

Lajmet
Padurimi për të udhëtuar sërish
Published
4 years agoon
By
Betim GashiVendet e varura nga turizmi janë në garë për të rihapur kufijtë dhe ringjallje të ekonomive të dëmtuara rëndë nga pandemia.
Këshilli Botëror për Udhëtim dhe Turizëm ka vlerësuar se ky sektor ka humbur gati 4.5 trilionë dollarë dhe 62 milionë vende të punës vitin e kaluar.
Kompanitë ajrore kanë humbur 126 miliardë dollarë vitin e kaluar dhe janë në rrugë për të humbur edhe 48 miliardë dollarë këtë vit, sipas këtij grupi.
Dhënia e vaksinave kundër koronavirusit është duke iu dhënë zyrtarëve më shumë besim për të mirëpritur vizitorët, mirëpo koha është kritike.
“Vera është sezonë e vrullshme për shumë tregje, sidomos në Evropë dhe Britani të Madhe. Ne shpresojmë shumë që të shohim heqjen e kufizimeve”, ka thënë Virginia Messina, lidere e përkohshme në Këshillin Botëror për Udhëtime dhe Turizëm.
Mirëpo rregullat janë gjithandej të ndryshme dhe vështirë për t’u ndjekur nga secili që planifikon të udhëtojë.
Qiproja, për shembull, ka kufizime për vendet me rrezik të lartë dhe u kërkon pasagjerëve prezantimin e një testi negativ PCR për koronavirus, që është bërë në 72 orët e fundit para udhëtimit, si dhe kërkon një test tjetër në arritje.
Pasagjerëve po ashtu u kërkohet të izolohen derisa të dalin rezultatet e testit.
Constantinos Victoras, menaxher në Hotelin NissiBlu, afër një plazhi me rërë të bardhë, ka thënë se ndonëse shkalla e infektimit në Qipro ka rënë dukshëm në dy javët e fundit, deri në fund të qershorit asgjë nuk do të jetë e sigurt për kompanitë ajrore që të mundësojnë rezervimet.
“Paqartësitë janë shumë të mëdha tani”, ka thënë Victoras.
Agatha dhe Simon Godurkiewicz nga Suedia kanë vendosur të pushojnë në këtë ishull, larg lodhjes së shkaktuar nga pandemia. Sipas tyre, njerëzit duan t’i kthehen një doze të normalitetit.
“Jemi të lodhur nga situata me virusin”, ka thënë Agatha Godurkiewicz.
“Ka qenë panik në fillim të pandemisë, mirëpo tani është bërë shumë”.
Shihni më poshtë se si po planifikojnë të rihapen disa rajone për udhëtime.
Evropa ka nisur të rihapet ngadalë, duke testuar durimin e vendeve të Mesdheut që varen shumë nga turizmi, përfshirë, Greqinë, Spanjën dhe Turqinë.
Mirëpo kjo gjë po ndryshon tani, pasi ambasadorët e Bashkimit Evropian janë pajtuar javën e kaluar që të lejojnë hyrjen e vizitorëve të vaksinuar plotësisht dhe synojnë të zgjerojnë listën e shteteve në kategorinë e vendeve të sigurta.
Megjithatë, vendet anëtare të BE-së ende duhet të miratojnë këto ndryshime, dhe ende nuk dihet saktë se kur mund të nisë së zbatuari diçka e tillë.
Turistët veçse kanë nisur të shihen në Greqi, ku autoritetet kanë vendosur që të pranojnë vaksinimin dhe certifikatat e testeve nga Bashkimi Evropian dhe 21 shtete tjera.
Virusi është duke u përhapur me shpejtësi në disa rajone të Azisë, çka ka shtyrë shumë shtete të pezullojnë vendimet për rihapje.
Hong Kongu dhe Singapori kanë shtyrë vendimin e heqjes së karantinës, derisa Hong Kongu ka rritur periudhën e karantinës për vizitorët e pavaksinuar.
Kina ka vendosur kontrolle në aeroporte dhe stacione të trenave, prandaj udhëtarët duhet të tregojnë patjetër testin negativ për koronavirus.
Tajlanda, e cila ka mbyllur kufijtë vitin e kaluar, pati nisur të lejonte gradualisht hyrjen e vizitorëve të huaj. Mirëpo ky shtet ka tërhequr këtë masë, pasi është goditur nga një valë e re e infektimeve në fund të muajit mars.
Bankoku ka mbyllur parqet dhe zonat e argëtimit, ashtu sikurse restorantet.
Rrugët e kryeqytetit dhe zonat turistike janë pothuajse bosh dhe shumë njerëz kanë humbur vendet e punës, të lidhura me turizëm.
“Kam shumë zemërim ndaj qeverisë. Ajo është dashur të punojë më mirë”, ka thënë Narong, punëtor nga Bankoku, për agjencinë e lajmeve Associated Press.
Në pikun e pandemisë vitin e kaluar, Emiratet e Bashkuara Arabe kanë mbyllur kufijtë dhe aeroportet për udhëtarët. Kryeqyteti, Abu Dabi ende zbaton disa kufizime, duke përfshirë masën e karantinës edhe për personat e vaksinuar plotësisht nga disa shtete.
Mirëpo qyteti më i madh i këtij vendi, Dubai, ka hapur dyert për udhëtarët prej korrikut të vitit të kaluar, me pak kufizime, përveç testit negativ për koronavirus.
Ndërkohë shteti më i madh i Gjirit, Arabia Saudite nuk lejon hyrjen e turistëve.
Qytetarëve sauditë, të cilëve u është ndalur udhëtimi nga marsi i vitit 2020, u lejohet të udhëtojnë nga maji i këtij viti, nëse janë vaksinuar apo shëruar nga koronavirusi.
Egjipti ndërkohë është duke tentuar të tërheqë sa më shumë turistë, edhe pse po përballet me valë të re të infektimeve.
Ky vend ka përjashtuar plazhet, kafenetë dhe restorantet nga masa kufizuese. Ky vend madje ka ulur çmimin për viza turistike, ndonëse ende kërkon test negativ për koronavirus, para hyrjes në këtë shtet.
Shtetet e Bashkuara vazhdojnë t’ua ndalojnë shumicës së vizitorëve nga Evropa, Kina, India, Brazili dhe vendet tjera.
Në udhëtimet e brendshme ndërkombëtare, të gjithë amerikanët duhet të kenë testin negativ për koronavirus para fluturimit.
Departamenti amerikan i Shtetit nuk inkurajon udhëtimet e jashtme, duke konsideruar pjesën më të madhe të botës me rrezik të lartë.
Kufiri në mes të Shteteve të Bashkuara dhe Kanadasë vazhdon të jetë i mbyllur për udhëtimet jo të domosdoshme deri më 21 qershor.
Udhëtimi i brendshëm ajror në SHBA po i afrohet niveleve të vitit 2019, mirëpo grupet e industrisë së udhëtimit besojnë se administrata Biden është duke u vonuar për t’iu mundësuar udhëtarëve ndërkombëtarë hyrjen në tokën amerikane.
“Teksa vazhdojmë të shohim rritje të shkallës së vaksinimit dhe rënie të niveleve të infektimit, është kritike që të hapet udhëtimi ndërkombëtar”, ka thënë Tori Emerson Barnes, nënpresident i Asociacionit Amerikan të Udhëtimit.
Lajmet
Si e bindi Ronaldo Joao Felix-in të kalojë te Al-Nassr
Published
1 hour agoon
July 28, 2025By
UBT News
Joao Felix është pranë transferimit te skuadra saudite Al-Nassr dhe pas këtij vendimi qëndron një emër i njohur Cristiano Ronaldo. Sipas raportimeve të fundit nga “Foot Mercato”, pikërisht kapiteni i Portugalisë ka pasur një rol kyç në bindjen e Felix për të lënë pas aventurën e shkurtër në Premier League dhe për të nisur një kapitull të ri në Ligën Profesionale Saudite.
Felix, 25-vjeçar, është afër të firmosë me Al-Nassr për një shumë fillestare prej 26 milionë funtesh (rreth 35 milionë dollarë). Skuadra nga Riadi do të bëhet shtëpia e tij e re, ku ai do të ribashkohet me Ronaldon, me të cilin ndan jo vetëm kombësinë, por tani edhe fushën e lojës.
Raportohet se Ronaldo, 40 vjeç, ka përdorur një argument të fuqishëm për ta bindur ish-sulmuesin e Atletico Madrid, e që duket se ka qenë bindës për Felix, i cili pas një periudhe të vështirë te Chelsea dhe një huazimi të shkurtër te AC Milan, është në kërkim të stabilitetit dhe rritjes si lojtar.
Ylli i Al-Nassr thuhet se e ka siguruar Felix-in se luajtja së bashku në nivel klubi do të krijojë një mirëkuptim më të madh mes tyre në fushë, veçanërisht për sezonin e ardhshëm që përfshin deri në 40-50 ndeshje të mundshme.
Kjo, sipas Ronaldos, do të ndikojë drejtpërdrejt në harmoninë e skuadrës përfaqësuese të Portugalisë dhe do të rrisë shanset që të dy të jenë pjesë kyçe e formacionit të Roberto Martinez në Kupën e Botës 2026.
Lajmet
Google dështoi të paralajmërojë 10 milionë njerëz për tërmetin në Turqi
Published
2 hours agoon
July 28, 2025By
UBT News
Google ka pranuar se sistemi i paralajmërimit të hershëm për tërmetet dështoi të njoftonte me saktësi njerëzit gjatë tërmetit vdekjeprurës në Turqi në vitin 2023.
Gjigandi i teknologjisë tha më parë se sistemi kishte “performuar mirë”, por dështoi të paralajmëronte për tërmetin në Turqi.
Sistemi funksionon në pajisjet Android, të cilat përbëjnë më shumë se 70% të telefonave në Turqi.
Më shumë se 55,000 njerëz vdiqën kur dy tërmete të mëdha goditën Turqinë juglindore më 6 shkurt 2023, më shumë se 100,000 u lënduan.
Shumë prej tyre flinin në ndërtesat që u shembën përreth tyre kur goditën tërmetet, shkruan BBC.
Sistemi i paralajmërimit të hershëm i Google ishte në vend dhe ishte aktiv ditën e tërmeteve – megjithatë, nënvlerësoi fuqinë e tyre.
“Ne vazhdojmë ta përmirësojmë sistemin bazuar në atë që mësojmë në çdo tërmet”, tha një zëdhënës i Google.
Si funksionon?
Sistemi i Google, i quajtur Android Earthquake Alerts, është në gjendje të zbulojë dridhjet nga një numër i madh telefonash celularë që përdorin sistemin operativ Android. Meqenëse tërmetet lëvizin relativisht ngadalë nëpër tokë, mund të dërgohet një paralajmërim.
Paralajmërimi quhet “Take Action”, i cili aktivizon alarm të fortë në telefonin e një përdoruesi duke anashkaluar një cilësim “Do Not Disturb” – dhe duke mbuluar ekranin. Ky është paralajmërimi që supozohet t’u dërgohet njerëzve kur zbulohet një dridhje më e fortë që mund të kërcënojë jetën njerëzore.
Hulumtuesit e Google kanë shkruar në Science detaje rreth asaj që shkoi keq, duke përmendur “kufizime në algoritmet e zbulimit”.
Për tërmetin e parë, sistemi vlerësoi dridhjen midis 4.5 dhe 4.9 në shkallën e magnitudës së momentit (MMS) kur në fakt ishte 7.8.
Një tërmet i dytë i madh më vonë u nënvlerësua me sistemin që dërgoi alarme Take Action në 8,158 telefona dhe alarme Be Aware në pak më pak se katër milionë përdorues. Pas tërmetit, studiuesit e Google ndryshuan algoritmin dhe simuluan përsëri tërmetin e parë.
Sistemi gjeneroi 10 milionë alarme Take Action për ata që ishin në rrezik dhe 67 milionë alarme të tjera Be Aware për ata që jetojnë më larg epiqendrës.
Google thotë se sistemi supozohet të jetë plotësues dhe nuk është një zëvendësim për sistemet kombëtare.
Megjithatë, disa shkencëtarë shqetësohen se vendet po i besojnë shumë teknologjisë që nuk është testuar plotësisht.
Lajmet
Bie numri i zjarreve në Kosovë në 12 orët e fundit, aktiv është vetëm një në rajonin e Prishtinës
Published
2 hours agoon
July 28, 2025By
UBTnews
Të shtunën, disa vende në Kosovë janë përballur me situatë të rënduar si pasojë e shpërthimit të zjarreve në zona të hapura. Megjithatë, Agjencia e Menaxhimit Emergjente, njofton se në gjatë 12 orëve të fundit numri i zjarreve ka rënë ndjeshëm.
Në njoftim thuhet se aktualisht është aktiv vetëm një zjarr në fshatin Trudë, Komuna e Prishtinës.
“Pasditen e djeshme, situata me zjarret ishte e rënduar. Megjithatë, falë reagimit të shpejtë dhe efikas të Njësive Profesionale të Zjarrfikjes dhe Shpëtimit, me mbështetjen e Agjencisë, si dhe reshjeve të shiut, numri i zjarreve gjatë 12 orëve të fundit ka rënë ndjeshëm. Aktualisht, është aktiv vetëm një zjarr në fshatin Trudë, Komuna e Prishtinës, ku ekipet janë në terren”, thuhet në njoftim.
Tutje, Agjencia e Menaxhimit Emergjent u ka bërë thirrje të gjithë qytetarëve që të tregojnë kujdes të shtuar, të shmangin çdo veprim që mund të shkaktojë zjarr dhe të raportojnë menjëherë çdo vatër të dyshimtë tek autoritetet përkatëse.
“Agjencia falënderon zjarrfikësit për përkushtimin e tyre të palodhshëm, Policinë e Kosovës dhe KFOR-in për mbështetjen, si dhe qytetarët për bashkëpunimin”, theksohet tutje.
Ndryshe, me zjarre janë duke u përballur edhe disa vende të rajonit.
Lajmet
Dënohen tre të akuzuar për sulmin terrorist ndaj KKZ-së në veri
Published
2 hours agoon
July 28, 2025By
UBTnews
Millun Millenkoviq – Llune dhe Aleksandar Vllajiq janë dënuar me pesë vjet burgim, i akuzuari tjetër Dejan Pantiq me dy vite burgim, ndërkaq Miomir Vakiq është liruar nga akuza, meqë nuk është vërtetuar fajësia.
Aktgjykimi në rastin e sulmit ndaj zyrave të Komisionit Komunal Zgjedhor në Mitrovicën e Veriut në dhjetor të vitit 2022, është shpallur sot, më 28 korrik, në Gjykatën themelore në Prishtinë.
Prokuroria e Kosovës kishte ngritur aktakuzë në dhjetor të vitit 2023 për veprën penale “akt terrorist”.

Si e bindi Ronaldo Joao Felix-in të kalojë te Al-Nassr

Google dështoi të paralajmërojë 10 milionë njerëz për tërmetin në Turqi

Bie numri i zjarreve në Kosovë në 12 orët e fundit, aktiv është vetëm një në rajonin e Prishtinës

Ja pjesët e trupit që duhen kontrolluar çdo ditë

Dënohen tre të akuzuar për sulmin terrorist ndaj KKZ-së në veri

Policia shqipton rreth 1 mijë e 700 gjoba trafiku për 24 orët e fundit

Gresa Bakraçi shkëlqeu në Kampionatin Ballkanik

Fuqitë shëruese të mjaltit dhe aloe verës

Sot pritet të shpallet aktgjykimi ndaj Ivica Rajkoviq e Dragan Deniq për dhunim gjatë luftës
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit