Në moshën 75-vjeçare, Stevie Wonder vazhdon të jetë në formë të shkëlqyer.

Turneu i fundit në Mbretërinë e Bashkuar, i cili përfundoi në fillim të këtij muaji, mori vlerësime të jashtëzakonshme, me kritikët që e përshkruanin yllin si “të freskët dhe në formë” për “një festë të gëzueshme” të muzikës së tij.

Ndërsa bashkëkohës si Billy Joel dhe The Eagles po pakësojnë angazhimet muzikore, Wonder thotë se nuk do të marrë kurrë parasysh pensionimin.

“Për sa të marrësh frymë, për sa të rrahë zemra, ka gjithmonë më shumë për të bërë,” – tha legjenda e Motown. “Nuk do ta ndaloj dhuratën që vazhdon të rrjedhë në trupin tim.” “Unë dua të bëj atë që bëj. Një artist kurrë nuk ndalon së vizatuari. Sa kohë që mund të imagjinosh, do të jesh gjithmonë kreativ.”

Ylli konfirmoi se po punon ende në një album të ri me titull “Through The Eyes Of Wonder”, për të cilin kishte folur më 2008. Ky projekt është përshkruar më parë si një vepër performative që do të pasqyrojë përvojën si njeri i verbër. Do të ishte albumi i tij i parë në studio që nga 2005 me “A Time To Love”, duke zgjatur kështu një karrierë regjistrimi që nisi në vitin 1962, kur ai ishte vetëm 11 vjeç.

Wonder foli një ditë para se të ishte artisti kryesor në BST në Hyde Park të Londrës, duke luajtur një set dy orë e gjysmë që përfshinte hitet e tij më të mëdha, nga “Superstition” dhe “Isn’t She Lovely” deri te “You Are The Sunshine Of My Life” dhe “I Wish”. Shumica e setit ishte e përbërë nga periudha e artë e viteve 1970, kur fitoi tre herë radhazi Çmimin Grammy për albumin më të mirë, për “Innervisions”, “Fulfillingness’ First Finale” dhe “Songs In The Key Of Life”.

Wonder tha për mediat, se nuk lodhet kurrë duke rikthyer ato këngë. “Këngët janë si fëmijët, janë me ty përgjithmonë,” tha ai. “Ato janë një shprehje e shpirtit brenda teje. “Dhe këndimi i atyre këngëve është si të marr një frymë tjetër.”/BBC/KultPlus.com

22 vjet pas fushatës ikonike të Versace për vjeshtën 2003, Christina Aguilera është rikthyer në mënyrë magjepsëse duke u shfaqur me të njëjtin stil në premierën londineze të “Burlesque: The Musical”.

Me një fustan pa rripa, korse të kryqëzuar dhe fund me volane, ajo e kompletoi pamjen me çizme të zeza të gjata dhe buzë të errëta, ndërsa flokët biond platin i la të rrjedhin natyrshëm si një homazh i qartë për dukjen e dikurshme.

Këngëtarja e “Genie in a Bottle”, producente e shfaqjes skenike të filmit të vitit 2010 ku luajti me Cher, riktheu jo vetëm stilin, por edhe frymën krijuese. Donatella Versace, e cila e zgjodhi atë për fushatën e vitit 2003, u shpreh: “Zëri i saj është i jashtëzakonshëm. Doja të ishim mikesha, kjo ishte më e rëndësishmja”.

Christina tha atëherë se ishte e emocionuar për të eksploruar një fushë të re, dhe ky vizion i saj vazhdon: “Jam më e përqendruar se kurrë në atë që dua të bëj”, tha ajo për Vogue.

Aktorja e njohur Sharon Stone ka bërë të ditur vdekjen e nënës së saj, Dorothy Stone, e cila ndërroi jetë më 26 mars në moshën 91-vjeçare.

Në një postim prekës, Sharon e përshkroi nënën si “argëtuese dhe me komplekse”, duke shpërndarë një foto ku shfaqet duke qeshur pranë saj në një divan.

Ajo shtoi në përshkrim: “Një produkt i depresionit të madh, të mos e përsërisim më. Le të mbrojmë dhe kujdesemi”.

Dorothy u martua me Joseph Stone në vitin 1950. Ata qëndruan bashkë deri në vdekjen e tij në vitin 2009, vetëm pak para 60-vjetorit të tyre të martesës.

Në nekrologjinë e publikuar në Montana Daily Inter Lake, Sharon dhe motra e vëllai, Kelly dhe Michael, thanë se Dorothy vdiq “në paqe pranë familjes dhe miqve të ngushtë”. Dorothy, e njohur me “Dot” , ishte e dashur për humorin e saj të madh, pasionin për muzikën, lojërat e makinat e fatit, kopshtarinë etj.

Pas lajmit të trishtë, miq të njohur të Sharon, përfshirë Allison Janney, Viola Davis dhe Melanie Griffith, i shprehën ngushëllimet publike përmes Instagramit.

Një ceremoni përkujtimore në nder të Dorothy Stone do të mbahet këtë verë në Montana, ku familja dhe miqtë do të nderojnë jetën dhe kujtimin e saj.

Çdo mëngjes duhet që trupi i njeriut të bëjë ushtrime, në mënyrë që të jetë i shëndetshëm dhe vital.

Ushtrimi për forcimin e shpinës

Muskujt e shpinës janë “forcuesit” më të rëndësishëm natyralë të kurrizit, të cilët ndihmojnë qëndrim të drejtë, stabilitet gjatë lëvizjes e lehtësojnë kryerjen e aktiviteteve fizike. Duhet të shtriheni e tendoseni sa më shumë që mundeni pjesën e sipërme të trupit nga prapa.

Përsëriteni në tri seri prej 15 ushtrimeve, duart bashkoni pas qafe dhe gradualisht ngrijeni pjesën e sipërme të trupit.

Derisa qëndroni shtrirë në stomak, duart lakojini në bërryl, ballin vëreni mes shuplakave. Ngrini njërën këmbë, pastaj tjetrën – dhe përnjëherë të dyja. Tërë këtë kombinim përsëriteni 10 herë. Pastaj, shtrijuni në bark, duart i shtrini pranë trupit. Shuplakat mbështetni në dysheme. Ngrini dhe shtrini pjesën e sipërme të trupit, duart dhe këmbët dhe kthehuni në pozitën fillestare.

Është shumë me rëndësi që pas ushtrimit t’i bëni sërish ushtrimet e tendosjes dhe të relaksimit të muskujve, për të bërë një relaksim të përgjithshëm.

Ushtrim për muskujt e stomakut

Mjekët thonë se gjatë viteve kjo pjesë e trupit lëshohet, andaj duhet të jeni tepër këmbëngulës në ushtrime që sërish të kini stomak të rrafshët dhe të bukur.

Ekzistojnë ushtrime për stomak të rrafshët. Shtrini në dhe ngriheni vetëm pjesën e sipërme të trupit, ndërsa pjesa e poshtme të jetë e puthitur për dysheme.

* Bëni një seri ushtrimesh në atë mënyrë që të ngrini pjesën e poshtme të trupit, ndërsa e epërmja të mbetet rrafsh dhe në gjendje të qetë.

Njëra nga mundësitë është edhe “vozitja e biçikletës” në ajër apo seria e ushtrimeve e ngritjes së pjesës së sipërme të trupit në drejtim të këmbës tjetër. Në fund shtrijuni anash dhe në mënyrë alternative ngrini këmbën e sipërme, pastaj ndërrojeni anën dhe përsëriteni ushtrimin me këmbën tjetër.

Argëtimi në krahë

Ushtrimet nëse fillimin e kuptoni si argëtim të mirë, ndoshta pas një kohe do t’ju pëlqejë. Ekspertët e fitnesit thonë se çdo ushtrim është i dobishëm vetëm nëse ju paraqet edhe kënaqësi. Nëse bëni pjesë te ata dembelët, të cilët në mëngjes vështirë zgjohen, ju propozojmë të qëndroni të shtrirë në çarçafë.

Pas ose para ushtrimeve të barkut, sipas dëshirës, argëtohuni duke ngritur këmbët dhe duke shtrirë trupin sa më shumë që mundeni. Kombinoni ushtrimet duke e hedhur këmbët mbi kokë, pastaj njëherë njërën e njëherë tjetrën, vozitni biçikletën në ajër.

Nxisni muskujt e thellë

Ushtrimi në top mund të jetë shumë argëtues dhe i dobishëm. Meqë topi nuk është stabil, duke ushtruar në të i kundërviheni gravitacionit dhe në atë mënyrë i angazhoni shumë muskujt e brendshëm stabilizues. Forcimi i këtyre muskujve mund të ndikojë në mënyrë preventive në lëndimet e shpinës, gjunjëve, nyjave të krahëve.

* Ulja në top aktivizon punën e muskujve të shpinës dhe të barkut. Në këtë mënyrë do të nxisni qëndrimin e drejtë dhe vertikal.

* Argëtohuni duke kërcyer mbi top dhe nxisni shkrirjen e kalorive të tepërta.

* Është me rëndësi madhësia e topit, sepse kur uleni në të, ijët dhe gjunjët duhet të jenë në shkallën prej 90 gradësh. Personave të cilët janë të gjatë deri në 165 cm u nevojitet topi me perimetër 55 cm; atyre nga 165 deri në 180 cm perimetri i topit prej 65 cm, ndërsa atyre mbi 180 cm topi prej 75 cm.