Sport

Parlamenti i Çekisë zgjat Ligjin për Pandeminë që jep kompetenca emergjente

Senati e kishte kundërshtuar zgjatjen në një votim të mbajtur në fund të javës së kaluar.

Published

3 years ago

February 18, 2022

Betim Gashi

Dhoma e Ulët e Parlamentit të Çekisë të premten (18 shkurt) vendosi të zgjasë fuqinë e bazës ligjore me të cilën qeveria mund të vendosë kufizime për koronavirusin.

I ashtuquajturi “Ligji i Pandemisë”, i cili do të skadonte në fund të muaj, i lejon ministrit të shëndetësisë të mbyllë dyqanet dhe shërbimet dhe të kufizojë aktivitetet e kohës së lirë, ndër kompetencat e tjera.

Senati e kishte kundërshtuar zgjatjen në një votim të mbajtur në fund të javës së kaluar, i cili përfshinte një debat tetë-orësh mbi këtë çështje, por ligjvënësit në Dhoma e Deputetëve e kishin fjalën e fundit.

Disa nga senatorët që kundërshtuan kishin argumentuar se ligji ishte jokushtetues ose kishin çështje të tjera procedurale lidhur me miratimin e tij.

Por megjithëse qeveria e udhëhequr nga konservatorët po ruan kompetencat e urgjencës, ajo thotë se po planifikon lehtësimin e mëtejshëm të kufizimeve të koronavirusit në javët e ardhshme.

“Dua që ne të jemi në gjendje të festojmë Pashkët normale si para koronavirusit,” tha Ministri i Shëndetësisë, Vlastimil Valek.

Në Çeki maskat janë ende tëdetyrueshme në ambiente të mbyllura dhe ka kufizime kapaciteti në tubime të mëdha.

Pas hyrjes, të huajt duhet të pajtohen me regjistrimin dhe verifikimin e vaksinimeve ose rikuperimit ndaj COVID-19./REL

Lajmet

Superliga e Kosovës: Ballkani barazon 1-1 me Feronikelin

Published

9 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

12 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

12 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

14 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.