidhje të pandalshme organike me Kosovën, si ato familjare, ashtu edhe ato biznesore, si ato në arsim ashtu edhe në fusha të tjera të jetës e punës”, tha ai.

Ai tha se Qeveria Kurti po keqmenaxhon me pandeminë COVID-19.

“Prej kur është shfaqur për herë të parë koronavirusi në Kosovë, vendi është udhëhequr nga qeveria e Albin Kurtit. Për fat të keq, që nga fillimi në asnjë moment kjo qeveri nuk ka ditur të menaxhojë me pandeminë, përkundrazi, hapin e vetëm që ka ditur ta marrë ka qenë izolimi, mbyllja e qytetarëve dhe ndëshkimi i bizneseve. Si pasojë e udhëheqjes së dobët e pa vizion, Kosova në këtë pandemi ishte vendi i fundit që siguroi testet dhe vendi i fundit që siguroi vaksinat. Tani po mbetemi vendi i fundit i izoluar e me masa të rrepta, në mungesë të menaxhimit të duhur nga kjo Qeveri”, tha Abdullahu.

Abdullahu komentoi edhe lajmin se në veri të vendit nuk do të shtrenjtohet energjia elektrike, për çka tha se është qasje diskriminuese.

“Është logjikë dhe mendësi e kësaj qeverie që po vazhdon, atje (në veri) nuk do të shtrenjtohet dhe këtu do të shtrenjtohet. Është diskriminim për interesa qeveritare dhe klanore. Edhe është paguar rryma për ata dhe është shtrenjtuar për neve. Është diskriminuese dhe e papranueshme, si PDK në mënyrë të vazhdueshme kemi demaskuar këtë qasje”, tha ai.

Sa i përket emërimit të nënkryetarit dhe drejtorëve nga radhët e PDK-së në Prishtinë, Abdullahu tha se emërimi i tyre është çështje ditësh.

Related Topics:pdk Qeveria masat anticovid

Up Next

Tani është në dorë të policisë të hetojë festat e mbajtura gjatë bllokimit në Mbretërinë e Bashkuar

Don't Miss

E konfirmon Borrell: Escobar dhe Lajçak të hënën vijnë në Kosovë

Lajmet

Krasniqi jep dorëheqje: Dashuria për Kosovën është me e madhe se çdo dallim

Published

3 minutes ago

November 12, 2025

UBTnews

Memli Krasniqi ka dhënë dorëheqje nga pozita e kryetarit të Partisë Demokratike të Kosovës (PDK).

Këtë e ka bërë të ditur vetë ai në një konferencë për media, të thirrur pas një takim të Kryesisë së kësaj partie, duke thënë se dashuria për Kosovën është më e madhe se çdo dallim.

“Dashuria për Kosovën është me e madhe se çdo dallim”, tha ai.

“Në rini, njeriu nuk e di gjithmonë se çfarë do të bëhet, por e di se çfarë dëshiron të besojë. Dhe unë gjithmonë kam ditur se dua të besoj në Kosovën e ëndrrave të mia. Në vitin 2004 iu bashkova PDK-së, në këtë seli ku ndodhem sot vetëm se atëherë isha dy dekada më i ri. Mbi 20 vjet angazhim më kanë dhënë nderin e madh të punoj për shtetin dhe qytetarët tanë. Dhe mbi të gjitha, ndër shumë nderime që kam pasur, më i madhi ka qenë nderi jetësor për të nënshkruar Deklaratën e Pavarësisë së Kosovës. Nga ajo përvojë dhe nga njerëzit me të cilët kam bashkëpunuar, kam mësuar se lidershipi është privilegj, dhe se ai dëshmohet me shembull e me forcë. Në këto 4 vjet e 4 muaj kemi kaluar sfida të shumta, por edhe momente të mëdha krenarie. PDK është rritur dhe forcuar. Kur e mora detyrën, partia udhëhiqte vetëm 5 komuna dhe kishte 18 deputetë në Kuvend. Sot jam krenar për arritjet tona – por e di se ende nuk janë përmbushur të gjitha ambiciet tona”, tha ai.

Mëtej Krasniqi tha ky vendim nuk është as i momenti e as nuk lidhet me zhvillimet e fundit politike.

“Sigurisht, kemi pasur edhe sfida. Besoj se çdo kryetar mendon për ditën kur do të vijë momenti për t’u larguar. Pas shumë reflektimi, kam ardhur në përfundim se tani është momenti i duhur. Partia që beson në ndryshim duhet të ketë ripertrirje. Prandaj, sot kam vendosur të jap dorëheqje nga pozita e Kryetarit të PDK-së. Ky vendim nuk është as i momentit, e as i lidhur me zhvillimet e fundit politike. Ai buron nga bindja se është koha për të krijuar një momentum të ri për familjen tonë politike”, tha ai./EO

Lajmet

Memli Krasniqi jep dorëheqje nga pozita e kryetarit të PDK-së

Published

10 minutes ago

November 12, 2025

UBTnews

Memli Krasniqi ka dhënë dorëheqje nga pozita e kryetarit të Partisë Demokratike të Kosovës (PDK), ndërsa në vend të tij tani do të jetë Bedri Hamza.

Pas pak pritet të dalë edhe në konferencë për media. Ndonëse ishte paralajmëruar që të mbahet në ora 15:30.

Lajmet

Osmani priti në takim përfaqësuesit e Institutit për Krimet e Kryera Gjatë Luftës në Kosovë

Published

14 minutes ago

November 12, 2025

UBTnews

Presidentja e Republikës së Kosovës, Vjosa Osmani, ka pritur sot në takim drejtorin e Institutit për Krimet e Kryera Gjatë Luftës (IKKL), Atdhe Hetemin, me të cilin diskutoi mbi punën e deritanishme të institutit, sfidat, si dhe rëndësinë e vazhdimit të dokumentimit të krimeve të kryera gjatë luftës në Kosovë.

Presidentja Osmani përgëzoi ekipin e IKKL-së për punën e tyre dyvjeçare dhe dorëzimin e raportit të dytë vjetor të institutit.

Në takim u theksua se deri më sot, IKKL-ja ka grumbulluar rreth 400 metra linearë material fizik dhe mbi 20 terabajtë të dhëna digjitale, të siguruara nga 650 burime të ndryshme.

Sipas Presidentes Osmani, dokumentimi, arkivimi dhe hulumtimi mbi krimet e kryera gjatë luftës së fundit në Kosovë janë thelbësore jo vetëm për të ruajtur kujtesën kolektive të popullit të Kosovës, por edhe për të hedhur dritë mbi të vërtetën e gjenocidit nga ana e Serbisë.

“Nuk duhet të lejojmë që historia të harrohet, përkundrazi, duhet ta forcojmë thirrjen tonë të përbashkët që drejtësia të vihet në vend”, ka theksuar Presidentja Osmani. Në këtë kontekst, ajo nënvizoi nevojën për bashkëpunim të ngushtë ndërinstitucional, veçanërisht me Prokurorinë e Shtetit dhe Policinë e Kosovës, për të siguruar që çdo dëshmi të përdoret në funksion të drejtësisë.”

Presidentja Osmani, gjithashtu vuri në pah rëndësinë e bashkëpunimit të vazhdueshëm me qytetarët, ndaj ftoi ata që të kontribuojnë në punën e IKKL-së, duke ofruar materiale dhe dëshmi që ndihmojnë në ndriçimin e vuajtjeve të familjeve të tyre gjatë luftës./EO

Lajmet

Alarm për shpërthim në një shkollë në Bresje të Fushë Kosovës, policia në vendngjarje

Published

15 minutes ago

November 12, 2025

UBTnews

Rreth orës 14:30, policia ka marrë një informacion për dyshime lidhur me një shpërthim të mundshëm në një shkollë në Bresje të Fushë Kosovës.

Zëdhënësja e Policisë për Rajonin e Prishtinës, Flora Ahmetiti, ka bërë të ditur se menjëherë pas marrjes së informatës, njësitet policore janë drejtuar në vendngjarje dhe kanë nisur ndërmarrjen e veprimeve operative të nevojshme për menaxhimin e situatës.

“Rreth orës 14:30 është pranuar një informatë për dyshimet që ndërlidhen me një shpërthim të mundshëm në një shkollë në Bresje të Fushë Kosovës. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka njoftuar Ahmeti./EO