Kulturë

Pavarësisht kërcënimeve izraelite, filmi “Farha” shfaqet në Netflix

Netflix ka qëndruar në vendimin e tij për të mbajtur filmin në platformë.

Published

on

“Farha” përshkruan spastrimin etnik të palestinezëve në vitin 1948, kur të paktën 750,000 u detyruan të largoheshin nga shtëpitë e tyre.

Një film jordanez që përshkruan spastrimin etnik të Palestinës gjatë “Nakba” – term me të cilin përkufizohet shkatërrimi i shoqërisë dhe atdheut palestinez në vitin 1948 – kur forcat sioniste shpallën krijimin e Shtetit të Izraelit, ka filluar të transmetohet në Netflix, pavarësisht sulmeve nga politikanët izraelitë.

“Farha” është drejtuar nga regjisori jordanez Darin J. Sallam dhe është një portret i rrallë i ngjarjeve të kësaj natyre në një platformë argëtuese perëndimore, kur forcat ushtarake sioniste dëbuan të paktën 750,000 palestinezë nga shtëpitë dhe tokat e tyre dhe pushtuan 78 për qind të Palestinës.

Netflix ka qëndruar në vendimin e tij për të mbajtur filmin në platformën e tij të transmetimit.

Kjo përkundër një fushate izraelite për ta ndaluar shfaqjen e tij në Netflix, me Avigdor Lieberman, që është ministri izraelit i financave në largim, duke sugjeruar se fondet shtetërore duhet të tërhiqen nga një teatër në Jaffa që planifikon të shfaqë filmin.

Jaffa, ose Yafa siç njihet në arabisht, ishte një nga qytetet më të mëdha në Palestinën historike derisa shumica e 120,000 banorëve të saj u dëbuan gjatë Nakba-s, ose “katastrofës” në arabisht. Një e treta e qytetit mbetet palestinez sot.

Akademikët dhe organizatat e të drejtave të njeriut kanë dokumentuar gjerësisht ngjarjet e Nakba-s dhe mizoritë e kryera kundër palestinezëve, dhe Asambleja e Përgjithshme e Kombeve të Bashkuara miratoi një rezolutë të mërkurën për të njohur zyrtarisht Ditën e Nakba-s.

Pavarësisht kësaj, ministri i kulturës i Izraelit, Chili Tropper, tha se filmi tregoi “gënjeshtra dhe shpifje”.

“I bëj thirrje drejtuesve të teatrit të ndryshojnë vendimin për shfaqjen e filmit”, shtoi ministri.

Netflix mori filmin pasi u shfaq në Festivalin Ndërkombëtar të Filmit në Toronto 2021.

Ai tregon historinë e një 14-vjeçareje, ndërsa fshati i saj sulmohet nga forcat izraelite, të cilët janë përshkruar duke ekzekutuar civilë.

Përshkrimet e ngjarjeve të Nakba shkaktojnë polemika në Izrael, ku afërsisht 20 për qind e popullsisë janë qytetarë palestinezë të Izraelit.

Izraeli gjithashtu ka pushtuar Bregun Perëndimor dhe Jerusalemin Lindor, territore palestineze që ai pushtoi në 1967.

Së fundmi, regjisori izraelit Alon Schwarz u përball me një reagim të ashpër nga izraelitë të tjerë lidhur me dokumentarin e tij të vitit 2022 mbi masakrën e Tanturës, në të cilin banorët palestinezë u vranë në një fshat bregdetar të Mesdheut në veriperëndim të asaj që tani është Izraeli./UBTNews/

Lajmet

Vazhdojnë punimet për restaurimin e shtëpisë së Beqir Haxhibeqirit në Gjakovë

Published

on

Po vazhdojnë punimet për konservimin dhe restaurimin e shtëpisë së Beqir Haxhibeqirit në Gjakovë, monument i trashëgimisë kulturore që daton nga shekulli XIX.

Shtëpia, e njohur për çardakun e mbyllur dhe elementet origjinale prej druri e hekuri, pritet t’i rikthejë vlerat e saj autentike përmes këtij procesi restaurues.

Si një shembull i veçantë i arkitekturës tradicionale, monumenti synohet të ruhet dhe të mbrohet për brezat e ardhshëm, duke kontribuar në ruajtjen e trashëgimisë kulturore të Gjakovës./A.K/

Continue Reading

Lajmet

Filmi “Dua” i Blerta Bashollit fiton çmimin kryesor në Festivalin e Filmit në Selanik

Published

on

Filmi “Dua”, me regji të Blerta Bashollit, është nderuar me çmimin “Golden Alexander – Michel Demopoulos” për filmin më të mirë artistik në konkursin “Meet the Neighbors+”, në kuadër të edicionit të 67-të të Festivalit Ndërkombëtar të Filmit në Selanik.

Ky vlerësim shënon një tjetër sukses ndërkombëtar për filmin, i cili sjell në ekran një rrëfim intim për rritjen dhe përjetimin e fëmijërisë në Kosovën e pragluftës.

Juria e festivalit e ka vlerësuar filmin për vërtetësinë emocionale dhe vizionin personal mbi një periudhë përcaktuese të historisë së Kosovës.

Në komunikatën e publikuar nga krijuesit e filmit bëhet e ditur se juria veçoi mënyrën se si Basholli e ndjek personazhin kryesor, Duan 13-vjeçare, në Prishtinën e fundit të viteve 1990, kur ajo përballet me ndryshimet e adoleshencës, ndërsa lufta po afrohet.

Juria vlerësoi vendimin e regjisores për ta mbajtur kamerën pranë personazhit, duke theksuar ndershmërinë, humanizmin dhe përmbajtjen me të cilën rrëfehet historia e saj./A.K/

Continue Reading

Lajmet

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Rrëfimi për luftën e UÇK-së mbush sallat me filmin “Sakrifica”

Published

on

By

Filmi vendor “Sakrifica”, me regji të Halil dhe Merita Budakovës, po vazhdon të tërheqë vëmendje të madhe dhe fluks të lartë shikuesish në Cineplexx Prishtina, pas premierës së tij të mbajtur dy ditë më parë.

Duke trajtuar një temë të ndjeshme të historisë së Kosovës, realizimi kinematografik ka arritur të prekë publikun që nga nata e parë e shfaqjes, ku biletat u shitën me ritme të jashtëzakonshme.

“Sakrifica” sjell në ekranin e madh historinë e pesë vëllezërve, të cilët gjatë viteve 1997–1999 marrin vendimin t’i bashkohen Ushtrisë Çlirimtare të Kosovës, duke lënë pas familjen dhe gjithçka që kanë për të luftuar për lirinë e vendit.

Për shkak të kërkesave të vazhdueshme dhe interesimit të lartë për ta parë këtë histori të guximit dhe atdhedashurisë, adhuruesit e filmit ftohen t’i sigurojnë me kohë biletat përmes platformës zyrtare të Cineplexx-it ose në arkat e kinemasë në Albi Mall. /E.A/

Continue Reading

Të kërkuara