Shëndeti

Paralajmërimi i ekspertëve: Mos hani kurrë këto katër ushqime

Kjo sipas mikrobiologes, Kali Kniel dhe dr. Bryan Quoc Le.

Published

2 years ago

October 5, 2023

UBT news

Ndoshta duhet të mendoni dy herë, herën tjetër kur blini diçka nga supermarketi.

Ekspertët e sigurisë ushqimore kanë zbuluar katër ushqimet e shitura në raftet e supermarketeve, që ata nuk do t’i hanin kurrë. Në fakt, disa prej tyre mund t’ju habisin. Kali Kniel, një mikrobiologe në Universitetin e Delaware, dhe Dr. Bryan Quoc Le, një kimist ushqimor me bazë në Uashington, DC dhe konsulent industrie, zbuluan se cilat janë këto katër ushqime.

Lakra e papërpunuar

Nëse lakra është e preferuara juaj nëpër sanduiçe, duhet të dini se rreziqet mund të jenë më të mëdha se përfitimet. Nuk është e nevojshme t’i shmangni ato plotësisht, por ato mund të jenë baza për mbarështimin e baktereve si salmonela dhe E.coli, sipas Qendrave të SHBA për Kontrollin dhe Parandalimin e Sëmundjeve. Sipas eksperteve kjo ndodh kur lakra konsumohet e papërpunuar. Ata rekomandojnë avullimin për të vrarë mikrobet dhe për të zvogëluar rrezikun e helmimit nga ushqimi.

Qumësht i papërpunuar, i papasterizuar

Nëse shihni qumësht të papasterizuar për shitje në dyqane ushqimore, mos e blini. Ka shumë njerëz që reklamojnë qumështin e papërpunuar, por thjesht nuk ia vlen të rrezikohet sepse ka shumë patogjenë që janë ende të gjallë në atë qumësht, veçanërisht nëse ai vjen drejtpërdrejt nga një fabrikë. Administrata e Ushqimit dhe Barnave gjithashtu mbështeti këtë pikëpamje, pasi qumështi i papërpunuar mund të shkaktojë sëmundje të tilla si salmonela, E. coli, listeria dhe campylobacter. FDA gjithashtu vuri në dukje se pirja e qumështit të papasterizuar mund të jetë veçanërisht e rrezikshme për ata me sistem imunitar të dobësuar, fëmijët, të moshuarit dhe gratë shtatzëna.

Frutat ose perimet e prera paraprakisht

Edhe pse mund t’ju pëlqejë komoditeti i marrjes së një tasi me fruta ose perime të prera paraprakisht, në fakt mund të mos jetë aq e mirë për shëndetin tuaj. Ekspertët rekomandojnë larjen e produkteve të prera para ngrënies. Gjithashtu sigurohuni që frutat dhe perimet e prera paraprakisht të qëndrojnë të ftohta dhe t’i ndani nga mishi i papërpunuar, shpendët dhe ushqimet e detit që mund të jenë në karrocën tuaj ushqimore. Eksperti Kniel lëshoi gjithashtu një paralajmërim të veçantë për pjeprin e prerë, duke thënë se ata janë “më të prekshëm” ndaj ndotjes. Arsyeja e parë është se pjeprat rriten në tokë, që do të thotë se mund të thithin ujin e ndotur gjatë procesit të rritjes dhe madje të vijnë në kontakt me jashtëqitjet e kafshëve. Lëkura e frutave gjithashtu mund të përmbajë baktere.

Ushqimet e nxehta

Ushqimi i nxehtë që serviret nëpër mensa duhet të mbahet gjithmonë në temperatura të larta. Ekziston një “zonë rreziku”, ku ushqimi mund të hyjë nëse lihet në temperaturën e dhomës për dy orë. Bakteret mund të shumohen me shpejtësi në “zonën e rrezikut”. “Nëse sistemi i ngrohjes nuk funksionon siç duhet, shmangni ushqimin e nxehtë,” këshilloi Le HuffPo. “Por nëse mbahet mbi temperaturën e duhur, atëherë ju mund ta konsumoni, sepse nuk kontaminohet”.

Burimi: Top Channel

Related Topics:Bryan Quoc Le Kali Kniel ushqime

Up Next

Këto katër fakte për aneminë duhet t’i dini patjetër

Don't Miss

3 mënyra si të rregulloni humorin dhe gjendjen emocionale

Shëndeti

7 karbohidratet që ndihmojnë në uljen e tensionit të gjakut

Published

1 hour ago

May 29, 2025

Albina Zeneli

Kur bëhet fjalë për tensionin e lartë gjakut, nuk është vetëm kripa që ka rëndësi. Karbohidratet e duhura, si bananet, fasulet, kosi, tërshëra, frutat me antioksidantë dhe lëngu i portokalli, mund të jenë aleatë të fuqishëm për shëndetin e zemrës.

Zgjidh karbohidrate me përbërje të lartë të fibrave, mineraleve dhe përbërësve bioaktivë, dhe shmang ëmbëlsirat e përpunuara dhe pijet me sheqer të shtuar, ka raportuar EatingWell.

Përfshirja e karbohidrateve në dietë ndihmon në uljen e tensionit të gjakut dhe në përmirësimin e shëndetit të zemrës.

Rreth 1 në 2 të rritur në SHBA kanë tension të lartë, gjë që rrit rrezikun për sulm në tru dhe infarkt. Kur dikush diagnostikohet me hipertensioni, këshilla e parë është “shmang kripën!”. Edhe pse kjo ka rëndësi, nuk është e vetmja gjë.

Një nga mënyrat për të ulur tensionin është dieta DASH, e cila fokusohet te drithërat e plota, perimet, frutat, bulmeti pa yndyrë, peshku, arrat dhe yndyrat e shëndetshme. Ajo përfshin shumë ushqime me karbohidrate të shëndetshme.

Bananet – Janë të pasura me kalium, mineral thelbësor për mbajtjen nën kontroll të tensionit. Shoqata Amerikane e Zemrës rekomandon shtimin e kaliumit për personat me tension mbi 120/80 mmHg. “Bananet janë zgjedhje e zgjuar për t’ia shtuar dietës së përditshme”, ka shkruar Shoqata në udhëzimet e saj zyrtare.

Fasulet – Përmbajnë karbohidrate, proteina bimore, magnez dhe i rezistojnë përthithjes së shpejtë, duke ndihmuar në uljen e tensionit. Fasulet janë të pasura me lëndë ushqyese që ndikojnë pozitivisht në shëndetin kardiovaskular.

Kosi – Burim natyral i kalciumit, magnezit e kaliumit. Këto minerale janë thelbësore për shëndetin e zemrës.

“Përveç kësaj, probiotikët në kos ndihmojnë në uljen e tensionit të gjakut”, thuhet në një studim.

Shalqiri – I ëmbël dhe i freskët, shalqiri ndihmon në uljen e presionit sistolik. Një analizë ka zbuluar se konsumimi i shalqirit ndihmon në uljen e tensionit te moshat e mesme.

Tërshëra – E pasur me fibra, sidomos beta-glukane, që lidhen me uljen e tensionit sistolik dhe diastolik. “Të dhënat tregojnë një lidhje mes konsumit të drithërave të plota dhe rrezikut më të ulët për hipertension,” sipas një studimi.

Boronicat – Janë të mbushura me antocianina, përbërës bimorë që u japin ngjyrën e kaltër e përmirësojnë funksionin e enëve të gjakut. Një studim ka zbuluar se një tas i mbushur me boronica në ditë ul tensionin sistolik.

“Edhe nëse janë të freskëta apo të ngrira, boronicat ndihmojnë në mbrojtjen e zemrës”, ka thënë autorja e studimit.

Lëngu i portokallit 100% natyral – Burim i pasur me kalium, përmban hesperidin, një antioksidant që ndikon pozitivisht në enë. Konsumimi i 500 ml lëng për 12 javë uli tensionin sistolik te personat me hipertension të lehtë.

Shëndeti

Një shegë në ditë kundër infeksioneve të veshkave

Published

2 hours ago

May 29, 2025

Albina Zeneli

Infeksionet në veshka dhe ato në rrugët urinare janë të përhapura ndjeshëm.

Infeksionet nisin që nga veshkat e deri në traktin urinar duke u manifestuar me dhimbje, temperaturë e djegie. Problemet me infeksionet nuk duhen anashkaluar se i hapin rrugën problemeve të tjera që rëndojnë shëndetin.

Hapi i parë është pirja e sa më shumë ujë dhe lëngje për të nxjerrë bakteret nga organizmi. Një nga lëngjet më të mira kundër këtyre infeksioneve është ai i shegës, i cili është i pasur me antioksidantë.

Vlerat shëndetësore të shegës

E pasur me vitaminë C dhe antioksidantë që luajnë një rol thelbësor në parandalimin e akumulimit të baktereve në veshka dhe rrugët urinare. Vitamina C forcon imunitetin dhe e bën më të aftë të luftojë bakteret, antioksidantët eliminojnë toksinat. Një sistem i fortë imunitar ofron një shërim më të shpejtë të këtyre infeksioneve.

Si të përdorni lëngun e shegës kundër infeksioneve?

Për shëndetin e veshkave dhe të traktit urinar, ekspertët rekomandojnë ngrënien e një shege ose pirjen e lëngut çdo mbrëmje pas darkës. Pirja e rregullt e lëngut largon simptomat e infeksioneve dhe rezultatet vërehen shumë shpejt.

Mënyra tjera për trajtimin e infeksioneve

Përveç shegës, njerëzit që preken nga infeksionet e rrugëve urinare përdorin disa kura natyrale që ofrojnë trajtim efikas të problemit Lëngu i limonit është një prej tyre. Limoni është burim i pasur i vitaminës C dhe antioksidantësh që krijojnë një mjedis alkalin në organizëm. Lëngu i limonit pengon rritjen dhe zhvillimin e baktereve dhe nxit urinimin.

Ai nxit eliminimin e toksinave nga trakti urinar. Lëngu i boronicës së kuqe parandalon shumimin e baktereve të këqija të rrugëve urinare. Ajo eliminon toksinat dhe pengon rishfaqjen e infeksionit.

Shëndeti

Të mirat që i sjell moskonsumimi i mishit

Published

4 hours ago

May 29, 2025

Albina Zeneli

Debatet për të mirat dhe të këqijat e të qenit vegjetarian duket se do të jenë të përjetshme.

E disa ekspertë shëndetësorë kësaj radhe janë përqendruar vetëm pas të mirave që i sjell shmangia e mishit.

Ja disa prej përfitimeve që ka trupi kur nuk hani mish:

-Do të humbni peshë;

-Numri i baktereve të mira në zorrë rritet;

-Lëkura duket më e shëndetshme;

-Keni më shumë energji;

-Rreziku i sëmundjeve kardiovaskulare zvogëlohet.

Shëndeti

Studim: Si ta ruani peshën pas përdorimit të Ozempic?

Published

5 hours ago

May 29, 2025

Albina Zeneli

Ozempic, i famshëm për ndihmën që u ka ofruar yjeve të Hollivudit për të humbur peshë, është cilësuar si “ilaç mrekullie”.

Por, kur diçka duket e mirë për të qenë e vërtetë, shpeshherë ka dhe kufizime, ndi rritjen e popullaritetit të Ozempic dhe ilaçeve të ngjashme, disa pacientë kanë raportuar se efektet në peshë zbehen me kalimin e kohës, duke nxitur kërkimin e alternativave tjera.

Një studim i ri, i botuar në “eClinicalMedicine” dhe i udhëhequr nga studiuesit e Universitetit të Kopenhagës, ofron shpresë të re për mbajtjen e rezultateve. Ky studim përfshiu 109 të rritur me obezitet, që u ndanë në katër grupe: një grup mori vetëm injeksione liraglutide (ilaç GLP-1 i ngjashëm me semaglutide) për një vit; një grup tjetër kombinoi injeksionet me program ushtrimesh dy orë në javë; grupi i tretë ndoqi vetëm ushtrime; ndërsa grupi i fundit nuk mori asnjë ndërhyrje.

Një vit pas përfundimit të trajtimit, studiuesit zbuluan se pjesëmarrësit që morën injeksione rifituan dy të tretat e peshës së humbur. Ata që kombinuan ilaçin me aktivitet fizik kishin ruajtur rezultatet më mirë, shumë prej tyre mbajtën të paktën 10% të humbjes fillestare të peshës trupore.

“Studimi ynë ofron shpresë të re, duke treguar se pacientët që marrin ilaçe për humbje peshe dhe ushtrojnë rregullisht, mund të ruajnë rezultatet edhe një vit pas përfundimit të trajtimit,” tha Dr. Signe Sørensen Torekov, profesore e Shkencave Biomjekësore dhe udhëheqëse e studimit.