Lajmet

Padurimi për të udhëtuar sërish

Published

5 years ago

on

Vendet e varura nga turizmi janë në garë për të rihapur kufijtë dhe ringjallje të ekonomive të dëmtuara rëndë nga pandemia.

Këshilli Botëror për Udhëtim dhe Turizëm ka vlerësuar se ky sektor ka humbur gati 4.5 trilionë dollarë dhe 62 milionë vende të punës vitin e kaluar.

Kompanitë ajrore kanë humbur 126 miliardë dollarë vitin e kaluar dhe janë në rrugë për të humbur edhe 48 miliardë dollarë këtë vit, sipas këtij grupi.

Dhënia e vaksinave kundër koronavirusit është duke iu dhënë zyrtarëve më shumë besim për të mirëpritur vizitorët, mirëpo koha është kritike.

“Vera është sezonë e vrullshme për shumë tregje, sidomos në Evropë dhe Britani të Madhe. Ne shpresojmë shumë që të shohim heqjen e kufizimeve”, ka thënë Virginia Messina, lidere e përkohshme në Këshillin Botëror për Udhëtime dhe Turizëm.

Mirëpo rregullat janë gjithandej të ndryshme dhe vështirë për t’u ndjekur nga secili që planifikon të udhëtojë.

Qiproja, për shembull, ka kufizime për vendet me rrezik të lartë dhe u kërkon pasagjerëve prezantimin e një testi negativ PCR për koronavirus, që është bërë në 72 orët e fundit para udhëtimit, si dhe kërkon një test tjetër në arritje.

Pasagjerëve po ashtu u kërkohet të izolohen derisa të dalin rezultatet e testit.

Constantinos Victoras, menaxher në Hotelin NissiBlu, afër një plazhi me rërë të bardhë, ka thënë se ndonëse shkalla e infektimit në Qipro ka rënë dukshëm në dy javët e fundit, deri në fund të qershorit asgjë nuk do të jetë e sigurt për kompanitë ajrore që të mundësojnë rezervimet.

“Paqartësitë janë shumë të mëdha tani”, ka thënë Victoras.

Agatha dhe Simon Godurkiewicz nga Suedia kanë vendosur të pushojnë në këtë ishull, larg lodhjes së shkaktuar nga pandemia. Sipas tyre, njerëzit duan t’i kthehen një doze të normalitetit.

“Jemi të lodhur nga situata me virusin”, ka thënë Agatha Godurkiewicz.

“Ka qenë panik në fillim të pandemisë, mirëpo tani është bërë shumë”.

Shihni më poshtë se si po planifikojnë të rihapen disa rajone për udhëtime.

Evropa ka nisur të rihapet ngadalë, duke testuar durimin e vendeve të Mesdheut që varen shumë nga turizmi, përfshirë, Greqinë, Spanjën dhe Turqinë.

Mirëpo kjo gjë po ndryshon tani, pasi ambasadorët e Bashkimit Evropian janë pajtuar javën e kaluar që të lejojnë hyrjen e vizitorëve të vaksinuar plotësisht dhe synojnë të zgjerojnë listën e shteteve në kategorinë e vendeve të sigurta.

Megjithatë, vendet anëtare të BE-së ende duhet të miratojnë këto ndryshime, dhe ende nuk dihet saktë se kur mund të nisë së zbatuari diçka e tillë.

Turistët veçse kanë nisur të shihen në Greqi, ku autoritetet kanë vendosur që të pranojnë vaksinimin dhe certifikatat e testeve nga Bashkimi Evropian dhe 21 shtete tjera.

Virusi është duke u përhapur me shpejtësi në disa rajone të Azisë, çka ka shtyrë shumë shtete të pezullojnë vendimet për rihapje.

Hong Kongu dhe Singapori kanë shtyrë vendimin e heqjes së karantinës, derisa Hong Kongu ka rritur periudhën e karantinës për vizitorët e pavaksinuar.

Kina ka vendosur kontrolle në aeroporte dhe stacione të trenave, prandaj udhëtarët duhet të tregojnë patjetër testin negativ për koronavirus.

Tajlanda, e cila ka mbyllur kufijtë vitin e kaluar, pati nisur të lejonte gradualisht hyrjen e vizitorëve të huaj. Mirëpo ky shtet ka tërhequr këtë masë, pasi është goditur nga një valë e re e infektimeve në fund të muajit mars.

Bankoku ka mbyllur parqet dhe zonat e argëtimit, ashtu sikurse restorantet.

Rrugët e kryeqytetit dhe zonat turistike janë pothuajse bosh dhe shumë njerëz kanë humbur vendet e punës, të lidhura me turizëm.

“Kam shumë zemërim ndaj qeverisë. Ajo është dashur të punojë më mirë”, ka thënë Narong, punëtor nga Bankoku, për agjencinë e lajmeve Associated Press.

Në pikun e pandemisë vitin e kaluar, Emiratet e Bashkuara Arabe kanë mbyllur kufijtë dhe aeroportet për udhëtarët. Kryeqyteti, Abu Dabi ende zbaton disa kufizime, duke përfshirë masën e karantinës edhe për personat e vaksinuar plotësisht nga disa shtete.

Mirëpo qyteti më i madh i këtij vendi, Dubai, ka hapur dyert për udhëtarët prej korrikut të vitit të kaluar, me pak kufizime, përveç testit negativ për koronavirus.

Ndërkohë shteti më i madh i Gjirit, Arabia Saudite nuk lejon hyrjen e turistëve.

Qytetarëve sauditë, të cilëve u është ndalur udhëtimi nga marsi i vitit 2020, u lejohet të udhëtojnë nga maji i këtij viti, nëse janë vaksinuar apo shëruar nga koronavirusi.

Egjipti ndërkohë është duke tentuar të tërheqë sa më shumë turistë, edhe pse po përballet me valë të re të infektimeve.

Ky vend ka përjashtuar plazhet, kafenetë dhe restorantet nga masa kufizuese. Ky vend madje ka ulur çmimin për viza turistike, ndonëse ende kërkon test negativ për koronavirus, para hyrjes në këtë shtet.

Shtetet e Bashkuara vazhdojnë t’ua ndalojnë shumicës së vizitorëve nga Evropa, Kina, India, Brazili dhe vendet tjera.

Në udhëtimet e brendshme ndërkombëtare, të gjithë amerikanët duhet të kenë testin negativ për koronavirus para fluturimit.

Departamenti amerikan i Shtetit nuk inkurajon udhëtimet e jashtme, duke konsideruar pjesën më të madhe të botës me rrezik të lartë.

Kufiri në mes të Shteteve të Bashkuara dhe Kanadasë vazhdon të jetë i mbyllur për udhëtimet jo të domosdoshme deri më 21 qershor.

Udhëtimi i brendshëm ajror në SHBA po i afrohet niveleve të vitit 2019, mirëpo grupet e industrisë së udhëtimit besojnë se administrata Biden është duke u vonuar për t’iu mundësuar udhëtarëve ndërkombëtarë hyrjen në tokën amerikane.

“Teksa vazhdojmë të shohim rritje të shkallës së vaksinimit dhe rënie të niveleve të infektimit, është kritike që të hapet udhëtimi ndërkombëtar”, ka thënë Tori Emerson Barnes, nënpresident i Asociacionit Amerikan të Udhëtimit.

Related Topics:
Continue Reading

Vendi

Zbresin çmimet e derivateve në Kosovë, nafta tetohet në 1.68 euro

Published

9 minutes ago

on

April 21, 2026

By

Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për shitjen e derivateve të naftës, të cilat do të jenë valide për datën 21 prill 2026.

Sipas vendimit të fundit, çmimet tavan për produktet e naftës janë: Nafta (dizel): 1.68 euro për litër, benzina: 1.41 euro për litër, gasi: 0.88 euro për litër.

Këto çmime hyjnë në fuqi nga ora 10:00.

Ministria ka njoftuar se qytetarët që hasin në parregullsi apo çmime mbi tavanin e lejuar, mund t’i adresojnë ankesat e tyre në emailin zyrtar [email protected] ose përmes numrit të telefonit falas 0800 11000.

Continue Reading

Vendi

Kuvendi mblidhet në seancë të jashtëzakonshme për faturimin e energjisë pas dyshimeve për parregullsi te njehsorët

Published

39 minutes ago

on

April 21, 2026

By

Deputetët e Kuvendit të Kosovës do të mblidhen sot, duke filluar nga ora 11:00, në një seancë të jashtëzakonshme me pikë të vetme të rendit të ditës: çmimin dhe faturimin e energjisë elektrike për konsumatorët.

Kjo mbledhje pason gjetjet e deputetit të Lidhjes Demokratike të Kosovës, Visar Azemi, i cili pas një hulumtimi në Prishtinë dhe Ferizaj, raportoi se në mbi 80 për qind të rasteve njehsorët nuk kishin orën e saktë, gjë që ndikon në llogaritjen e tarifave.

Këto pretendime janë mbështetur edhe nga Ministria e Industrisë, Ndërmarrësisë, Tregtisë dhe Inovacionit, e cila pas inspektimeve të para në terren ka gjetur mospërputhje të kohës te njehsorët elektrikë.

Si pasojë e këtyre zhvillimeve, Prokuroria Themelore në Prishtinë ka autorizuar Policinë që të nisë hetimet dhe intervistimet në terren lidhur me funksionimin e njehsorëve të KEDS-it.

Nga ana tjetër, KEDS-i ka deklaruar se matja e energjisë është e saktë dhe ka mohuar mundësitë e manipulimit, ndonëse ka konfirmuar se qytetarët do të kompensohen nëse vërtetohet ndonjë devijim teknik.

Continue Reading

Vendi

Programi i Energjisë në UBT sjell praktikën në fokus përmes vizitave në industri

Published

14 hours ago

on

April 20, 2026

By

Studentët e programit të Inxhinierisë së Energjisë në UBT po vazhdojnë të dëshmojnë përkushtimin e tyre drejt përgatitjes profesionale përmes aktiviteteve praktike në terren, duke realizuar një vizitë studimore në Termocentralin Kosova B – një nga asetet më të rëndësishme energjetike në vend.

E udhëhequr nga profesorët Armend Ymeri, Vehebi Sofiu, Sami Gashi dhe Nexhmi Krasniqi, kjo vizitë u mundësoi studentëve të ndërlidhin njohuritë teorike të fituara në auditor me proceset reale të prodhimit dhe menaxhimit të energjisë elektrike.

Gjatë qëndrimit në termocentral, studentët u pritën nga Drejtori Ekzekutiv, Jonuz Saraçi, i cili prezantoi kapacitetet gjeneruese, funksionimin e blloqeve prodhuese dhe sfidat aktuale të sektorit energjetik, duke ofruar një pasqyrë të qartë mbi rëndësinë strategjike të këtij sektori për zhvillimin e vendit.

Një ndër pikat kyçe të vizitës ishte turi teknik i udhëhequr nga Inxhinieri Kryesor, Enver Shabani, përmes të cilit studentët patën mundësinë të shohin nga afër funksionimin e sistemeve të avancuara si SCADA, rrjeti i tensionit 6.3 kV, sistemet DC dhe mbrojtjet rele – elemente thelbësore për operimin e sigurt dhe efikas të impianteve energjetike moderne.

Vizita u pasurua edhe me inspektimin e transformatorëve energjetikë me kapacitet 400 MVA dhe sektorit të turbinave, ku studentët u njohën me procesin e kogjenerimit dhe rolin e tij në furnizimin me ngrohje për qytetin e Prishtinës përmes Termokos-it.

Këto aktivitete dëshmojnë qasjen praktike dhe të orientuar drejt industrisë që ofron programi i Inxhinierisë së Energjisë në UBT, duke përgatitur studentët për tregun e punës përmes përvojave reale dhe bashkëpunimeve me institucionet kyçe të sektorit.

UBT vazhdon të mbetet një nga institucionet lider në zhvillimin e profesionistëve të së ardhmes në fushën e energjisë, duke krijuar ura të forta lidhëse ndërmjet akademisë dhe industrisë.

Continue Reading

Lajmet

REL: Ballkani Perëndimor rrezikon të humbasë mbi 700 milionë euro nga Plani i Rritjes

Published

16 hours ago

on

April 20, 2026

By

Komisionarja evropiane për Zgjerim, Marta Kos, ka paralajmëruar me shkrim gjashtë vendet e Ballkanit Perëndimor se rrezikojnë që deri në mesin e këtij viti të humbasin kolektivisht mbi 700 milionë euro nga Plani i Rritjes, për shkak të moszbatimit të reformave, mëson Radio Evropa e Lirë (REL) nga burime në Komisionin Evropian (KE).

Sipas informacioneve jozyrtare, komisionarja Kos e ka dërguar këtë letër më 17 prill në të gjitha kryeqytetet e rajonit.

Burimet e REL-it kanë konfirmuar se me këtë letër, komisionarja Kos u ka kërkuar të gjithëve vendeve të përshpejtojnë reformat e parashikuara në Planin e Rritjes, në mënyrë që të shfrytëzojnë plotësisht potencialin e kësaj pakoje financiare.

Në fakt, mjetet financiare nga Plani i Rritjes janë të kufizuara në kohë. Për çdo hap reformues është paraparë një afat përfundimtar për zbatim dhe është ndarë një shumë e caktuar parash.

KE-ja ka paraparë edhe të ashtuquajturën “periudhë grejs”, e cila mundëson shtyrjen e zbatimit për një periudhë të caktuar kohore. Për hapat që duhej të përmbusheshin në mesin e vitit 2025, afati përfundimtar skadon më 30 qershor të këtij viti, ndërsa për hapat që duhej të realizoheshin në fund të vitit 2024, ky afat përfundon gjatë vitit 2026.

“Nëse nuk përmbushen, partnerët rrezikojnë të humbasin kolektivisht mbi 700 milionë euro”, konfirmoi për REL një zyrtar i KE-së.

Ndryshe, këstin e parë ose disa mjete nga Plani i Rritjes i kanë marrë pesë shtete të rajonit, me përjashtim të Bosnjë e Hercegovinës, e cila është vonuar me miratimin e agjendës reformuese.

Fundi i qershorit të këtij viti përbën momentin kur secili vend hyn në të ashtuquajturin moment të humbjes së përhershme, nëse nuk i përmbush reformat e dakorduara më herët.

Sipas burimeve në Bruksel, humbjet e mundshme sipas shteteve, në rast se nuk ndërmerren të gjitha reformat, janë si vijon:

  • Kosova: 68.8 milionë euro
  • Shqipëria: 67.7 milionë euro
  • Bosnja dhe Hercegovina: 373.9 milionë euro
  • Mali i Zi: 15.1 milionë euro
  • Maqedonia e Veriut: 49.2 milionë euro
  •  Serbia: ndërmjet 108.7 dhe 135.9 milionë euro

Bazuar në shumën maksimale, në total mund të humben 710.6 milionë euro, që përfaqëson 11.84 për qind të financimit të përgjithshëm nga Plani i Rritjes.

Pakoja e BE-së për Ballkanin Perëndimor – për periudhën 2024-2027 – është në vlerë të 6 miliardë eurove. Nëse analizohen ndarjet buxhetore, Kosovës i takojnë rreth 882 milionë euro – 253 milionë si grante dhe 629 milionë euro në formë të kredisë – që do të thotë se përfiton më së shumti fonde në rajon për kokë banori.

Më 16 prill, Kosova mori 61.8 milionë euro parafinancim, pasi vendi dorëzoi dokumentet e nevojshme në KE dhe ratifikoi marrëveshjet e lidhura me këtë plan.

Ky plan, ndër të tjera, synon të dyfishojë ekonomitë e këtyre vendeve gjatë dhjetë viteve të ardhshme./REL/

Continue Reading

Të kërkuara