Lajmet

Parregullsi në proceset e dhënies me qira të pronave nga AKP-ja, humbjet financiare mbi 800 mijë euro

Kështu ka thënë në një konfrencë për media auditorja e përgjithshme, Vlora Spanca.

Published

2 years ago

on

Agjencia Kosovare e Privatizimit (AKP) ka dështuar të ruaj dhe të rrisë vlerën e pronave dhe aseteve të dhëna me qira, kështu ka thënë në një konfrencë për media auditorja e përgjithshme, Vlora Spanca.

Auditorja Spanca ka shpalosur sot para mediave gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”.

Ajo theksoi se vlera potenciale e humbjes financiare nga këto raste të testuara që AKP i ka shkaktuar është mbi 800 mijë euro.

“Zyra Kombëtare e Auditimit vlerëson se masat e shpejta dhe rigoroze kërkohet të ndërmerren për të përmirësuar proceset e dhënies me qira të pronave të administruara nga Agjencia Kosovare e Privatizimit. Gjithashtu edhe komunat duhet të ndërmarrin veprime konkrete për të përmirësuar menaxhimin e granteve të donatorëve. Për sa i përket auditimit të të hyrave nga qiraja në Agjencinë Koosvare të Privatizimit, objektivi i audimimit ishte të vlerësohet nëse agjenacia ka menaxhuar si duhet pronat dhe asetet e tjera të dhëna me qira në përputhje me legjislacionin në fuqi. Ky auditim përfshinë procesin e dhënies së pronave dhe aseteve me qira për periudhën 2012-2021, bazuar në atë çfarë kemi gjetur, konkuzioni i auditimit është, se AKP ka dështuar të ruaj dhe të rrisë vlerën e pronave dhe aseteve të dhëna me qira, të cilat ishin nën administrimin e saj. Zyra Kombëtare e Auditimit ka gjetur se rreth 41 për qind e mostrave të testuara kanë rezultuar me parregullësi, dhe vlera potenciale e humbjes nga këto raste të testuara që AKP i ka shkaktuar është mbi 800 mijë euro”, theksoi ajo.

Më tej Spanca ka thënë se AKP nuk ka menaxhuar si duhet edhe “Ndërmarrjen e Re Grand hotel”.

“Po ashtu kemi identifikuar raste kur vazhdimi i kontratave nga agjencia ishte bërë pa i shlyer obligimet financiare. Në katër raste të tjera, shembull tek ndërmarrja shoqërore “Ndërmarrja e Re Grand hotel”, AKP nuk i kishte menaxhuar si duhet. Rastet kanë të bëjnë me rritjen e hapsirave afariste, këto ndryshime nuk ishin bërë në kohën e duhur dhe si rezultat i keqmanaxhimit humbja potenciale është vlerësuar 505 mijë euro. Ne kemi identifukaur tri raste, ku AKP kishte lidhur kontrata me qira marrës për prona e lokale të caktuara, mirëpo ato prona shfytëzohen nga subjekte të tjera, shfrytëzues të pa autorizuar, për të cilat AKP nuk kishe marrëdhënie kontraktuale të qiradhënies. Për dy prona AKP kishte vazhduar qiranë pa shqyrtuar kushtet dhe qëllimin e dhënies me qira”, theksoi ajo.

Për një pronë tjetër, AKP në vitin 2021 kishte lidhur kontratë me një qiramarrës për tokën bujqësore me sipërfaqe 10.007 m2, me çmim prej 122 euro në muaj. 

Related Topics:
Continue Reading

Lajmet

​Calhanoglu: Jam i Interit dhe dua të fitoj trofe këtu

Published

23 minutes ago

on

July 23, 2025

By

Hakan Calhanoglu ka konfirmuar besnikërinë ndaj Interit, duke hedhur poshtë zërat për një largim të mundshëm drejt Turqisë. Mesfushori turk është rikthyer në stërvitje në Appiano Gentile pas dëmtimit të pësuar në Shtetet e Bashkuara dhe deklaroi se ndjehet në formë të mirë dhe i motivuar për sezonin e ri.

“Pushimet nuk ishin të lehta për shkak të spekulimeve, por jam i lumtur që jam kthyer dhe dua të punoj fort për Interin,” tha Calhanoglu. “Unë jam një lojtar i Interit dhe gjithmonë kam thënë se dua të vazhdoj këtu. Qëllimi im është të fitoj trofe.”, tha ai.

Duke folur edhe për marrëdhënien me kapitenin Lautaro Martinez, Calhanoglu theksoi se “gjithçka është sqaruar” pas deklaratave të mëparshme dhe se janë “profesionistë dhe të pjekur”.

Agjenti i tij kishte mohuar më parë zërat për një kalim te Galatasaray apo Fenerbahce, ndërsa vetë lojtari shprehu dëshirën për të rinovuar dhe vazhduar projektin me zikaltrit.

 

Continue Reading

Lajmet

​UEFA delegon sërish një gjyqtar kosovar në një ndeshje evropiane

Published

1 hour ago

on

July 23, 2025

By

Gjyqtari nga Kosova, Visar Kastratit i është besuar detyra për të ndarë drejtësinë në ndeshjen Hibernians – Spartak Trnava, në kuadër të raundit të dytë të garës UEFA Conference League.

Ndeshja do të zhvillohet në stadiumin Tony Bezzina në Paola të Maltës, ku Kastratin do ta asistojnë Besnik Morina dhe Granit Hyseni. Gjyqtar i katërt do të jetë Alban Shala.

Kjo ndeshje do të luhet të enjten, më 24 korrik, me fillim në orën 18:00.

 

Continue Reading

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

3 hours ago

on

July 23, 2025

By

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Continue Reading

Lajmet

​Formacionet e mundshme të miqësores Arsenal – Milan

Published

3 hours ago

on

July 23, 2025

By

Pas ndeshjes së tyre të parë në shtëpi në Milanello kundër Milan Futuro, Rossonerët do të përballen me Arsenalin e Mikel Artetas në miqësoren e parë të Turneut të tyre Para-Sezoni 2025 në rajonin Azi-Paqësor.

Ndeshja kundër “Gunners” është pjesë e “Festivalit të Futbollit në Singapor”, i cili, përveç AC Milan dhe Arsenal, do të përfshijë edhe Newcastle.

Kjo ndeshje zhvillohet nga ora 13:30 dhe këto janë formacionet e mundshme:

ARSENAL (4-3-3) : Raya; Lëndë drusore, Saliba, Gabriel, Calafiori; Odegaard, Zubimendi, Rajs; Saka, Havertz, Trossard.

MILAN (4-3-3) : Maignan; Saelemaekers, Tomori, Gabbia, Jimenez; Fofana, Ricci, Loftus-Cheek; Pulisic, Okafor, Leao.

 

Continue Reading

Të kërkuara