Lajmet

Pantina: Turpi e ka një emër, ai është Albin Kurti

Pantina ka thënë se lëvdata që ka bërë Kurti ndaj ish-politikanit serb janë të turpshme.

Published

on

Ish-deputetja e Lëvizjes Vetëvendosje, Shqipe Pantina, e cila së fundmi ka aderuar në LDK, ka thënë se është e papranueshme deklarata e kryeministrit Albin Kurti, ku ai e kujton ish-politikanin e vrarë pesë vjet më parë, Oliver Ivanoviq.

Pantina ka thënë se lëvdata që ka bërë Kurti ndaj ish-politikanit serb janë të turpshme, dhe se i njëjti është munduar të bëjë spastrime etnike ndaj shqiptarëve.

Në një intervistë për Ekonomia Online, Pantina ka thënë se i ndjeri ishte dënuar për krime të shqiptarëve në vitin 2000.

“Secila vrasje që ka ndodhë në Kosovë, përfshirë edhe vrasjen e Oliver Ivanoviqit duhet të zbardhen, dhe për këtë tashmë ka një proces gjyqësor që është duke u zhvilluar, por kjo absolut nuk e zhbën atë se çfarë Oliver Ivanoviq kishte bërë dhe për të cilën ishte dënuar. Pra ai i ka drejtuar grupin i cili është quajtur ‘rojet e urës’ dhe të cilët kanë vrarë më shumë se dhjetë persona civil shqiptarë të pjesës veriore”.

“Pra Ivanoviq nuk ka ndihmuar në krijimin e një Kosove multietnike, përkundrazi ai ka ndihmuar në spastrimin etnik të shqiptarëve, dhe lëvdata që kryeministri ia bëri atij në 5-vjetorin e vrasjes së tij, në gjuhën më të butë themi është turp, pra turpi sot e ka një emër ka një emër dhe për mua ai është Albin Kurti”, tha Pantina.

Kritika ka pasur edhe për kohën kur Kurti e përkujtoi Ivanoviqin. Pantina thotë se njëjtë nuk veproi edhe për ish-luftëtarët e UÇK-së të cilët vdiqën javën e kaluar.

“Në janar kanë ndodhur një varg vrasjesh në Kosovë. Përvjetori i Reçakut duke qenë ai më i rëndi por ka edhe njerëz tjerë që ishin vrarë edhe pas luftës e të cilat ende nuk janë zbardhur. Ishin dy ish-luftëtarë të UÇK-së që dy dite më herët e kishin përvjetorin dhe për të cilët kryeministri nuk e tha asnjë fjalë, nuk foli për veprat dhe punën e angazhimin që e kanë bërë në të mirë të Kosovës, dhe del pastaj një ditë pas masakrës së Reçakut thurë vargje për Oliver Ivanoviqin”, u shpreh ajo.

Ish-deputetja e VV-së thotë se qëndrim të kundërt kishte Kurti sa ishte në opozitë. Madje, ia përmend edhe kritikat që i kishin adresuar në momentin kur ishte dënuar Ivanoviqi.

“Kjo e bënë edhe më të rëndë dhe më të pakuptueshme këtë deklaratë të Kurtit. Momentin që u ulë në karrigen e kryeministrit siç duket i ka harruar të gjitha ato çfarë kanë ndodhur më herët dhe tani po mundohet me veprime për mendimin tim perfide, të përfitojë zemrat e qytetarëve serb”, u shpreh Pantina, teksa shtoi se Lëvizja Vetëvendosje ka ndryshuar së bashku me kryeministrin Albin Kurti.

Aktualitet

KEK thirrje bizneseve që kanë dalë në treg të hapur

Published

on

Korporata Energjetike e Kosovës ka lëshuar një njoftim duke thënë se inkurajojnë të gjithë konsumatorët që ende nuk kanë siguruar furnizues të energjisë elektrike të lidhin kontrata komerciale me KEK.

“Korporata Energjetike e Kosovës (KEK sh.a.) inkurajon të gjithë konsumatorët që ende nuk kanë siguruar furnizues të energjisë elektrike, që të lidhin kontrata komerciale të drejtpërdrejta me KEK, për të siguruar furnizim të qëndrueshëm.”

KEK thotë se deri tani ka lidhur 15 marrëveshje komerciale.

“Sipas vendimit të Zyrës së Rregullatorit për Energji (ZRRE), KEK është e licencuar për furnizim në treg të hapur dhe deri më tani ka lidhur me sukses 15 marrëveshje komerciale, duke përfshirë edhe ndërmarrje publike strategjike.”

KEK ka listuar disa arsye se pse duhet të zgjidhet KEK’u si furnizues.

“Pse të zgjidhni furnizimin komercial direkt nga KEK?

·         Furnizimi nga Furnizuesi i Mundësisë së Fundit është një zgjidhje e përkohshme, me periudhë 60-ditore dhe çmime më të larta nga tregu.

·         Sipas udhëzimeve të ZRRE-së, konsumatorët që nuk zgjedhin furnizues kalojnë automatikisht te FMF për 60 ditë, ku çmimet janë më të larta se në tregun e lirë. Pas afatit, kontratat me furnizues të rregullt është e detyrueshme.

·         Marrëveshjet komerciale me KEK ofrojnë çmime konkurruese, furnizim të qëndrueshëm dhe transparencë.

·         KEK siguron furnizim referuar në çmimet e tregut të publikuara në bursën zyrtare të energjisë ALPEX.”

“Veproni tani! Lidhja e kontratës komerciale është hapi më i sigurt për të shmangur pasigurinë dhe kostot e larta të furnizimit përmes FMF-së.”

Continue Reading

Lajmet

​Osmani fton në takim partitë për dekretimin e datës së zgjedhjeve lokale

Published

on

By

Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.

Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.

“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.

Ende nuk dihet ora se kur do të mbahet takimi.

Continue Reading

Lajmet

Global UBT Fest 2025 – Festivali veror i dijes po vjen së shpejti

Published

on

By

Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.

Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.

Çfarë do të përjetoni në Global UBT Fest 2025?

  • Forume të dedikuara me diskutime dhe debate mbi temat më të rëndësishme dhe aktuale të kohës;
  • Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
  • Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
  • Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
  • Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.

Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.

Regjistrimi është tashmë i hapur: REGJISTROHU TANI

Mos e humbisni shansin për t’u bërë pjesë e kësaj ngjarje të jashtëzakonshëm.

Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0

Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!

Continue Reading

Lajmet

Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare

Published

on

By

Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.

Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.

Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.

Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.

Continue Reading

Të kërkuara