Lajmet

Pas 15 vitesh mund të ribashkohet grupi ikonik

Published

5 years ago

on

U bënë 15 vjet që prej kur grupi ikonik “Destiny’s Child” u shpërbë. Treshja ndau rrugët në vitin 2006, dhe tri artistet e talentuara e vazhduan karrierën si solo këngëtare.

Fansat janë rehat duke e ditur që Beyonce, Kelly Rowland dhe Michelle Williams janë të afërta, e madje shpesh dalin bashkë. Por ajo që mori vëmendjen së fundmi është ndryshimi i fotografive të kopertinës nga vajzat e grupit në muret e tyre të llogarive në mediat sociale, që aludoi në një ribashkim të mundshëm të tyre.

Ky veprim i tyre ngjalli reagime dhe shumica filluan të pyesin se a po vjen diçka nga grupi i vajzave, qoftë turne, këngë apo një album i plotë.

Hera e fundit kur vajzat janë parë së bashku ishte në maj, kur anëtarja Michelle e kishte shpërndarë një audioklip në Twitter duke u shfaqur përkrah Beyoncés dhe Kellyt./UBTNews

Related Topics:
Continue Reading

Lajmet

Përleshje mes dy grupeve të mitur në Gjilan, dy të lënduar dhe dy të arrestuar

Published

6 seconds ago

on

November 12, 2026

By

Një përleshje mes dy grupeve të të miturve ka ndodhur në rrugën “Zija Shemsiu” në Gjilan, ku dy persona kanë mbetur të lënduar si pasojë e përdorimit të mjeteve të ftohta.

Rasti është raportuar më 11 nëntor, rreth orës 10:26. Sipas Policisë, në përleshje dyshohet se kanë qenë të përfshirë nëntë persona.

Dy të miturit e lënduar janë dërguar për trajtim mjekësor, njëri në Spitalin Rajonal të Gjilanit dhe tjetri në QKUK.

Deri më tani janë arrestuar dy të dyshuar, të cilët me vendim të prokurorit janë dërguar në mbajtje për 24 orë.

Rasti po hetohet si vrasje në tentativë dhe pjesëmarrje në rrahje.

/A.K/

Continue Reading

Lajmet

Vidhen pajisje në vlerë prej 30 mijë eurosh në objektin e braktisur të RTK-së në Obiliq

Published

2 minutes ago

on

November 12, 2026

By

Një vjedhje e rëndë është raportuar në fshatin Bakshi të Obiliqit, ku persona të panjohur kanë depërtuar në një objekt të braktisur të Radio Televizionit të Kosovës (RTK).

Sipas raportit të Policisë, nga objekti janë vjedhur një gjenerator, kontejnerë dhe pajisje të tjera, me vlerë të përgjithshme rreth 30 mijë euro.

Rasti është raportuar më 11 nëntor 2026, ndërsa me vendim të prokurorit po vazhdojnë hetimet për identifikimin e personave të përfshirë.

/A.K/

Continue Reading

Lajmet

Arrestohet zyrtari komunal në Prishtinë, dyshohet se mundësoi regjistrimin e tri pronave komunale

Published

5 minutes ago

on

November 12, 2026

By

Një zyrtar komunal në Prishtinë është arrestuar nën dyshimin për falsifikim të dokumenteve dhe keqpërdorim të pozitës apo autoritetit zyrtar.

Sipas Policisë, rasti lidhet me periudhën 2022–2023, ndërsa arrestimi është kryer më 11 nëntor 2026 nga Drejtoria për Hetimin e Krimeve Ekonomike dhe Korrupsionit, përkatësisht njësia për hetimin e falsifikimit të dokumenteve.

I dyshuari, mashkull kosovar, dyshohet se kishte vërtetuar dokumente të dyshuara si të falsifikuara, duke mundësuar që një person tjetër të regjistronte tri prona komunale në emrin e tij.

Pas intervistimit, me vendim të prokurorit, i dyshuari është dërguar në mbajtje.

/A.K/

Continue Reading

Lajmet

Dyshohet se goditi me veturë një person në Podujevë, arrestohet i dyshuari

Published

7 minutes ago

on

November 12, 2026

By

Një person është arrestuar në Podujevë, nën dyshimin për vrasje në tentativë, pasi dyshohet se ka goditur me veturë një person tjetër.

Rasti ka ndodhur më 11 nëntor, rreth orës 21:00, në rrugën “Ilir Konushevci”. Viktima ka pësuar lëndime trupore dhe është dërguar në QKUK për trajtim mjekësor.

Me vendim të prokurorit, i dyshuari është dërguar në mbajtje pas intervistimit.

/A.K/

Continue Reading

Të kërkuara