Lajmet

Para se t’ua lini telefonin në duar fëmijëve, lexojeni këtë

Publikuar

Pavarësisht sa shumë smartfonët kanë thjeshtuar jetën tuaj, shpesh harroni sa shumë ndikon telefoni në jetën e fëmijëve tuaj.

Dhe sa më shumë kohë kalojnë para ekranit të një celulari, aq më shumë shtohen pasojat negative në rritjen e tyre.

Më poshtë renditen problemet kryesore me të cilat përballet një fëmijë (dhe jo vetëm), kur kalon shumë kohë në telefon.

Telefoni shkatërron marrëdhënien prind-fëmijë

Psikologët thonë se celulari dashur pa dashur e shkëput këtë marrëdhënie. Fëmijët sot pavarësisht se jetojnë në të njëjtën çati me prindërit, nuk kalojnë kohë cilësore me ta, nuk janë të përqëndruar në bisedat apo problemet familjare dhe s’i kushtojnë vëmendje bisedave më nënën a babain.

Ndikon në procesin e rritjes

Kush mezi priste të rritej kur ishte i vogël? Mendonim se jeta e një të rrituri është e mbushur me kënaqësi. Ti bën çfarë të duash, ble çfarë të pëlqen dhe mund të shkosh kudo pa lejen e askujt. Ndërsa sot, të rinjtë duket se janë shumë pak të interesuar për jetën e një të rrituri. Nuk përfshihen në aktivitete, nuk dalin në takime, nuk punojnë për të paguar vetë taksat apo për të jetuar vetëm. Shumicën e kësaj kohe e zë smartfoni.

Do t’i krijojë shumë vështirësi në jetën sociale

Fëmijët e sotëm kanë një tjetër koncept rreth miqësisë. Ata mendojnë se një shok i ri është vetëm një klikim larg. Për shkak të kohës së madhe që kalojnë nëpër to, përballja me realitetin nesër do të bëhet edhe më e vështirë.

Shkakton ankth dhe depresion

Fëmijët janë nën presion të vazhdueshëm për të qenë prezent dhe të përgjigjen në çdo kohë. Bota virtuale i përfshin shumë emocionalisht dhe shpesh herë nuk dinë të bëjnë dallimin mes asaj dhe botës së vërtetë.

Fëmijët rriten të palumtur

Sondazhet kanë treguar se adoleshentët që kalojnë më shumë kohë para një ekrani janë shumë herë më të palumtur se ata të cilët merren me aktivitete sportive. Këta të fundit janë më të zhdërvjellët, ndërveprojnë më mirë me njerëzit dhe kalojnë kohë cilësore që qëndrimi në një smartfon nuk ta zëvendëson kurrsesi.

Lajmet

Tahiri: Ditët në vijim do të iniciojmë kërkesën për shpërbërjen e Kuvendit

Sipas tij, afati i fundit për shpërndarjen e legjislaturës së tetë është fundi i muajit prill.

Publikuar

nga

Shefi i grupit parlamentar të Partisë Demokratike të Kosovës, Abelard Tahiri, ka paralajmëruar se ditët në vijim do të iniciojnë kërkesën për shpërbërjen e Kuvendit.

Sipas tij, afati i fundit për shpërndarjen e legjislaturës së tetë është fundi i muajit prill, kësisoj do të mundësohej që në muajin qershor të mbahen zgjedhjet e parakohshme.

Tahiri shtoi se kryetari i PDK-së shumë shpejtë do të nis diskutimet edhe me partitë opozitare që vendi të shkojë në zgjedhje sa më shpejtë. Këto komente Tahiri i bëri pas mbledhjes së Kryesisë së Kuvendit.

Vazhdo të lexosh

Lajmet

Maqedonci pret në takim homologun e Italisë, i kërkon mbështetje për anëtarësim në BE dhe NATO

Maqedonci ka njoftuar se kanë diskutuar rreth situatës së sigurisë në vend si dhe format se si mund të zgjerojnë bashkëpunimin në fushën e shkollimit.

Publikuar

nga

Ministri i Mbrojtjes, Ejup Maqedonci ka pritur në takim ministrin e Mbrojtjes së Italisë, Guido Crosetto. Maqedonci ka njoftuar se kanë diskutuar rreth situatës së sigurisë në vend si dhe format se si mund të zgjerojnë bashkëpunimin në fushën e shkollimit si dhe trajnimit të ushtarakëve, e po ashtu në fushën e industrisë së mbrojtjes.

“Ministrin e falënderova për mbështetjen që Italia i ka ofruar Kosovës, veçanërisht në fushën e sigurisë dhe mbrojtjes duke qenë shteti me pjesëmarrjen më të madhe të trupave në kuadër të misionit të KFOR-it. Ndërsa po ashtu e njoftova rreth mbështetjes që jemi duke i ofruar Ukrainës përmes ofrimit të trajnimeve dhe dhurimit të automjeteve taktive e municioneve që pritet të dërgohen së shpejti”, ka njoftuar Maqedonci në rrjetin social Facebook.

Maqedonci tha se ka kërkuar mbështetjen e Italisë në proceset për anëtarësimin e Kosovës në BE dhe në NATO, për të cilën tha se ka pranuar konfirmin nga ministri Crosetto për mbështetje të pakursyer të Italisë.

Vazhdo të lexosh

Lajmet

Murati thotë se qarkullimi i bizneseve ka rritje, i reagon Bajrami: Çka ke bërë për sektorin privat

Murati ka shkruar në Facebook se këto janë të dhënat zyrtare të deklaruara në ATK.

Publikuar

nga

Ministri i Financave, Hekuran Murati ka thënë se qarkullimi i bizneseve për muajt janar dhe shkurt të këtij viti, krahasuar me vitin 2023, shënon rritje prej +4.8%. Murati ka shkruar në Facebook se këto janë të dhënat zyrtare të deklaruara në ATK.

“Çdo pretendim tjetër nëpër studio televizive ose është i keqinformuar, ose qëllimkeq. Ndërmarrësit tanë e bizneset tona e kanë dëshmuar tash e sa kohë që u bëjnë ballë të gjitha sfidave”, ka shkruar ai.

Atij i ka reaguar deputetja e Lidhjes Demokratike të Kosovës, Hykmete Bajrami duke ia kujtuar se eksportet e Kosovës të vitit 2023 janë për 6% me të ulëta se ato të vitit 2022.

“Për këtë s’po flet a? Çka ke bë ministër për sektorin privat që po krenohesh me qarkullimin e tyre, përveç që iu ke marrë taksat dhe i ke shpërnda në formë të karrameleve. Në mandatin e juaj: Investiemt kapitale të nivelit qendror janë të njëjta me ato të vitit 2017, plus ti ke inflacion 23% në tri vitet e fundit, bizneseve u është dyfyshu tatimi në pronë, bizneseve u është rritë çmimi i energjisë, bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët se ai i vitit 2022. Që dy vjet e ke drejtorin e ATK-së pa mandat, të emëruarin e PDK-së në kohën e Bedri Hamzës ministër i financave, çka me të thanë…E sa ju përket atyre që po themi në studio merr leje ndonjë ditë, gjeje guximin e hajde përballemi”, ka shkruar ajo në Facebook.

Vazhdo të lexosh

Lajmet

LDK dhe AAK kërkojnë dorëheqjen e Kurtit për të shkuar në zgjedhje

Sipas tyre, Kurti nuk mund t’i ikë përgjegjësisë për keqqeverisje duke shpërbërë Kuvendin.

Publikuar

nga

Lidhja Demokratike e Kosovës dhe Aleanca për Ardhmërinë e Kosovës kanë kërkuar dorëheqjen e kryeministrit Albin Kurti për të shkuar në zgjedhje të parakohshme. Sipas tyre, Kurti nuk mund t’i ikë përgjegjësisë për keqqeverisje duke shpërbërë Kuvendin.

Pas mbledhjes së kryesisë së Kuvendit, dy shefat e grupeve parlamentare të LDK-së dhe AAK-së, akuzuan mazhorancën për bllokim të jetës parlamentare, pasi sipas tyre nuk ia vazhduan mandatin edhe për tre muaj komisionit hetimor për rezervat shtetërore.

Krahas kësaj, Arben Gashi dhe Besnik Tahiri njoftuan se seanca e radhës e Kuvendit do të mbahet të javën e ardhshme, ku pritet të diakutohet për tri vjet punë të qeverisë Kurti.

Vazhdo të lexosh

Të kërkuara