Sport

Ozil nëse largohet nga Arsenali ka dy destinacione

Publikuar

Mesut Ozil ka thënë se ai nuk e ka ndërmend të tërhiqet nga futbolli kur të largohet nga Arsenali, me preferencën e tij që është një lëvizje në Fenerbahce ose Major League Soccer.

Ish-reprezentuesi gjerman është në një periudhë të zymtë të karrierës së tij në Arsenal, pasi ishte përjashtuar nga skuadra londineze, nga menaxheri Mikel Arteta.

Ozil nuk është paraqitur për Arsenalin që nga muaji Mars, pavarësisht se ai është i aftë dhe i disponueshëm për lojë, dhe tani është çështja nëse ai do të largohet në janar apo në fund të sezonit.

Ozil u pyet gjithashtu nëse ai planifikon të pensionohet kur të largohet nga Arsenali, dhe 32-vjeçari ishte i qartë në përgjigjen e tij.

“Patjetër që do ta bëj,” tha ai kur u pyet nëse do të luante pas largimit nga Arsenali.

“Ka dy vende në të cilat unë dua të luaj futboll para se të dal në pension: Turqia dhe SHBA. Nëse do të shkoja në Turqi, mund të shkoja vetëm në Fenerbahce”, ka thënë Ozil.

Gjigantët turq janë lidhur fort me një transferim të Ozilit dhe raportohet se operacioni mund të mbyllet këtë muaj.

“Unë jam rritur si një tifoz i Fenerbahces si fëmijë në Gjermani,” tha ai. “Çdo person gjermano-turk mbështet një ekip turk kur të rriten në Gjermani. Dhe imi ishte Fenerbahce. Fenerbahce është si Real Madridi në Spanjë. Klubi më i madh në vend. ”, tha në fund Ozil./UBTNews

Sport

Liverpool përgatit ofertën për zëvëndësuesin e Mohamed Salah

Kontrata e tij aktuale me Liverpool skadon në verën e vitit 2025.

Publikuar

nga

E ardhmja e Mohamed Salah te Liverpool ishte në dyshime të mëdha qysh verën e kaluar, kur ai ishte piketuar nga klubi saudit, Al-Ittihad.

Kontrata e tij aktuale me Liverpool skadon në verën e vitit 2025 dhe skuadra e Saudite Pro League pritet të testojë edhe një herë vendosmërinë e ‘Merseysiders’ për ta mbajtur atë.

Në anën tjetër, sipas raportimeve të fundit, thuhet se skuadra nga Anfield është në kërkim të një zëvendësuesi për sulmuesin 31-vjeçarin dhe thuhet se i ka vënë sytë te egjiptiani i Eintracht Frankfurt, Omar Marmoush.

Teksa sipas mediumit gjerman ‘Bild’, pretendohet se ‘Reds’ kanë mbetur të impresionuar nga paraqitjet fantastike të tij.

Ndërkaq, shifra të cilën skuadra nga Frankfurt ka kërkuar për ta lënë të lirë atë është rreth 50 milion paund.

Kontrata e Marmoush me skuadrën gjermane skadon në verën e vitit 2027 dhe agjenti i tij së fundmi la të kuptohet se ai së shpejti mund të nis një aventurë të re, në një klub të ri.

25-vjeçari egjiptian në këtë sezon, ka shënuar 15 gola dhe ka dhënë gjashtë asistime në 33 paraqitjet në të gjitha garat./UBTNews/

Vazhdo të lexosh

Sport

Kvaratskhelia pritet të mungojë në ndeshjen e Napolit kundër Atalantas

Gjeorgjiani nuk do të jetë i gatshëm kundër Atalantas të shtunën.

Publikuar

nga

Napoli konfirmon se Khvicha Kvaratskhelia është diagnostikuar me një tkurrje të muskujve ngjitës dhe sipas “Sky Sport Italia”, gjeorgjiani nuk do të jetë i gatshëm kundër Atalantas të shtunën.

Kvaratskhelia pësoi një lëndim muskulor gjatë fitores së Gjeorgjisë ndaj Greqisë në fillim të kësaj jave. Loja ishte historike për Kvaratskhelian dhe bashkatdhetarët e tij, të cilët u kualifikuan për herë të parë në Kampionatin Evropian.

Megjithatë, ai solli një lajm të keq për Napolin pasi pësoi një dëmtim gjatë lojës, siç konfirmoi Napoli me një deklaratë zyrtare sot.

Napoli tha se Kvaratskhelia iu nënshtrua testeve mjekësore pasi u kthye nga detyra ndërkombëtare, të cilat nxorën në pah një “kontrakturë të fortë të muskujve ngjitës në kofshën e majtë”.

Reprezentuesi i Gjeorgjisë punoi në palestër dhe iu nënshtrua trajtimit sot.

Sipas “Sky Sport Italia”, Kvaratskhelia dëshiron të luajë kundër Atalantas, por mjekët e Napolit do të këshillojnë të mos ndërmarrin ndonjë rrezik për të shmangur dëmtimet e mëtejshme, kështu që 23-vjeçari pritet që të mos luajë kundër Atalantas të shtunën.

Vazhdo të lexosh

Sport

​Dalin detaje të reja për klauzolën e Bremerit

“Il Corriere dello Sport” dhe “La Gazzetta dello Sport” bëjnë të ditur sot se kontrata e Bremerit me Juventusin.

Publikuar

nga

Gazetarë të njohur e kanë konfirmuar se synimi i Manchester United, Gleison Bremer ka një klauzolë lirimi në kontratën e tij me Juventusin, e cila prek shifrën e 70 milionë eurove dhe mund të aktivizohet vetëm në verën e vitit 2025.

“Il Corriere dello Sport” dhe “La Gazzetta dello Sport” bëjnë të ditur sot se kontrata e Bremerit me Juventusin, të cilën braziliani e nënshkroi para dy muajsh, ka një klauzolë lirimi.

Eksperti i lajmeve nga Juventusi, Romeo Agresti e konfirmoi në Facebook që marrëveshja e re mes Bremer dhe “Zonjës së Vjetër” përfshin një klauzolë lirimi mes 60 milionë deri në 70 milionë euro, dhe vlen vetëm nga qershori i vitit 2025.

Megjithatë agresti pretendon se Juventusi i ka premtuar qendërmbrojtësit brazilian se do të vlerësojë ofertat nga klubet e interesuara në verën e këtij viti, kështu që ekziston mundësia që ish-mbrojtësi i Torinos të largohet nga “Allianz Stadium” në fund të sezonit.

Manchester United thuhet se po udhëheq garën për të nënshkruar me Bremer në fund të sezonit aktual dhe sipas “Gazzetta”, “Djajtë e Kuq” mund të përfshijnë Mason Greenwoodit në një marrëveshje shkëmbimi të lojtarëve plus para për të ulur tarifën e transferimit të mbrojtësit.

Vazhdo të lexosh

Sport

​Melo s’ka mëshirë për Dani Alves e Robinhon: Ata duhet të paguajnë për atë që e kanë bërë

Rastet e Dani Alves dhe Robinho sjellin detaje të përziera dhe shkatërrojnë plotësisht reputacionin e të dy lojtarëve.

Publikuar

nga

Bota e futbollit brazilian është në një gjendje të hidhur. Ata sapo kanë parë yllin e tyre të ardhshëm, Endrick, të prezantohet në skenën evropiane, ata gjithashtu panë dy nga lojtarët e tyre më të shquar të dy dekadave të fundit të dënuar për përdhunim.

Rastet e Dani Alves dhe Robinho sjellin detaje të përziera dhe shkatërrojnë plotësisht reputacionin e të dy lojtarëve.

Tani, Felipe Melo ka folur për të dy rastet e Alves dhe Robinhos, ku nuk shprehi aspak mëshirë kur u pyet për ta nga “Globo Sporte”.

“Unë e kam një vajzë 15 vjeçare. Nëse do ta kishin bërë atë gjë me vajzën time, unë nuk mendoj se do të isha duke e dhënë këtë intervistë këtu. Unë besoj se ne duhet të respektojmë njerëzit e tjerë, ne duhet të respektojmë gratë dhe ne duhet të respektojmë burrat, ata duhet të paguajnë për atë që e kanë bërë. Dhe le të jetë si mësim që të tjerët mos ta bëjnë. Kjo është shumë serioze”, tha Melo.

Melo bëri 22 paraqitje për Kombëtaren e Brazilit nga vitin 2009 deri në vitin 2010 dhe ishte bashkëlojtar me Dani Alves dhe Robinhon. Ai ka kaluar gati të gjithë karrierën duke luajtur për skuadra braziliane. Ai ka qenë te Fluminense që nga viti 2022 dhe vazhdon të bëjë paraqitje pavarësisht se i ka 40 vjeç.

Vazhdo të lexosh

Të kërkuara