Sport

Pavarësisht startit jo të mirë, Simeone përkrah Griezmann dhe Suarez

Sa i përket Griezmann, Simeone tregoi që ka besim të plotë në cilësitë e tij.

Published

4 years ago

on

Trajneri i Atletico Madridit, Diego Simeone ka treguar përkrahje dyshen sulmuese Luis Suarez dhe Antoine Griezmann pas startit jo të mirë të tyre në sezonin e ri të La Ligas.

Kampioni spanjoll barazoi pa gola me Athletic Bilbaon në kuadër të xhiros së fundit të La Ligas, pak ditë pas një tjetër barazimi pa gola kundër Portos në Ligën e Kampionëve.

Suarez ka regjistruar vetëm një gol në gjashtë paraqitje këtë sezon për Atleticon, kurse Griezmann ende nuk e ka gjetur golin në tre ndeshje për kampionin e La Ligas që prej transferimit të tij nga Barcelona në ditën e fundit të afatit kalimtar veror të transferimeve.

“Kam besim të plotë në të gjithë lojtarët e mi. Sigurisht që jam i vetëdijshëm që Suarez është lojtari i fundit që i bashkohet Correas, Trippier dhe Lodit. Këta janë të fundit që na u bashkuan me ekipin në ndeshjet para-sezonale”, tha Simeone.

“Pastaj, në ndeshjet me kombëtare, kur ai ishte gati, atij iu desh që të ndalej për shkak të disa problemeve fizike. Tani është normale që atij i duhet pak kohë që ai të rikthehet i gatshëm, por ai do të rikthehet më i fortë, pasi që është një lojtar tejet i rëndësishëm për ne”, shtoi trajneri argjentinas.

Sa i përket Griezmann, Simeone tregoi që ka besim të plotë në cilësitë e tij.

“Kam besim të madh në Griezmann. Ai është një lojtar i rëndësishëm për ekipin tonë dhe çdo gjë që i kam treguar jam bazuar në paraqitjet e tij, dhe se në cilat aspekte kam dëshirë që ai të përmirësohet”, tha Simeone.

Në xhiron e radhës të La Ligas spanjolle, respektivisht sot, Atletico Madridi do të zhvillojë ndeshje si mysafirë kundër skuadrës së Getafes me fillim nga ora 19:30.

Related Topics:
Continue Reading

Sport

Senegali arrin finalen e Kupës Afrikës

Published

10 hours ago

on

January 15, 2026

By

Kombëtarja e Senegalit ka arritur fitore minimale 1:0, në ndeshjen gjysmëfinale ndaj Egjiptit, duke arritur finalen e vlefshme në Kupën e Kombeve te Afrikës.

Pjesa e parë përfundoj 0:0, me Senegalin që shënoj në minutën e 78-të me anë të Sadio Mane.

Egjipti u përpoq, që të barazonte rezultatin në minutat e fundit, mirëpo pa sukses.

Senegali do të pres fituesin e sfidës Nigeri-Marok, për finalen e madhe që luhet të dielen.

Continue Reading

Sport

Sportet dhe origjina e tyre

Published

1 day ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

1 day ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

2 days ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Të kërkuara