Lajmet

​Pandeli Majko shpallet “Qytetar Nderi” i Rahovecit

Published

1 year ago

on

Për kontributin e tij të çmuar gjatë luftës së fundit në Kosovë, në 25-vjetorin e çlirimit të komunës së Rahovecit, kryetari Smajl Latifi e ka shpallur qytetar nderi ish-kryeministrin e Shqipërisë, Pandeli Majko.

Ish-kryeministri i Shqipërisë, Pandeli Majko, i emocionuar për lëvdatat që u thanë ndaj tij, është shprehur se detyra e tij ishte të mos tradhtonte vetën, kombin dhe Kosovën. Sipas tij, kontributi i Majkos nuk krahasohet me ushtarët e UÇK-së që dhanë gjënë më të shtrenjtë, jetën.

“Nuk mendoj se ato që i kam bërë mund të krahasohen me ato që kanë bërë ushtarët e UÇK-së që kanë dhënë gjënë më të shtrenjtë që është jeta. Detyra e kryeministrit ishte mos të tradhtonte vetën, kombin dhe Kosovën. Ishte një gjest simbolik pasi isha dhe jam i bindur se ShBA, Britania e Madhe dhe NATO nuk na kanë lënë, as nuk do të na lënë sepse me luftën e Kosovës ka qenë jo vetëm fitore..”, është shprehur Majko.

Ndërsa kryetari i komunës së Rahovecit, Smajl Latifi, ka thënë se Majko ishte njeriu i duhur në kohën dhe momentin e duhur për Kosovën dhe popullin e saj.

“Që nga viti 1913 popullata e kësaj ane ka përjetuar dhunë sistematike. Populli i kësaj ane që është shtyrë dhunshëm drejt asimilimit. Humbëm shumë njerëz, gjaku i të cilëve forcon themelet e lirisë që e kemi sot. Duke qenë në krye të qeverisë zotëri Majko i mblodhi krerët pas masakrës së Reçakut dhe ju tha atyre ‘kur serbët na vrasin ne bashkohemi’. Qeveria shqiptare duke shprehur shqetësimin e saj, kërkon një ndërhyrje sa më të shpejtë në Kosovë. Gjithashtu, kanë nënshkruar një dokument sekret, ku Majko merr përsipër furnizimin e UÇK-së me armatim. Majko, ishte njeriu i duhur në kohën e duhur dhe në momentin e duhur. Kosova mbetet çështje e zemrës për atdhetarin Pandeli Majko. Qëndrimi i tij i prerë e ka rritur krenarinë tonë kombëtare”, ka thënë Latifi.

Gjithashtu ambasadori i Shqipërisë në Kosovë, Petrit Malaj ka shtuar se nën drejtimin e Majkos mijëra shqiptarë nga Kosova u strehuan në Shqipëri. Malaj ka shtuar se ai ka pasur një rol kyç në intervenimin e NATO-s në Kosovë.

“Rahoveci si shumë vende tjera në Kosovë ka treguar se fuqia dhe vendosmëria e njerëzve se tan është e pamposhtur, Dëshmi e forcës dhe rezistencës së popullit. Kujtojmë të gjithë ata që dhanë jetën për lirinë sakrifica e të cilëve nuk do të harrohet kurrë. Ish kryeministri shqiptar, Pandeli Majko ka dhënë një kontribut të jashtëzakonshëm në mbështetjen e Kosovën në momentet më të brishta. Ka qenë një zë i fuqishëm dhe një mik i madh i cili vazhdon të jetë një mik i Kosovës. Nën drejtimin e tij Shqipëria priti qindra e mijëra shqiptarë të Kosovës. Luajti një rol kyç në intervenimin e NATO-s në Kosovë. Kontributi i tij nuk do të harrohet asnjëherë”, ka shtuar Malaj.

Edhe ish kryeministri i Kosovës, Ramush Haradinaj ka falënderuar Majkon për kontributin e tij gjatë luftës. Ai ka theksuar se Majko ka nderuar popullin e Kosovën në mënyrën më të mirë të mundshme.

“Na keni nderuar në mënyrën më të mirë të mundshme. Po shënojmë çerek shekulli nga liria jonë. Rahoveci e ka nderuar vetën në mënyrën më të mirë sepse ka zgjedhur Majkon për qytetarë nderi. Falënderoj Majkon, urime me meritë faleminderit”, ka theksuar Haradinaj.

Pas seancës solemne të Kuvendit Komunal të Rahovecit, kryetari Latifi së bashku me ish kryeministrin e Shqipërisë Majko, ambasadorin e Shqipërisë në Kosovë Malaj dhe kryetarin e AAK-së Ramush Haradinaj kanë vizituar kullën e heronjve të Rahovecit “Toni dhe Mici”, kanë përuruar emblemën e UÇK-së dhe vizituar kompleksin memorial në Gradish.

Related Topics:
Continue Reading

Kronika e zezë

Një femër raportohet e zhdukur në Gjakovë

Published

11 minutes ago

on

September 5, 2025

By

Një femër është raportuar si e zhdukur në Gjakovë.

Sipas raportit të Policisë së Kosovës, viktima femër është larguar dhe nuk dihet vendndodhja e saj.

Rasti është duke u hetuar.

“Gjakovë / 04.09.2025 – 10:30. Është raportuar se viktima femër është larguar dhe nuk dihet vendndodhja e saj. Rasti është duke u hetuar”, thuhet në raportin e Policisë së Kosovës./D.B/KP

Continue Reading

Lajmet

Irlanda e Veriut shënon fitore 3-1 ndaj Luksemburgut për Kupën e Botës 2026

Published

15 minutes ago

on

September 5, 2025

By

Irlanda e Veriut e filloi fushatën e saj kualifikuese për Kupën e Botës 2026 me një fitore 3-1 ndaj Luksemburgut në Stade de Luxembourg.

Jamie Reid i dha mysafirëve epërsinë në minutën e tetë, por Luksemburgu me meritë barazoi me Aiman ​​Dardari pas gjysmë ore.

Skuadra e Michael O’Neill u përmirësua shumë pas pushimit dhe fitoi falë golave ​​të parë ndërkombëtarë nga Shea Charles dhe Justin Devenny, me Seid Korac të Luksemburgut që mori një karton të dytë të verdhë midis tyre.

Irlanda e Veriut filloi në sulm dhe e testoi dy herë portierin Anthony Moris në tre minutat e para.

Moris do të bënte pritjen e tij të tretë të ndeshjes nga penalltia e Isaac Price, por sulmuesi i Stevenage Reid ishte në dispozicion për të shënuar topin e rikuperuar për golin e tij të dytë ndërkombëtar.

Duke e nisur pjesën kaq fuqishëm, Irlanda e Veriut pothuajse dha fundin perfekt, por goditja e dënimit e Devenny-t goditi traversën.

Ata do të duhej të prisnin më pak se 30 sekonda pas rifillimit të pjesës për të rifituar epërsinë, megjithatë, kur goditja e Charles, e cila devijoi me këmbë të gabuar, e goditi Morisin.

Korac, i cili ishte ndëshkuar tashmë me karton të verdhë pas incidentit me penallti, mori kartonin e dytë të verdhë për një përplasje me Reid në minutën e 66-të.

Luksemburgu u ndje dyfish i pakënaqur kur Charles shënoi goditjen e dënimit në zonë dhe, pasi vendasit nuk arritën ta largonin topin, Devenny i Crystal Palace gjuajti në cepin e poshtëm.

Ndeshja e radhës e Irlandës së Veriut në Grupin A është të dielën në Koln, kur do të takohen me Gjermaninë (19:45 BST)./S.K/BBC/

Continue Reading

Lajmet

Sllovakia mund Gjermaninë në ndeshjen kualifikuese për Kupën e Botës 2026

Published

40 minutes ago

on

September 5, 2025

By

Gjermania pësoi një humbje surprizë kundër Sllovakisë në ndeshjen e tyre të parë kualifikuese për Kupën e Botës në Bratislavë me rezultat 2-0 për Sllovakinë.

David Hancko i dha vendasve epërsinë tre minuta para përfundimit të pjesës së parë, duke vrapuar nga gjysma e tij përpara se të luante një-dy me David Strelec, dhe duke përfunduar duke kaluar portierin mysafir Oliver Baumann.

Sulmuesi i Middlesbrough, Strelec, shënoi golin e dytë kur e la Antonio Rudiger të hutonte 10 minuta pas rifillimit me disa lëvizje të rregullta këmbësh përpara se të gjuante në cepin e sipërm.

Kjo ishte vetëm humbja e katërt që Gjermania kualifikuese për Kupën e Botës ka humbur ndonjëherë.

Florian Wirtz i Liverpoolit dhe nënshkrimi i ri i Newcastle, Nick Woltemade, ishin të dy në skuadrën e Julian Nagelsmann, por vizitorët ishin zhgënjyes në sulm./S.K/BBC/

 

 

Continue Reading

Lajmet

​Argjentina triumfon ndaj Venezuelës në kualifikimet e Kupës së Botës 2026

Published

45 minutes ago

on

September 5, 2025

By

Argjentina vazhdoi rrjedhën mbresëlënëse në kualifikueset e Kupës së Botës 2026, duke fituar 3-0 ndaj Venezuelës dhe duke regjistruar ndeshjen e 11-të pa pësuar gol në 12 fitore.

Për Venezuelën, që mbetet e vetmja kombëtare e CONMEBOL pa pjesëmarrje në Botëror, disfata ishte edhe një dëshmi tjetër e diferencës me kampionët e botës.

Lionel Messi, i shoqëruar nga tre djemtë e tij, udhëhoqi Argjentinën ndoshta për herë të fundit në tokën vendase, në një mbrëmje emocionale për numrin 10. Franco Mastantuano debutoi si titullar në “Monumental”, ndërsa Julian Alvarez u shfaq aktiv që në fillim me disa raste, përfshirë një gjuajtje të fortë të ndalur nga portieri Rafael Romo.

Messi e zhbllokoi sfidën para pushimit, duke shënuar golin e tij të 113-të me fanellën bardhekaltër, ndërsa në pjesën e dytë Argjentina shtoi ritmin.

Zëvendësuesi Lautaro Martinez realizoi me prekjen e parë, përpara se Messi të shënonte edhe një herë pas një kombinimi me Thiago Almadan. Një gol tjetër i tij në fund u anulua për pozicion jashtë loje.

Kjo fitore e forcon bilancin e jashtëzakonshëm të Argjentinës kundër Venezuelës: 25 fitore në 30 përballje, tre barazime dhe vetëm dy humbje. Për më tepër, kjo ishte një tjetër provë e forcës së skuadrës së Lionel Scalonit, e cila tashmë është e kualifikuar për Botërorin 2026./S.K/KP/Financial Express/

Continue Reading

Të kërkuara