Sport

Pavarësisht se bëri histori, Scaloni i pakënaqur me barazimin e Argjentinës

“Dy datat e fundit kundër Venezuelës dhe Ekuadorit ishin tejet të vështira për ne”, tha ai.

Published

3 years ago

March 30, 2022

UBT news

Pavarësisht faktit se bëri histori në barazimin 1:1 të Argjentinës kundër Ekuadorit, trajneri Lionel Scaloni ishte i pakënaqur që i ndanë pikët në shtëpi.

Dukej se ndeshja do të përfundonte me fitore të Argjentinës dhe me portë të paprekur, pas golit të Julian Alvarez në pjesën e parë, por në fund të ndeshjes ndryshoi çdo gjë.

VAR-i vendosi që një goditje me kokë në minutën e 90’ e kishte goditur në dorë një mbrojtës argjentinas, ku më pas sulmuesi Enner Valencia dështoi nga pika e bardhë, ndërsa shënoi nga rikthimi i topit për ta barazuar rezultatin në 1:1.

Ndërkaq, Scaloni, i cili u ndëshkua me karton të verdhë shkaku i protestave, ishte më shumë i fokusuar në vështirësinë e kualifikimit drejt Botërorit “Katar 2022”.

“Dy datat e fundit kundër Venezuelës dhe Ekuadorit ishin tejet të vështira për ne. Mes suspendimeve, lëndimeve dje lojtarëve të cilët arritën vonë, ne duhej ta përkrahnim njëri tjetrin dhe e vlerësoj këtë gjë shumë”, tha Scaloni.

“Ata janë kundërshtarë të vështirë, nganjëherë njerëzit nuk e kuptojnë se sa të fortë janë. Isha duke folur me lojtarët nga gupmoshat U20 të cilët erdhën për ta shikuar ndeshjen, dhe nuk mund ta kuptonin shkallën e rëndësisë që këto ndeshje kanë”, shtoi më tej trajneri i Argjentinës.

Me barazimin 1:1 kundër Ekuadorit, Argjentina tani ka 31 ndeshje të zhvilluara pa humbje, ku humbja e fundit daton në vitin 2019 në gjysmëfinale të Kupës së Amerikës.

Lajmet

Superliga e Kosovës: Ballkani barazon 1-1 me Feronikelin

Published

14 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

17 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

17 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

18 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.