Lajmet

Paris, unaza e humbur prej 750 mijë eurosh gjendet në fshesën me korrent të hotelit

Publikuar

5 muaj më parë

më

Një unazë me vlerë 750.000 euro e cila u zhduk në hotelin Ritz në Paris, është gjetur në një fshesë me korrent.

Pronarja, një biznesmene malajziane, e cila ishte mysafire në hotel, paraqiti një ankesë në polici të premten pasi dyshoi se një punonjës e kishte vjedhur unazën, shkruan BBC.

Rojet e sigurisë së Ritz gjetën unazën mes pluhurit në një qese vakum të dielën, raportoi Le Parisien.

Gazeta shtoi se e ftuara kishte udhëtuar për në Londër të premten, por tani do të kthehet në Paris për unazën e saj.

Ritz tha se i ka ofruar edhe tre netë të tjera mysafires për të kompensuar shqetësimin, megjithëse kuptohet se ajo nuk ka ndërmend ta pranojë ofertën.

Në një deklaratë për Le Parisien, hoteli tha: “Falë punës së përpiktë të rojeve të sigurisë, unaza u gjet këtë mëngjes. Dëshirojmë të falënderojmë stafin e Ritz Paris që u mobilizua për këtë kërkim dhe që punon çdo ditë me integritet dhe profesionalizëm”.

Biznesmenja i tha policisë se e la unazën në një tavolinë në dhomën e saj të hotelit të premten kur shkoi për të bërë pazar në qytet për disa orë, dhe kur u kthye ajo ishte zhdukur.

Policia po kujdeset për unazën derisa pronarja ta marr atë.

Nuk është hera e parë që bizhuteritë raportohen të zhduken në hotel.

Në vitin 2018, pesë burra të armatosur sekuestruan mallra me vlerë më shumë se 4 milionë euro nga një dyqan bizhuterish brenda objektit të famshëm.

Më vonë atë vit, një anëtare e paidentifikuar e familjes mbretërore saudite raportoi vjedhjen e bizhuterive me vlerë qindra mijëra paund nga suita e dhomës së saj të hotelit.

Etiketa
Vazhdo të lexosh

Lajmet

​Osmani kërkon nga qytetarët që të regjistrohen

Publikuar

22 minuta më parë

më

13 Maj, 2024

nga

Presidentja e Kosovës, Vjosa Osmani, tha se kanë mbetur vetëm edhe 4 ditë për t’u regjistruar. Andaj ajo ka pasur edhe një kërkesë për qytetarët.

“Një lutje për të gjithë qytetarët tanë në Kosovë e në mërgatë: REGJISTROHUNI! Investimet në infrastrukturë, shëndetësi, arsim e shumë fusha të tjera të rëndësishme, do të përcaktohen nga të dhënat që mblidhen nga procesi i regjistrimit. Regjistrohuni që të dëgjohet zëri juaj, të identifikohen nevojat e secilit dhe që çdo qytetar të përfaqësohet, pa dallim”, ka shkruar Osmani në rrjetin social Facebook.

Agjencia e Statistikave të Kosovës ka dalë me njoftim se mbi 1 milionë e 420 mijë banorë janë regjistruar deri më tani.

Vazhdo të lexosh

Lajmet

Djali vret nënën me thikë në sheshin e qytetit të Lezhës

Publikuar

27 minuta më parë

më

13 Maj, 2024

nga

Një ngjarje e rëndë ka ndodhur këtë të hënë në qytetin e Lezhës, ku djali ka ekzekutuar me thikë të ëmën në bulevardin e qytetit.

Sipas informacioneve të siguruara nga Euronews Albania autori është shtetasi Arsen Dani, 62-vjeç, i cili është arrestuar nga policia. Viktima është shtetasja Gjylije Dani, 88 vjeçe.

Ende nuk dihen shkaqet e ngjarjes së rëndë, por dyshohet se djali vuan nga problemet e shëndetit mendor.

Vazhdo të lexosh

Kronika e zezë

Policia konfiskon 24 patentë shoferë në Prishtinë, nuk i respektuan sinjalizimet e semaforëve

Publikuar

59 minuta më parë

më

13 Maj, 2024

nga

Njësiti Rajonal i Trafikut rrugor, po vazhdon me implementimin e planeve operative për kontrollin e shtuar në trafik. Në kuadër të këtyre angazhimeve, sot ka filluar implementimi i planit “Semafori”.

Deri më tani sipas informacioneve zyrtare janë konfiskuar 34 patentë shoferë, ngasësve që nuk kanë respektuar sinjalizimin e semaforëve.

Angazhimet për sigurinë në trafik do të kenë shtrirje në të gjitha rrugët e rajonit të Prishtinës dhe do të vazhdojnë deri sa të vlerësohet që është arritur efekti i dëshiruar.

Vazhdo të lexosh

Lajmet

Vdiq burri të cilit iu transplantua veshka e derrit

Publikuar

1 orë më parë

më

13 Maj, 2024

nga

Një burrë të cilit iu transplantua veshka e derrit ka vdekur rreth dy muaj pas transplantimit.

Richard “Rick” Slayman, 62 vjeç, kreu transplantin e veshkës së një derri të modifikuar gjenetikisht gjatë një operacioni katërorësh më 16 mars.

Mjekët thanë se Slayman do të shihej si një “fener shprese” për pacientët dhe se ata janë “thellë mirënjohës për besimin dhe gatishmërinë e tij për të avancuar fushën e ksentransplantimit”./UBTNews/

Vazhdo të lexosh

Të kërkuara