Lajmet

Pakistani voton kundër hetimeve të OKB-së për krime lufte në Jemen, shpëton Arabia Saudite

Shtetet anëtare të organit të lartë të OKB-së votuan kundër rezolutës së udhëhequr nga Holanda.

Published

on

Pakistani, Rusia, Kina, Bahrejni dhe disa shtete tjera, anëtare të Këshillit të të Drejtave të Njeriut në Kombet e Bashkuara, votuan të enjten për t’i ndërprerë hetimet e këtij organi rreth krimeve të luftës në Jemen, pavarësisht përpjekjeve të fuqive perëndimore për ta vazhduar mandatin e këtij misioni.

Me një shumicë të ngushtë votash, shtetet anëtare të organit të lartë të OKB-së votuan kundër rezolutës së udhëhequr nga Holanda për t’u dhënë edhe dy vjet hetuesve të pavarur për t’i vëzhguar shkeljet në konfliktin e Jemenit, shkruan Reuters.

Kjo ishte hera e parë në historinë 15-vjeçare të Këshillit për të Drejtat e Njeriut që një rezolutë u mposht.

Hetuesit e pavarur kanë thënë në të kaluarën se krime të mundshme lufte janë kryer nga të gjitha palët e konfliktit 7-vjeçar, i cili i ka vënë përballë koalicionin e udhëhequr nga Arabia Saudite dhe rebelët Houthi, të lidhur me Iranin.

Grupet e aktivistëve për të drejtat e njeriut thonë se mbi 100.000 njerëz janë vrarë e katër milionë të tjerë janë zhvendosur gjatë luftës në Jemen, transmeton Gazeta Express.

Ambasadori i Holandës, Peter Bekker, tha se ky votim është një hap i madh prapa. “Nuk po mund të mos ndihem se ky këshill e ka lënë pa ndihmë popullin e Jemenit”, tha ai para delegatëve.

Aktivistët për të drejtat e njeriut thanë këtë javë se Arabia Saudite ka lobuar fort kundër rezolutës së vendeve perëndimore. Ky shtet nuk është anëtar me të drejtë vote në këshill dhe delegacioni saudit nuk i është përgjigjur kërkesës së agjencisë “Reuters” për koment.

Gjatë debatit, ambasadori i Bahrejnit, Yusuf Abdulkarim Bucheeri”, tha se grupi ndërkombëtar i hetuesve ka “kontribuar në përhapjen e dezinformatave rreth gjendjes në terren” në Jemen.

Votimi kundër rezolutës për zgjatjen e afatit të veprimtarisë së hetuesve, i thirrur nga aleati i Arabisë Saudite, Bahrejni, u miratua nga 21 shtete, përfshirë Kinën, Pakistanin, Rusinë, Kubën, Venezuelën dhe Uzbekistanin. Rezolutën e paraqitur nga Holanda e përkrahën 18 shtete, përfshirë Britaninë e Madhe, Gjermaninë dhe Francën.

John Fisher nga organizata për mbrojtjen e të drejtave të njeriut, “Human Rights Watch”, tha se dështimi për vazhdimin e mandatit të hetuesve është njollë në historinë e Këshillit për të Drejtat e Njeriut.

“Duke votuar kundër këtij mandati shumë të nevojshëm, shumë shtete ua kanë kthyer shpinën viktimave, u përkulën para presionit nga koalicioni i udhëhequr nga sauditët dhe e vendosën politikën para parimit”, tha ai.

lajme

Komisioni për rastin e Arlinda Zekajt dakordohet që intervistimet të jenë të hapura për publikun

Published

on

By

Komisioni Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt ka diskutuar mënyrën e intervistimit të zyrtarëve institucionalë, duke u pajtuar që dëgjimet të zhvillohen në seanca të hapura për publikun, përveç rasteve kur trajtohen informacione konfidenciale.

Gjatë mbledhjes, deputetja e LDK-së, Doarsa Kica-Xhelili, kërkoi sqarime nga kryetari i Komisionit, Burim Ramadani, lidhur me mosdërgimin e kërkesave për dokumentacion në të gjitha institucionet, ndonëse, sipas saj, një gjë e tillë ishte dakorduar më herët.

Ramadani sqaroi se kjo kishte ndodhur për arsye teknike dhe siguroi se një situatë e tillë nuk do të përsëritet.

Ai bëri të ditur se më 27 nëntor janë planifikuar të ftohen për intervistim hetuesit policorë, ndërsa nga 30 nëntori deri më 4 dhjetor pritet të intervistohen zyrtarë të zinxhirit komandues të Policisë dhe Inspektoratit.

Ndërkaq, deputeti i Vetëvendosjes, Adnan Rrustemi, propozoi që intervistimet të zhvillohen në dy faza: fillimisht me pyetje të përgjithshme në seanca të hapura për publikun dhe më pas me pyetje që përfshijnë të dhëna personale ose konfidenciale në seanca të mbyllura.

Ky propozim u mbështet edhe nga deputeti i PDK-së, Eman Rrahmani, i cili u pajtua që pjesët e intervistimeve që përmbajnë informacione konfidenciale të zhvillohen pa praninë e publikut.

Edhe Kica-Xhelili rekomandoi që intervistimi i zyrtarëve të Qendrës për Punë Sociale të mbahet me dyer të mbyllura, për shkak se pyetjet mund të përfshijnë informacione lidhur me fëmijën.

Në përfundim, kryetari i Komisionit, Burim Ramadani, tha se pala që intervistohet duhet të kërkojë mbylljen e seancës dhe ta arsyetojë kërkesën, ndërsa vendimi përfundimtar do të merret nga Komisioni përmes votimit. /E.A/

Foto: Ekonomia online

 

Continue Reading

Lajmet

Prizren: 3,800 euro të dyshuara si të falsifikuara dorëzohen në polici

Published

on

By

Një shumë prej 3 mijë e 800 eurosh, që dyshohet të jenë para të falsifikuara, është dorëzuar në Policinë e Kosovës nga menaxheri i një banke private në Prizren.

Sipas raportit 24-orësh të Policisë së Kosovës, rasti lidhet me periudhën 14 deri më 29 tetor 2026, ndërsa paratë janë dorëzuar në polici më 17 nëntor.

Sipas dëshmitarit, shuma e dyshuar si e falsifikuar ishte deponuar në bankë nga gjashtë klientë të ndryshëm.

Pas konsultimit me prokurorin, është iniciuar rasti për veprën penale “Falsifikim i parasë”, ndërsa paratë janë sekuestruar për ekzaminim. /E.A/

Continue Reading

lajme

Kamenicë: Vdes një person në QKUK, dyshohet se kishte konsumuar substanca të dyshuara

Published

on

By

Një person ka vdekur në Qendrën Klinike Universitare të Kosovës (QKUK), pasi dyshohet se kishte konsumuar barna ose substanca të tjera të dyshuara.

Sipas raportit 24-orësh të Policisë së Kosovës, Viktima ishte shoqëruar për trajtim në QKUK, por gjatë qëndrimit aty është raportuar se kishte ndërruar jetë.

Me vendim të prokurorit të shtetit, trupi i pajetë është dërguar në Institutin e Mjekësisë Ligjore (IML) për obduksion.

Rasti është iniciuar si “Hetim i vdekjes”. /E.A/

Continue Reading

Lajmet

Arrestohet një person në Fushë Kosovë nën dyshimin për ngacmim seksual

Published

on

By

Një person është arrestuar në Fushë Kosovë, nën dyshimin për kryerjen e veprës penale të ngacmimit seksual ndaj një gruaje.

Sipas raportit 24-orësh të Policisë së Kosovës, rasti ka ndodhur më 12 nëntor 2026, rreth orës 17:30, ndërsa i dyshuari është arrestuar më 17 nëntor.

Pas arrestimit, i dyshuari është intervistuar nga organet e rendit dhe, me vendim të prokurorit të shtetit, është dërguar në mbajtje.

Rasti është duke u trajtuar nga organet kompetente. /E.A/

Continue Reading

Të kërkuara