Lajmet

Pasuria e Vjosa Osmanit: Mbi 10 mijë euro mëditje dhe shtëpi gjysmëmilionëshe në Australi

Published

3 months ago

on

Në deklarimin e fundit të pasurisë për vitin 2026, ish-presidentja e Kosovës, Vjosa Osmani, ka pasqyruar gjendjen e saj financiare në përfundim të mandatit.

Gjatë vitit 2025, krahas pagës vjetore prej 33 mijë e 248 eurosh, Osmani ka përfituar edhe 10 mijë e 305 euro nga mëditjet për udhëtimet zyrtare jashtë vendit, një shumë kjo pak më e ulët se ajo e vitit paraprak.

Në llogarinë e saj personale, ish-presidentja ka shënuar një rritje të lehtë të kursimeve, duke arritur në 3 mijë e 115 euro.

Sa i përket borxheve, ajo ka deklaruar 20 mijë e 500 euro hua për pagesën e banimit në Melburn, si dhe 9 mijë euro obligime të mbetura ndaj kompanive për punime shtesë në shtëpi.

Pasuria e paluajtshme e familjes mbetet e konsiderueshme, me fokus të veçantë në Australi. Në emër të bashkëshortit, Prindon Sadriu, figurojnë dy shtëpi në Australi me vlerë 510 mijë euro dhe 170 mijë euro, si dhe një banesë prej 60 mijë eurosh.

Në Kosovë, çifti zotëron bashkërisht një objekt banimi prej 208 mijë eurosh, ndërsa Osmani ka në pronësi personale një arë me vlerë 35 mijë euro.

Prindon Sadriu ka deklaruar një pagë vjetore prej 11 mijë e 350 eurosh nga Thesari i Kosovës, si dhe 11 mijë dollarë të hyra nga qiraja e pronave në Australi. Vlen të theksohet se në këtë deklarim nuk figuron më shuma prej 19 mijë eurosh nga vendimet gjyqësore që ishte raportuar vitin e kaluar. Kursimet e tij mbeten modeste: rreth 692 dollarë në Australi dhe vetëm 50 euro në Kosovë.

Një tjetër ndryshim që bie në sy në regjistrin e vitit 2026 është mungesa e veturës së tipit Mercedes-Benz. Ky mjet, i cili vitin e kaluar vlente 10 mijë euro, nuk është përfshirë fare në listën e pasurisë së luajtshme të familjes për këtë vit.

 

Related Topics:
Continue Reading

Lajmet

Policia dhe Dogana parandalojnë kontrabandimin e mallrave nga Serbia, sekuestrohen dy automjete

Published

10 minutes ago

on

July 31, 2026

By

Policia e Kosovës, në bashkëpunim me Doganën e Kosovës, ka parandaluar dy raste të kontrabandimit me mallra në zonën e Korminjanit.

Sipas njoftimit të Policisë, më 30 korrik 2026, gjatë zbatimit të një plani taktik operacional në rrugët malore të këtij fshati, janë identifikuar dy automjete që kishin hyrë në territorin e Kosovës përmes rrugëve ilegale malore nga territori i Serbisë.

Gjatë kontrollit të automjeteve janë gjetur dhe sekuestruar mallra të ndryshme pa dokumentacion përcjellës, të cilat dyshohet se janë futur në mënyrë të kundërligjshme në Kosovë.

Nga verifikimet e kryera është konstatuar se mallrat nuk posedonin dokumentacion për prejardhjen apo procedurat doganore, ndërsa sipas mbishkrimeve rezultonin të ishin prodhim i Serbisë.

Me autorizim të prokurorit kujdestar në Gjilan, automjetet dhe mallrat janë sekuestruar dhe janë dërguar në terminalin doganor për procedura të mëtejme të vlerësimit dhe ruajtjes.

Policia ka bërë të ditur se lidhur me rastin janë iniciuar procedurat ligjore, ndërsa hetimet do të vazhdojnë nga njësitë kompetente në bashkëpunim me Doganën e Kosovës.

Policia e Kosovës ka theksuar se mbetet e përkushtuar në luftimin e kontrabandës dhe aktiviteteve të tjera të kundërligjshme në zonën kufitare, me qëllim mbrojtjen e rendit juridik, ekonomisë së vendit dhe sigurisë së qytetarëve./A.K/

Continue Reading

Lajmet

Përparim Rama: Dyert e Kryeqytetit janë të hapura për drejtësinë, do të bashkëpunojmë me Prokurorinë

Published

39 minutes ago

on

July 31, 2026

By

Kryetari i Prishtinës, Përparim Rama, ka reaguar pas publikimit të materialeve që përmbajnë pretendime për parregullsi të mundshme në procesin e legalizimit të objekteve në kryeqytet, duke thënë se Komuna do të bashkëpunojë plotësisht me organet e drejtësisë.

Përmes një reagimi në rrjetet sociale, Rama ka mirëpritur faktin që çështja është dërguar në Prokurori, ndërsa ka kërkuar që edhe kryeministri të përgjigjet ndaj kërkesave të institucioneve të drejtësisë.

“Mirëmëngjesi. E para, po më vjen mirë që më në fund po i drejtoheni Prokurorisë. Është lajm i mirë. Tash udhëzojeni edhe Kryeministrin t’i përgjigjet Prokurorisë, sepse ka më shumë se dy vjet që nuk i përgjigjet ftesës për intervistim”, ka shkruar Rama.

Ai ka theksuar se dyert e Komunës së Prishtinës kanë qenë dhe mbeten të hapura për organet e drejtësisë, duke garantuar bashkëpunim të plotë, transparent dhe institucional për çdo kërkesë të Prokurorisë.

“Pas vendimit të Prokurorisë, do t’i ndërmarrim pa asnjë hezitim të gjitha veprimet dhe procedurat ligjore ndaj kujtdo që rezulton se ka shkelur ligjin”, ka deklaruar Rama.

Reagimi i kryetarit të Prishtinës vjen pasi këshilltarët komunalë të Lëvizjes Vetëvendosje kanë njoftuar se kanë dorëzuar kallëzim penal ndaj Ramës dhe zyrtarëve të kabinetit të tij, duke ngritur pretendime për parregullsi të mundshme në procesin e legalizimit të objekteve në kryeqytet./A.K/

Continue Reading

Lajmet

Kryeqyteti reagon pas pretendimeve ndaj shefit të kabinetit të Përparim Ramës, kërkon trajtim nga drejtësia

Published

58 minutes ago

on

July 31, 2026

By

Komuna e Prishtinës ka reaguar lidhur me materialet e publikuara që përmbajnë pretendime për parregullsi të mundshme në procesin e legalizimit të objekteve në kryeqytet, ku përmendet edhe shefi i kabinetit të kryetarit të Prishtinës, Florent Maliqi.

Në reagimin e saj, Komuna ka bërë të ditur se pret trajtimin e rastit nga Prokuroria dhe institucionet kompetente të drejtësisë, duke theksuar se do të ofrojë bashkëpunim të plotë gjatë gjithë procesit.

“Kryeqyteti do të ofrojë bashkëpunim të plotë me organet e drejtësisë”, thuhet në reagimin e Komunës së Prishtinës.

Po ashtu, Komuna ka theksuar se pas vendimit të Prokurorisë do të ndërmarrë të gjitha veprimet dhe procedurat ligjore ndaj çdo personi që rezulton se ka shkelur ligjin.

“Pas vendimit të Prokurorisë, do t’i ndërmarrim pa asnjë hezitim të gjitha veprimet dhe procedurat ligjore ndaj kujtdo që rezulton se ka shkelur ligjin”, thuhet në reagim./A.K/

Continue Reading

Lajmet

Prizreni po formon gjeneratën e re të programuesve me Gjimnazin TIK

Published

1 hour ago

on

July 31, 2026

By

Për vite me radhë, zgjedhja e një shkolle të mesme është parë si vendimi që përcakton të ardhmen e një të riu. Sot, gjithnjë e më shumë nxënës po kërkojnë diçka më shumë se një diplomë – kërkojnë aftësi që i përgatisin për profesionet që po ndryshojnë botën.

Kjo është arsyeja pse Gjimnazi TIK i UBT International Smart Schools në Prizren, po zgjon interes të madh tek të rinjtë jo vetëm nga Prizreni, por edhe nga Theranda, Malisheva, Dragashi dhe Kukësi.

Në vend të modelit tradicional të mësimit, nxënësit punojnë me programim, inteligjencë artificiale, robotikë dhe teknologji moderne, duke zhvilluar projekte që lidhen me sfidat reale të teknologjisë.

Një tjetër element që po ndikon në këtë interesim është akreditimi nga Cambridge International Education, i cili u ofron nxënësve një arsimim të ndërtuar mbi standarde ndërkombëtare dhe i përgatit për studime universitare brenda dhe jashtë vendit.

Me laboratorë modernë, konceptin Classroom 4.0 dhe integrimin e inteligjencës artificiale në procesin mësimor, Gjimnazi TIK po ndërton një mjedis ku teknologjia nuk mësohet vetëm si teori, por përdoret çdo ditë si mjet për të krijuar, eksperimentuar dhe inovuar.

Në një kohë kur profesionet e së ardhmes kërkojnë njohuri digjitale dhe kreativitet, gjithnjë e më shumë familje po e shohin këtë drejtim si një investim afatgjatë për suksesin e fëmijëve të tyre.

Për aplikim online klikoni në këtë link: APLIKIMI ONLINE

Continue Reading

Të kërkuara