Lajmet

Papa Françesku kritikohet nga Ukraina për komentet ndaj carëve imperialistë rusë

Komentet u bënë të premten në një fjalim drejtuar të rinjve katolikë në Shën Petersburg.

Published

on

Papa Françesku është kritikuar nga Ukraina për komentet “thellësisht për keqardhje” në të cilat ai lavdëronte carët e Rusisë imperialiste.

Françesku u tha të rinjve rusë të mbanin mend se ata janë trashëgimtarë të carëve të kaluar si Pjetri i Madh, të cilin Putin e ka mbajtur si shembull për të justifikuar pushtimin ukrainas.

Komentet u bënë të premten në një fjalim të drejtpërdrejtë video drejtuar të rinjve katolikë të mbledhur në Shën Petersburg.

Ai e lexoi fjalimin e tij të përgatitur në spanjisht, por u kthye në italisht të improvizuar në fund dhe tha: “Mos harroni trashëgiminë (tuaj). Ju jeni trashëgimtarë të Rusisë së madhe – Rusisë së madhe të shenjtorëve, mbretërve, Rusisë së madhe të Pjetrit të Madh, të Katerinës II, perandorisë së madhe ruse, me aq shumë kulturë, aq shumë njerëzim.

“Ju jeni trashëgimtarët e nënës së madhe Rusisë. Vazhdoni përpara”, tha ai.

“Është pikërisht me një propagandë të tillë imperialiste, “lidhjet shpirtërore” dhe “nevoja” për të shpëtuar “Nënën e madhe Rusinë” me të cilën Kremlini justifikon vrasjen e mijëra ukrainasve dhe shkatërrimin e qyteteve dhe fshatrave të Ukrainës”, shkroi në Facebook Oleg Nikolenko, zëdhënësi i Ministrisë së Jashtme të Ukrainës.

“Është thellësisht për të ardhur keq që nocione të tilla të të qenit një fuqi e madhe, të cilat kontribuojnë, në thelb, në agresivitetin kronik të Rusisë, shprehen nga Papa, me vetëdije ose pa vetëdije”, tha Nikolenko./UBTNews/

Lajmet

Kurti: Arsimi është prioritet i Qeverisë, i kemi shtuar 22 inspektorë të rinj të arsimit

Published

on

By

Kryeministri në detyrë i Republikës së Kosovës, Albin Kurti, ka marrë pjesë sot në punëtorinë njëditore të organizuar nga Inspektorati i Arsimit me temën “Praktikat e mira për inspektim efektiv”, ku ka theksuar rëndësinë që Qeveria i jep arsimit dhe forcimit të kapaciteteve institucionale në këtë fushë.

Në fjalën e tij para inspektorëve të arsimit, Kurti ka vlerësuar përpjekjet dhe angazhimin e tyre, duke rikujtuar sfidat me të cilat është përballur ky institucion ndër vite. Ai tha se për një periudhë të gjatë, Inspektorati ka funksionuar me vetëm 25 inspektorë, një numër që, sipas tij, nuk përkon me nevojat reale të sistemit arsimor në vend.

Jemi këtu së bashku për të vlerësuar përpjekjet për ngritjen e cilësisë në arsim edhe për të rikonfirmuar që arsimimi dhe edukimi i brezave të rinj është prioritet i qeverisë tonë. Kujtojmë se për një periudhë të gjatë kohore Inspektorati i Arsimit ka funksionuar me vetëm 25 inspektorë. Një numër që nuk përkon as afër me institucionet arsimore, kopshteve, çerdheve – nuk përkon me barrën që ka ky institucion. Edhe përballë këtij realiteti sfidues, me përkushtim ju keni mbajtur funksionin e njërit prej mekanizmave më të rëndësishëm të sistemit arsimor, e për këtë ju shpreh vlerësimin dhe mirënjohjen time”, theksoi Kurti.

Ai bëri të ditur se si rezultat i angazhimit të Qeverisë dhe Ministrisë së Arsimit, janë shtuar 22 inspektorë të rinj, të cilët do të forcojnë më tej praninë dhe mbështetjen në terren për institucionet arsimore në vend.

Përpjekjet e qeverisë sonë dhe MAShT për forcimin e kapaciteteve të Inspektoratit Arsimor nuk janë ndalur asnjëherë. Si rezultat i këtij angazhimi kemi shtuar 22 inspektorë të rinj që do t’i japin sistemit tonë arsimor më shumë mbështetje dhe prani në terren”, deklaroi Kryeministri në detyrë.

Ai shtoi se investimet në arsim kanë qenë të vazhdueshme dhe të orientuara drejt përmirësimit të kushteve për mësimdhënie dhe mësimnxënie: nga ndërtimi dhe renovimi i shkollave me infrastrukturë moderne, pajisje bashkëkohore, e deri te zhvillimi profesional i mësimdhënësve.

Të gjitha këto investime janë në favor edhe të juve si Inspektorat. Sa më i fortë të jetë themeli i sistemit arsimor, aq më e lehtë bëhet puna e inspektimit dhe aq më pak ndërhyrje do të jenë të nevojshme”, përfundoi Kurti./D.B/EO

Continue Reading

Lajmet

​Skuadra e madhe e shkarkon trajnerin pas presionit të madh të tifozëve

Published

on

Klubi skocez Rangers ka shkarkuar trajnerin Russell Martin pas vetëm 17 ndeshjesh në krye të skuadrës.

Vendimi u mor të dielën në mbrëmje, pas barazimit 1-1 në transfertë ndaj Falkirk, që shkaktoi pakënaqësi të madhe te tifozët.

Policia u detyrua ta shoqëronte Martinin pas ndeshjes, pasi një grup tifozësh tentuan të ndalonin autobusin e ekipit.

Në njoftimin zyrtar, klubi tha: “Rangers konfirmon se është ndarë nga trajneri kryesor, Russell Martin. Rezultatet nuk i kanë përmbushur pritjet e klubit. Falënderojmë Russellin dhe stafin e tij për punën e bërë.”

Bashkë me Martinin janë larguar edhe ndihmëstrajneri Matt Gill dhe trajneri Mike Williamson.

Martin u emërua në qershor me kontratë trevjeçare, por fitoi vetëm pesë ndeshje në të gjitha garat. Rangers aktualisht renditen në vendin e tetë në Premier League Skoceze, 11 pikë prapa kryesuesve Hearts dhe nëntë pas rivalëve Celtic.

Klubi pritet të njoftojë së shpejti emrin e trajnerit të ri./S.K/KP/

Continue Reading

Rajoni

Punimi shkencor i profesoreshës së UBT-së, Miranda Sejdiu Abazi dhe bashkëautorëve botohet në Georgian Medical News

Published

on

Profesoresha e UBT-së, Miranda Sejdiu Abazi me bashkëautorë, kanë publikuar punimin origjinial shkencorë, me titull “Assessment of Practical Performance in Orthodontic Clasp Fabrication Among Dental Technician Students at UBT: A Real-Time Analysis of Working Time and Perceived Stress në Gazetën Internacionale – Georgian Medical News, e indeksuar ne Scopus dhe Web of Science.

Ky studim, punim origjinal dhe inovativ është i një rëndësie të veçantë, sepse për herë të parë vlerëson në mënyrë të drejtpërdrejtë ndikimin e stresit gjatë procesit praktik të ndërtimit të elementeve aktive dhe pasive të aparateve ortodontike mobile. Përmes një metodologjie të qartë, që përfshin matjen e kohës së punës dhe nivelin e stresit me SUDS scale, autorët kanë krijuar një urë të fortë midis teorisë akademike dhe praktikës reale laboratorike.

Autorët kanë arritur të ndërthurin në mënyrë shkencore analizën e performancës praktike, menaxhimin e stresit dhe vlerësimin psikologjik të studentëve, duke përdorur metoda të avancuara statistikore dhe qasje empirike reale gjatë procesit të punës.

Ky punim jo vetëm që rrit vlerën shkencore dhe profesionale të programit të Teknikut Dentarë në UBT, por gjithashtu dëshmon për angazhimin e studentëve dhe mentorëve në zhvillimin e kërkimeve me ndikim praktik dhe akademik.

Continue Reading

Lajmet

​Vdes një person në një aksident në Kamenicë, arrestohet shoferi

Published

on

By

Një person ka vdekur si pasojë e një aksidenti që ka ndodhur mbrëmjen e 5 tetorit në fshatin Novosellë të Kamenicës. Policia e Kosovës ka njoftuar se ka arrestuar shoferin e veturës i cili dyshohet se nga pakujdesia dhe mospërshtatja e shpejtësisë ka humbur kontrollin mbi veturë.

Aksidenti me fatalitet, sipas Policisë, ka ndodhur rreth orës 18:30.

Është arrestuar i dyshuari mashkull kosovar pasi i njëjti derisa ishte duke drejtuar veturën dyshohet se nga pakujdesia dhe mospërshtatja e shpejtësisë me kushtet e rrugës ka humbur kontrollin mbi veturë dhe ka dalë jashtë rrugës duke goditur kështu anësoret e metalit”, ka bërë të ditur Policia e Kosovës.

Viktima, ka bërë të ditur Policia, ka ndërruar jetë në vendin e ngjarjes, ndërsa lëndime ka pësuar edhe pasagjeri tjetër mashkull kosovar si dhe vet drejtuesi i veturës.

“Me vendim të prokurorit, trupi i pajetë i viktimës është dërguar në IML për obduksion, ndërsa i dyshuari-drejtuesi është dërguar në mbajtje”./D.B/KP

Continue Reading

Të kërkuara