Lajmet

Pacolli-Dalipi: Pa koordinim të brendshëm s’do të ketë datë apo agjendë për dialogun

Published

5 years ago

on

Deputetja e Lëvizjes Vetëvendosje, Fitore Pacolli-Dalipi thotë se pa një koordinim të brendshëm s’do të ketë datë apo agjendë të diskutimit në dialogun me Serbinë.

Në një intervistë për KosovaPress, ajo thotë se në kuadër të rifillimit të dialogut, qeveria e cila udhëhiqet nga Lëvizja Vetëvendosje nuk do të hyjë në tema që e vënë në pikëpyetje shtetësinë e vendit.

“Ne nuk mund të flasim për agjendë, nuk mund të flasim për datë pa pasur një koordinim të brendshëm fillestar. Ky koordinim do të bëhet në muajt në vijim dhe momentin kur kemi agjendë jemi të gatshëm që të fillojmë dialogun me kushte tona”, deklaroi ajo.

Deputetja e mazhorancës thotë se tashmë Kosova do ketë zë dhe do të jetë palë në dialog, e jo siç thotë të ketë ndodhur në të kaluarën ku është shkuar me kërkesa dha data të të tjerëve.

“Kosova deri më tani ka dhënë jashtëzakonisht shumë, ka bërë koncesione që kanë shkuar në dëm të Kosovës. Ne tani kemi për qëllim Kosovën ta paraqesim si një shtet e cila është e barabartë me Serbinë ku vjen tek diskutimi. Ju e dini që viteve të kaluara Kosova gjithmonë ka qenë si palë e dobët karshi Serbisë. Kemi shkuar me kërkesa dhe me data kur janë caktuar me akterët e tjerë, ne kishim edhe tash një insistim të caktohet një datë, mirëpo edhe ne jemi palë që kemi një zë në dialog. Pra të barabartë me shtetin serb. Ne nuk do të hyjmë në tema që e vejnë në pikëpyetje shtetësinë e Kosovës, tërësinë territoriale, këto janë çështje që nuk duhet të diskutohet. Çështja e pavarësisë së Kosovës dhe vijave kufitare janë përfunduar”, thotë ajo.

Krahas kësaj, Pacolli-Dalipi thotë se Qeveria Kurti ka paraparë edhe ndryshime të duhura në politikën e jashtme të vendit.

“Sa i përket qasjes së politikës së jashtme, ne si Kosovë jemi shumë më ndryshe se partitë e tjera. Ne i qasemi politikës së jashtme tamam si shtet. Jo në mënyrë siç është perceptuar prej qeverive të tjera. Shërbimi i jashtëm i Kosovës do të jetë i Kosovës, i asnjë partie politike dhe asnjë individi. Kjo do të jetë e qartë, përfaqësimi i Kosovës në këto shtete do të jetë në vijën që e ka shteti i Kosovës brenda. Jo të ketë lobime që shkojnë në kundërshtim me interesat e Kosovës, siç ka pasur më herët”, thotë ajo.

Pacolli-Dalipi, e cila tashmë udhëheq me Komisionin për mjedis dhe planifikim hapësinor, thotë se prioritet i ekzekutivit do të jetë edhe mbrojtja e aseteve natyrore.

“Zhvillimi i shtetit të Kosovës dhe zhvillimit ekonomik nuk duhet të ndodh në kurriz të asteteve tona natyrore, në kurriz të burimeve tona ujore, tokës tonë bujqësore. Ne do të synojmë zhvillimin duke mbrojtur mjedisin. Diçka që nuk ka ndodhur në qeveritë e kaluara. Ne kemi rastet e hidrocentraleve që janë promovuar si politika mjedisore, ndërsa në anën tjetër ato kanë shkatërruar lumenjtë”, thotë ajo.

Related Topics:
Continue Reading

Vendi

Tensione te Kuvendi për ndryshimet në ligjin për Specialen

Published

4 hours ago

on

October 5, 2026

By

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Continue Reading

Aktualitet

Përfundon takimi mes Kurtit dhe Hamzës

Published

6 hours ago

on

October 5, 2026

By

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Continue Reading

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

6 hours ago

on

October 5, 2026

By

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/

Continue Reading

Lajmet

Kurti dhe Hamza takohen në Kuvend

Published

6 hours ago

on

October 5, 2026

By

Ka filluar takimi mes kryetarit të Lëvizjes Vetëvendosje, Albin Kurti, dhe kryetarit të PDK-së, Bedri Hamza, raporton Ekonomia Online.

Takimi mes dy liderëve politikë po zhvillohet në objektin e Kuvendit të Kosovës.

Takimi vjen në një kohë kur në Kuvend po zhvillohen diskutime për çështje të rëndësishme politike dhe institucionale./EO/A.K/

 

Continue Reading

Të kërkuara