Lajmet

Paralajmërohet rënie e çmimeve të derivateve

Nga Shoqata e Naftëtarëve thonë se Kosova ka çmimin më të lirë të derivateve në rajon.

Published

2 years ago

February 21, 2023

Betim Gashi

Kryetari i Shoqatës së Naftëtarëve të Kosovës, Fadil Berjani ka thënë se nga muaji mars, çmimi i derivateve do të bie dukshëm. Sipas Berjanit, çmimi i derivateve në Kosovë është më lirë krahasuar me vendet e rajonit.

Berjani ka thënë se vendimi i fundit i Ministrisë së Tregtisë, Industrisë, Ndërmarrësisë dhe Tregtisë është i njëanshëm, por që thotë se janë duke e respektuar. Ai thotë se nuk kanë qenë të ftuar të marrin pjesë në konsulta ditën kur është marrë vendimi për marzhën e fitimit.

“Sa i përket vendimit të Ministrisë së Tregtisë ky është një vendim i cili është nxjerr pa prezencën tonë, ku obligative ka qenë që pjesë e këtij vendimi për t’u nxjerr është dashur që të jetë edhe Shoqata e Naftëtarëve. Po ne si shoqatë dhe si biznese të sektorit të naftës vendimi është duke u respektuar dhe u respektua me kohë. Ky vendim është pak më ndryshe se dy vendimet e kaluara ky është me marzhe tregtare apo marzhe fitimi. Marzha e fitimit është për importues 2 cent, ndërsa me pakicë është 12 cent. Nuk është e mjaftueshme kjo marzh, por vendimi po respektohet në gjithë Kosovën”, thotë ai.

Ata të cilët e kanë keqpërdorur unë jam për ti gjykuar, po unë nuk kam informata se dikush ka keqpërdorur, ato informata në qoftë se i ka Ministria e Tregtisë duhet që të merret me ta. Jo tash për dy tri kompani qoftë se kanë keqpërdorur të pësojnë 650 pika karburanti. Berjani ka thënë se çmimi derivateve në Kosovë është shumë i ulët. Çmimi aktual në tre është rreth 1.35 cent për litër.

“Sa i përket çmimit të derivateve të naftës, çmimi sot sillet një litër dizel 1 euro e 35 cent, ndërsa benzina 1, euro e 32 cent. Jemi më të lirët në regjion përveç Maqedonisë së Veriut, kështu që qytetarët tonë janë me një çmimi real duke u furnizuar në treg. Sipas informatave që i kemi nga organizata prodhuese ‘OPEK’, është një realitete dhe pritet që muaji mars të jetë ende me çmim të derivateve më të lirë. Kështu që mendojmë sipas organizatës prodhuese ‘OPEK’ e cila e ka nxjerr një vendim thuhet se fundi i marsit do të jetë stabilizim i tregut në tërë globin”, u shpreh ai.

Ndërsa për kërkesat e opozitës që të largohet përkohësisht akciza e naftës, Berjani i konsideron si të padrejta. Thotë se me të mbushet buxheti i shtetit.

“Unë as një herë nuk e kam kërkuar heqjen e akcizës edhe kur ka qenë kryeministri Thaçi, Isa Mustafa, Ramush Haradinaj, tash Albin Kurti, as një herë nuk kam kërkuar se mbushte buxheti i Kosovës edhe shumë parti politike më tepër janë duke e bërë spektakël mediatik partitë politike, për të fituar poenë politikë që kërkojnë me heq akcizën, ata e dinë që akciza e mbush buxhetin dhe nuk duhet që të kërkohet. As nuk e kam kërkuar dhe prapë nuk e kërkojmë”, thotë ai, teksa tregoi edhe për çmimet që sillen në rajon.

“Sot një litër dizel në Shqipëri është 1 euro e 75 cent, benzina 1 euro e 78 cent, kështu që për 40 cent ne jemi më të lirë nga Shqipëria. Atje ka shumë taksa shtesë, ne e kemi përveç akcizës dhe tvzh-së, ata kanë edhe të rrugëve edhe kanë taksa shtesë tjera”, thotë Berjani.

Related Topics:cmimet e derivateve Fadil Berjani Kosove

Up Next

Osmani dekoron pjesëtarët e FSK-së të kthyer nga Turqia

Don't Miss

Rama nis vizitën zyrtare në Japoni

Lajmet

Evropa Jugore përfshihet nga vala vdekjeprurëse e të nxehtit

Published

4 minutes ago

August 11, 2025

UBTnews

Nxehtësia vdekjeprurëse deri në 44 gradë Celsius po përvëlon Evropën Jugore , ndërsa shkencëtarët paralajmërojnë për një “koktej molotovi” të kushteve klimatike që po nxisin zjarre të mëdha në të gjithë Mesdheun.

Meteo-France vendosi më shumë se gjysmën e vendit nën paralajmërime për valë të nxehti të hënën në mëngjes, me 12 nga 96 njësi administrative në kontinent nën alarmin më të lartë të kuq, ndërsa Aemet i Spanjës paralajmëroi për “rrezik ekstrem” në Zaragoza dhe Vendin Bask, pasi lëshoi paralajmërime për pothuajse të gjithë pjesën tjetër të vendit.

Të dy agjencitë meteorologjike parashikojnë temperatura mbi 40 gradë Celsius gjatë ditëve në vijim dhe bënë thirrje për vigjilencë mes parashikimeve për një valë të nxehti “shumë intensive, madje të jashtëzakonshme” në disa pjesë të kontinentit.

Temperaturat e larta kanë alarmuar ekspertët, ndërsa zjarrfikësit përpiqen të përmbajnë zjarret shkatërruese.

Në Francë, e cila e vuri nën kontroll zjarrin e saj më të madh që nga viti 1949 të dielën, autoritetet raportuan se një person kishte vdekur në flakë, ndërsa 20 zjarrfikës dhe pesë civilë ishin plagosur.

Në Itali, ku temperaturat prej 40 gradë Celsius pritet të arrijnë në Firence të mërkurën, shtigjet turistike u mbyllën në malin Vezuv të dielën, ndërsa zjarrfikësit luftuan me një zjarr në shpatet e vullkanit.

Në Spanjë , zjarret që shpërthyen në Leon dhe Zamora të dielën detyruan më shumë se 1,000 njerëz të largoheshin nga shtëpitë e tyre, ndërsa zjarre të mëdha vazhduan të digjnin në Galicia.

Lajmet

Sveçla: IPK të hetojë përfshirjen e mundshme të policëve në rastin Shkodra

Published

24 minutes ago

August 11, 2025

UBTnews

Ministri i Punëve të Brendshme, Xhelal Sveçla, ka urdhëruar Inspektoratin Policor të Kosovës të hetojë çdo përfshirje të mundshme të pjesëtarëve të Policisë së Kosovës në veprimtarinë kriminale të Mefail Shkodrës, i shpallur në kërkim për vrasjen e trefishtë në Gjilan.

Sveçla tha se do të jetë i pakompromis në garantimin e integritetit profesional dhe personal të shërbyesve publikë dhe kërkoi angazhim të plotë ndërinstitucional për të siguruar institucione të besueshme.

Ai theksoi se askush nuk është i paprekshëm dhe kërkoi nga drejtësia që të veprojë me vendosmëri për sundimin e ligjit dhe rendit në vend.

Lajmet

Identifikohen dhe sekuestrohen armë në dy raste të ndara në Malishevë dhe Rahovec

Published

40 minutes ago

August 11, 2025

UBTnews

Në dy raste të ndara, Stacionet Policore në Malishevë dhe Rahovec, në bashkëpunim me qytetarët, kanë arritur të identifikojnë personat që kanë përdorur armë zjarri dhe të sekuestrojnë armët.

Në rastin e parë, më 7 gusht 2025, në fshatin Lladroviq të Komunës së Malishevës, Njësia Hetimore e Stacionit Policor Malishevë ka pranuar një informatë për gjuajtje me armë zjarri. Pas hetimeve, janë identifikuar dy të dyshuar dhe është sekuestruar arma e përdorur.

Gjatë kontrollit në vendbanimin e të dyshuarve janë gjetur dhe janë sekuestruar një pushkë gjysmë automatike, 7 fishekë, 8 gëzhoja dhe dy granata dore. Me urdhër të prokurorit, ndaj tyre është iniciuar rasti për “Mbajtje të paautorizuar të armëve” dhe “Përdorim të armës apo mjetit të rrezikshëm”. Të dy të dyshuarit janë liruar në procedurë të rregullt.

Ndërsa në rastin e dytë, më 11 gusht 2025, në Rahovec, pas një informate për të shtëna në rrugën “Selajdin Mullabazi”, Policia ka identifikuar dhe arrestuar një të dyshuar. Janë sekuestruar një pistoletë, një karikator, 2 fishekë dhe 6 gëzhoja të kalibrit 7.62 mm.

Rasti është iniciuar për “Mbajtje të paautorizuar të armëve” dhe “Shkaktim të rrezikut të përgjithshëm”, përderisa i dyshuari është dërguar në mbajtje për 48 orë.

Drejtoria Rajonale e Policisë në Gjakovë vazhdon angazhimin për garantimin e sigurisë publike dhe luftimin e veprimtarive të paligjshme që cenojnë rendin dhe sigurinë e qytetarëve.

Lajmet

Trepça paditë një ndërmarrje që shfrytëzoi për 20 vjet një parcelë

Published

41 minutes ago

August 11, 2025

UBTnews

Menaxhmenti i Ndërmarrjes Trepça Sh.A. ka paraqitur kallëzim penal ndaj Ndërmarrjes Prodhuese Ndërtimore Tregtare “Xhafi”, për shkak të shfrytëzimit të kundërligjshëm të parcelës, pronë e regjistruar e Ndërmarrjes Trepça Sh.A.

Sipas njoftimit, bazuar në hetimet paraprake, është konstatuar se shfrytëzimi i kësaj prone është bërë në mënyrë të paligjshme për një periudhë prej më shumë se 20 vjetësh.

“Ky veprim përbën shkelje të nenit 320 të Kodit Penal të Republikës së Kosovës, që ndalon uzurpimin e paligjshëm të pronës së paluajtshme”, thuhet në njoftim.