Lajmet

Paralajmërimet për mbylljen e kufirit, deputeti i LVV-së kërkon reagimin e ndërkombëtarëve

Published

on

Deputeti i Lëvizjes Vetëvendosje, Enver Dugolli kërkon reagim ndërkombëtar për paralajmërimet e serbëve për bllokim të pikave kufitare me Kosovën. Ai thotë se ky është një akt i jashtëligjshëm që po inspirohet dhe nxitet nga Serbia dhe një sinjal nga kjo e fundit se nuk është e interesuar për normalizim të raporteve me Kosovën.

Deputeti nga pushteti thotë se ekzekutivi do të këmbëngulë që hap pas hapi të mbyllen të gjitha strukturat paralele serbe në Kosovë, ndërkaq nënvizojë se po punojnë intensivisht që t’i bindin aleatët ndërkombëtarë për nevojën e hapjes së urës së Ibrit. Ai thekson se në asnjë rrethanë nuk mund të ketë përplasje ndërmjet Policisë së Kosovës dhe KFOR-it, trupa të të cilit kanë prani konstante mbi urën kryesore në lumin Ibër që lidh Mitrovicën e Jugut dhe Mitrovicën e Veriut.

Dugolli thotë se organet e sigurisë në Kosovë kanë ndërmarrë të gjitha veprimet e duhura që bllokimi i rrugëve të mos ndodh në territorin e Kosovës. Ai bën thirrje që të evitohen hyrje-daljet në këto pika kufitare, pasi mund të haset në vështirësi.

“Ne i kemi këto informata, ku një grup qytetarësh të dyshimtë të cilët padyshim se janë të inspiruar dhe nxitur nga Serbia për të bërë këto bllokada. Organet e rendit kanë marrë të gjitha veprimet e duhura që një gjë e tillë mos të ndodh në territorin e Kosovës. Bllokimi i rrugëve është një akt i jashtëligjshëm, s’ka të drejtë askush t’i bllokojë rrugët për qarkullimin e lirë të qytetarëve. Se çka ndodh matanë kufijve të Kosovës ne nuk mund të flasim, pasi është çështje e Serbisë….Ky është një sinjal jo i mirë i cili qon mesazhe që Serbia nuk është e interesuar që të ketë normalizim të raporteve, s’është e interesuar që të mundëson qytetarëve lirinë e lëvizjes, zhvillimin, komunikimin normal dhe kështu me radhë”, thekson Dugolli.

Sipas tij, përmes këtyre veprimeve Serbia s’është e interesuar për normalizim të raporteve me Kosovën. Ai shton se komuniteti serb në Kosovë s’po i përgjigjet më thirrjeve të Serbisë për të minuar përbrenda Kosovën.

“Të gjitha veprimet që Serbia ia ka marrë ka dëshmuar që s’është e interesuar të ketë fqinjësi të mirë me shtetin e Kosovës. Ajo e mohon atë dhe tenton që në çdo formë të minojë përbrenda duke instrumentalizuar një pjesë e të komunitetit serb. Mirëpo lajm i mirë është se gjithnjë e më pak ka qytetarë të komunitetit serb që i përgjigjen këtyre thirrjeve. E keni pa me rastin e një proteste paqësore që ndodhi në veri tek ura, ku ishte një numër simbolik në krahasim me vitet e kaluara kur shihnim turma të shumta të qytetarëve, ndonëse ishin të detyruar. Ne kuptojmë se njerëzit e Radoiçiqit i kanë detyruar, mirëpo tash situata është krejtësisht ndryshe pasi ato banda nuk janë më në Kosovë”, thekson Dugolli.

Duke folur për mbylljen e zyrave të komunave paralele serbe në veri, ai thotë se institucionet e Kosovës janë të fokusuar për rend dhe ligj të tërë territorin e Kosovës.

“Ne jemi për rend dhe ligj. Shteti i Kosovës po bën gjithçka që të sigurojë rend dhe ligj dhe shtrijë sovranitetin në të gjithë territorin e Kosovës. Për një kohë të gjatë ajo pjesë(veriu) është konsideruar si një oazë e krimit të organizuar, kontrabandës dhe një pjesë ku ka dominuar banda e Radoiçiqit. Ka qenë një situatë kaotike në të cilën kanë pësuar në radh të parë qytetarët serbë por edhe imazhi i Kosovës. S’mundet të ketë një shtet të pranuar ndërkombëtarisht ku s’ka kontroll efektiv në një pjesë të territorit. Prandaj ne kemi bërë gjithçka gjatë këtij mandati që të sigurojmë rend dhe ligj për qytetarët dhe më pastaj hap pas hapi duke shuar strukturat paralele të cilat kanë qenë dhe janë të paligjshme për Republikën e Kosovës”, deklaron ai.

Sa i përket hapjes së urës së Ibrit, Dugolli thekson se po punohet intensivisht që brengat e ndërkombëtarëve të adresohen dhe ura të hapet për qarkullim për automjete.

“Dialog dhe komunikim ka të vazhdueshëm dhe do të ketë edhe të ardhmen. BE-ja si ndërmjetës në dialog duhet të jetë më i qartë në këtë drejtim. Edhe me marrëveshjet e vitit 2013-2015 është paraparë që ura të hapet dhe tani jemi në vitin 2024 dhe është për keqardhje që ka mbetur deri tani ura e mbyllur. Ura dihet për çka është ndërtuar, për të lidh dy brigjet e lumit dhe të jetë simbol i bashkimit dhe ndarjes. Prandaj ne po bëjmë gjithçka që është e mundur që t’i bindim miqtë tanë që brengat e tyre do të adresohen. S’ka rrezik për tensionim të situatës pasi një gjë të tillë qytetarët po e vërejnë çdo ditë”, thekson Dugolli.

Sipas tij, në asnjë rrethanë s’do të ketë konfrontim të Policisë së Kosovës dhe trupave të KFOR-it.

“Në asnjë variant dhe asnjë moment nuk do të ketë konfrontim të policisë së Kosovës dhe KFOR-it, pasi ne i konsiderojmë dhe i kemi miq. Janë forca mike të cilat kanë ardh me një mision dhe jemi duke bashkëvepruar dhe bashkëpunuar me ata”, përfundon Dugolli.

Vendi

Dështon mbledhja e Kryesisë së Kuvendit për mungesë kuorumi, shtyhet shqyrtimi i Projektligjit për Gjykatën Speciale

Published

on

Mbledhja e Kryesisë së Kuvendit të Kosovës ka dështuar të mbahet të martën për shkak të mungesës së kuorumit.

Këtë e bëri të ditur nënkryetari i Kuvendit, Ardian Gola, i cili para gazetarëve foli edhe për Projektligjin për Gjykatën Speciale. Ai tha se vazhdimi i seancës së ndërprerë, ku ishte paraparë shqyrtimi i këtij projektligji, kërkon koordinim dhe dakordim mes partive politike.

“Është çështje komplet jashtë rendit të ditës së Kryesisë. Arsyeja që është ndërprerë seanca ka të bëjë me mungesë të kuorumit dhe realisht kryetarja Haxhiu ka autorizuar që, në koordinim me shefat e grupeve parlamentare, të caktohet një datë kur do të vazhdojë ajo seancë. Mbetet çështje e dakordimit politik, të menaxhuar dhe drejtuar nga kryetarja e Kuvendit”, theksoi Gola.

Ai u pyet edhe për dënimin e ish-presidentit Hashim Thaçi nga Dhomat e Specializuara në Hagë.

Gola shprehu keqardhje për procesin gjyqësor që po zhvillohet në këtë institucion, ndërsa bëri të ditur se vendimi i fundit do të trajtohet edhe në kuadër të grupit punues për strategjinë lidhur me ish-krerët e UÇK-së, të udhëhequr nga zëvendëskryeministri Glauk Konjufca.

“Shprehim keqardhjen tonë për gjithë procesin që po zhvillohet në Dhomat e Specializuara. Ne e kemi themeluar një grup punues, në krye të të cilit është zëvendëskryeministri Glauk Konjufca, dhe shpresojmë që edhe ky vendim të jetë si pjesë shtesë e këtij grupi punues”, tha ai./A.K/

Continue Reading

lajme

Gjykata e Lartë në Beograd cakton paraburgimin dhe lëshon urdhërarrest për Milan Radoiçiqin

Published

on

By

Gjykata e Lartë në Beograd ka marrë vendim për caktimin e masës së paraburgimit dhe lëshimin e urdhërarrestit ndaj ish-nënkryetarit të Listës Serbe, Milan Radoiçiq, pasi ky i fundit nuk është paraqitur në stacionin policor, konfirmim ky i dhënë për median serbe Insajder nga vetë Gjykata e Lartë në Beograd.

Sipas Gjykatës, vendimi për paraburgim dhe fletarrest është marrë për shkak se Radoiçiq i cili ndodhet nën hetime për pjesëmarrje në sulmin e armatosur në fshatin Banjskë nuk është lajmëruar në stacionin policor më 15 nëntor. Paraqitja periodike në polici ishte një nga masat e sigurisë të caktuara nga gjykata si garanci se ai do të ishte i disponueshëm gjatë kohëzgjatjes së hetimeve. Sipas po të njëjtave burime gjyqësore, paraburgimi u caktua për shkak të rrethanave që tregojnë se i pandehuri po fshihet ose është arratisur. Informacionin fillimor se për Radoiçiq është lëshuar urdhërarrest e kishte publikuar portali BIRN.

Milan Radoiçiq po hetohet në Serbi në kuadër të lëndës “Banjska”, e cila u iniciua pas konfliktit të armatosur në fshatin Banjskë të Kosovës më 24 shtator 2023, ku mbetën të vrarë katër persona, rreshteri i Policisë së Kosovës,  Afrim Bunjaku i cili ishte në detyrë dhe tre anëtarë të grupit të armatosur.

Radoiçiq kishte pranuar përmes avokatit të tij, Goran Petronijević, se kishte qenë përgjegjës logjistike për organizimin e grupit terrorist.

Ndonëse Prokuroria e Lartë në Beograd kishte kërkuar paraburgim pas nisjes së procedurës penale për vepra të tilla si armëmbajtje pa leje dhe vepra kundër sigurisë përgjithëshme, gjykata e kishte lënë të mbrohet në liri, me kusht që të dorëzonte pasaportën, të mos udhëtonte në Kosovë dhe të paraqitej në polici çdo dy javë. Që atëherë, prokuroria nuk kishte dhënë asnjë informacion për ndonjë përparim tjetër në këtë hetim.

Paralelisht me këto zhvillime në Serbi, në Kosovë është duke u zhvilluar një proces gjyqësor kundër 45 personave, ku rasti në Banjskë është cilësuar si terrorizëm dhe sulm ndaj rendit kushtetues, proces në të cilin dy persona tashmë janë dënuar me burgim të përjetshëm dhe një tjetër me 30 vjet burgim.

Në kohën kur ndodhi sulmi terrorist në Banjskë, Milan Radoiçiq ushtronte funksionin e nënkryetarit të Listës Serbe, subjekti kryesor i serbëve të Kosovës me lidhje të ngushta me Partinë Përparimtare Serbe (SNS) në pushtet, ndërsa më parë ishte shfaqur shpesh në tubime politike dhe në shoqërinë e zyrtarëve më të lartë shtetërorë të Serbisë. /E.A/

 

Continue Reading

Vendi

Marko Hatlak kërkon falje për interpretimin e këngës “Oj Kosovo, Kosovo” në Bruksel

Published

on

Muzikanti dhe fizarmonicisti slloven, Marko Hatlak, ka kërkuar falje për përzgjedhjen dhe interpretimin e këngës “Oj Kosovo, Kosovo” gjatë ceremonisë hapëse të Forumit të Zgjerimit të Bashkimit Evropian 2026 në Bruksel.

Kënga, e cila përmban pretendime nacionaliste serbe ndaj Kosovës, kishte nxitur reagime të shumta pas interpretimit të saj në këtë aktivitet.

Hatlak, i cili ishte përgjegjës për përgatitjen e programit muzikor në emër të Komisionit Evropian, ka thënë se përzgjedhja ishte e paqëllimshme dhe se nuk ishte në dijeni të kontekstit historik e politik të këngës.

Në një reagim publik, ai ka shpjeguar se ishte ngarkuar të përzgjidhte dhjetë këngë, nga një për secilin vend pjesëmarrës në forum, dhe t’ia dorëzonte ato organizatorëve për miratim.

Sipas tij, gjatë kërkimit në Google për një këngë tradicionale nga Kosova, kishte hasur në “Oj Kosovo, Kosovo”, e cila ishte përshkruar si këngë patriotike.

“Unë e përzgjodha atë nga këndvështrimi i një muzikanti, pra duke u bazuar në harmoninë, ritmin dhe tingullin e saj”, ka shpjeguar Hatlak.

Ai ka thënë se kishte vetëm një javë kohë për përgatitjen dhe interpretimin e programit dhe se, për shkak të afatit të shkurtër, nuk kishte arritur të hulumtonte prejardhjen dhe domethënien e këngës. Sipas tij, as organizatorët nuk e kishin vënë në pah natyrën problematike të përzgjedhjes gjatë shqyrtimit të programit.

“U kërkoj sinqerisht falje të gjithë atyre që janë prekur nga kjo ngjarje”, ka deklaruar muzikanti.

Hatlak ka bërë të ditur se kërkimfaljen ua ka dërguar drejtpërdrejt edhe ambasadorit të Kosovës në Slloveni, Valdet Sadiku, ambasadorit të Kosovës në Belgjikë, Agron Bajrami, kryenegociatorit për Integrimin Evropian, Jeton Zulfaj, si dhe komisioneres evropiane për Zgjerim, Marta Kos.

Ai ka theksuar se nuk kishte pasur qëllim të ofendonte askënd dhe se nuk do ta kishte interpretuar këngën po ta kishte ditur kontekstin e saj.

“Po ta kisha ditur kontekstin dhe domethënien e saj, sigurisht që nuk do ta kisha interpretuar. Gjatë gjithë karrierës sime, jam përpjekur që përmes muzikës t’u sjell njerëzve vetëm gëzim dhe paqe të brendshme. Nuk ka qenë kurrë qëllimi im të fyej askënd”, ka shkruar ai.

Në fund, Hatlak ka shprehur keqardhje për situatën e krijuar, duke shpresuar që kërkimfalja e tij të pranohet./A.K/

Continue Reading

Lajmet

Studimi i profesorëve të UBT-së publikohet në revistën ndërkombëtare “Pharmacoepidemiology”

Published

on

By

Punimi shkencor i profesorëve të Shkencave Mjekësore në UBT, Prof. Dr. Fitim Alidema dhe Prof. Dr. Zejdush Tahiri, në bashkëautorësi me Mr. Ph. Flakron Alidema, është publikuar në revistën prestigjioze ndërkombëtare Pharmacoepidemiology.

Ky studim vëzhgues retrospektiv ka analizuar të dhënat e 4.668 pacientëve të trajtuar me aspirinë 100 mg në kujdesin parësor shëndetësor. Gjetjet kryesore të hulumtimit tregojnë se përdorimi potencialisht i papërshtatshëm i aspirinës është dukshëm më i lartë në parandalimin parësor kardiovaskular (52,3%) krahasuar me atë dytësor (1,8%).

Kontributi i veçantë i këtij punimi të profesorëve të UBT-së qëndron në vlerësimin e përbashkët të indikacionit mjekësor, profilit të rrezikut për gjakderdhje dhe barnave shoqëruese, në raport me ndërprerjen e dokumentuar të terapisë. Sipas analizës, historia e gjakderdhjes gastrointestinale rezultoi të jetë faktori kryesor i lidhur me ndërprerjen e trajtimit me aspirinë, duke nxjerrë në pah nevojën për rivlerësim individual të raportit përfitim–rrezik te secili pacient.

Revista Pharmacoepidemiology, e botuar nga MDPI, renditet në kuartilin Q2 sipas SCImago 2025 në kategorinë e farmakologjisë dhe toksikologjisë, indeksohet në platformat e njohura Scopus dhe Web of Science (ESCI), dhe ka faktor ndikimi 1,6 sipas Clarivate.

Continue Reading

Të kërkuara