Sport

Pas Mitajt, Juventusi i vihet pas yllit tjetër shqiptar

Bëhet fjalë për Cristian Shpendin, i cili ka përfunduar në radarin e Juventusit.

Published

on

Teksa kanë mbetur edhe pak javë për t’u luajtur, Cesena ka bërë një sezon mjaft të mirë në Serie C dhe ka arritur që të sigurojë ngjitjen një kategori më lartë përpara mbylljes së kampionatit.

Protagonist i këtij udhëtimi të suksesshëm është një futbollist shqiptar. Bëhet fjalë për Cristian Shpendin, i cili ka përfunduar në radarin e Juventusit.

20-vjeçari pati një sezon fenomenal dhe për një klub si torinezët që janë shumë të kujdesshëm për talentët në qarkullim, padyshim që emri i tij nuk mund të mungonte, duke parë se deri më tani shifrat e ofruara nga ai janë të jashtëzakonshme. Shpendi me fanellën e Cesena-s ka arritur të shënojë 21 gola dhe 6 asistime në 30 paraqitje në Grupin B të Serie C (kategoria e tretë italiane).

Kështu në rast të transferimit të lojtarit te torinasit, përveç tij mund të fitonte edhe klubi aktual ku luan, Cesena, për arsye se ajo tashmë ka në përbërje një lojtar si ai që mund të sjellë miliona të rëndësishme për mbijetesën ekonomike të klubit.

Vlera e futbollistit në tregun e transferimeve shkon deri në 2 milionë euro dhe drejtuesit e “Zonjës së Vjetër” po e monitorojnë me shumë seriozitet situatën e tij./UBTNews/

Lajmet

FINALISTËT E KUPËS SË KOSOVËS PËRCAKTOHEN PAS NDESHJEVE DRAMATIKE

Published

on

Dukagjini dhe Ferizaj kanë siguruar kualifikimin në finalen e Kupës së Kosovës, pas dy përballjeve të forta gjysmëfinale që u karakterizuan me tension dhe rivalitet deri në minutat e fundit.

Dukagjini triumfoi ndaj Ballkanit me rezultat 3-2, duke e mbyllur këtë duel me rezultat të përgjithshëm 6-2 dhe duke konfirmuar formën e mirë në fazën vendimtare të garës. Në anën tjetër, Ferizaj arriti të sigurojë finalen pas një ndeshjeje shumë të luftuar ndaj Llapit, e cila përfundoi 0-0 në kohën e rregullt. Ferizaj doli më i suksesshëm me rezultat të përgjithshëm 2-1.

Finalja e madhe e Kupës së Kosovës pritet të zhvillohet në stadiumin “Fadil Vokrri”, në një përballje që premton emocione dhe spektakël për trofeun e çmuar të garës.

Continue Reading

Sport

Rexhbecaj rikthehet te Wolfsburgu pas katër vitesh

Published

on

Skuadra e Wolfsburgut ka siguruar përforcimin e parë për sezonin e ardhshëm, duke rikthyer mesfushorin kosovar Elvis Rexhbecaj si transferim të lirë pas katër vitesh te Augsburg.

Drejtori sportiv Pirmin Schwegler theksoi se rikthimi i tij është i rëndësishëm jo vetëm për cilësitë në fushë, por edhe për karakterin dhe lidhjen e fortë me klubin. Rexhbecaj, i cili u rrit në akademinë e Wolfsburgut dhe debutoi në Bundesligë në vitin 2018, ka mbi 200 ndeshje në elitën gjermane dhe 16 paraqitje për Kosovën. Ai u shpreh i lumtur për rikthimin, duke theksuar se Wolfsburgu është vendi ku nisi karrierën e tij, ndërsa deri në fund të sezonit do të japë maksimumin për Augsburgun.

Continue Reading

Sport

Sot përcaktohen finalistët e Kupës së Kosovës

Published

on

By

Sot me fillim nga ora 15:00 do të zhvillohen dy ndeshjet kthyese të gjysmëfinaleve të Kupës së Kosovës në futboll, ku do të mësohen emrat e dy skuadrave që do të luftojn për trofeun e madh.

Dukagjini – Ballkani (Ndeshja e parë: 3-0) Në Klinë, Dukagjini pret kampionët në fuqi me një komoditet të madh pas fitores bindëse 3-0 në sfidën e parë. Ndonëse klinasit llogariten me një këmbë në finale, Ballkani udhëton me shpresën e fundit për një përmbysje historike, duke tentuar të shpëtojë sezonin përmes këtij trofeu.

Ferizaj – Llapi (Ndeshja e parë: 1-2) Dramë pritet të ketë në Ferizaj, ku vendasit presin Llapin e Tahir Batatinës në një duel plotësisht të hapur. Fitorja e ngushtë e llapjanëve 2-1 në Podujevë nuk garanton asgjë, pasi ferizajasit synojnë të shfrytëzojnë terrenin vendas për të siguruar biletën drejt finales së madhe.

Gjithçka mbetet për t’u vendosur brenda 90 minutave të sotme, ku emocionet janë në kulm dhe çdo detaj i vogël mund të përcaktojë fatin e katër skuadrave pretendente.

Continue Reading

Sport

Kritika të ashpra për Edon Zhegrovën pas ndeshjes me Bolognan

Published

on

By

Paraqitja e Edon Zhegrovës në sfidën kundër Bolognas ka ngjallur pakënaqësi te stafi teknik i Juventusit.

Sipas gazetarit Romeo Agresti, trajneri i “Zonjës së Vjetër” ka kritikuar ashpër anësorin e Kosovës për mungesë të disiplinës taktike, lëvizje të paqëndrueshme në fushë dhe vendimmarrje të gabuara në momente kyçe të lojës.

Ky reagim vjen në një kohë kur hapësira për Zhegrovën ka qenë mjaft e kufizuar. Para aktivizimit në ndeshjen ndaj Bolognas, ai ishte paraqitur me fanellën bardhezi vetëm tre minuta në pesë ndeshjet e fundit, përfshirë edhe inkuadrimin e tij në sfidën ndaj Sassuolos.

Kritikat e fundit mund të vështirësojnë më tej pozitën e tij në formacion, duke vënë në pah vështirësitë e përshtatjes me kërkesat taktike të skuadrës torineze.

Continue Reading

Të kërkuara