Lajmet

Osmani: USAID ka bërë punë të madhe në Kosovë

Mes tjerash, ajo tha se një bashkëpunim i tillë do të vazhdojë edhe në të ardhmen.

Published

2 years ago

on

Presidentja e Kosovës, Vjosa Osmani, ka pritur sot në takim ndihmës administratoren e USAID-it, Erin E. McKee.

Pas takimit, presidentja Osmani ka thënë se USAID ka bërë punë të madhe në Kosovë dhe një bashkëpunim i tillë do të vazhdojë edhe në të ardhmen.

Osmani ka thënë se ka kërkuar mbështetje edhe në luftën e dhunës mbi baza gjinore për çka ka theksuar se ka marrë mbështetje.

“Prania e rëndësishme e USAID-it këtu dhe vizita sot nuk janë vetëm një shembull i partneritet të fortë në mes dy vendeve, por tregon faktin që Kosova mbetet vend me potencial të madh, ekonomi në rritje e demokraci të avancuar”, ka thënë Osmani.

Ajo ka shtuar se USAID-i ka qenë forcë shtytëse edhe katalizator i ndryshimeve pozitive në vendin tonë, në veçanti në demokraci, sundimin e ligjit dhe të drejtat e njeriut.

Ndërsa Erin E. McKee ka thënë se do të vazhdojnë mbështetjen për Kosovën në zhvillimin e një gjyqësori të paanshëm.

“USAID-i do të vazhdojë të ndihmojë zhvillimin e një gjyqësori të drejtë dhe të paanshëm, dhe do të ndikojë në zvogëlimin e nivelit të korrupsionit dhe forcimin e sundimit të ligjit. Synojmë t’iu mundësojmë të rinjve të realizojnë potencialin e tyre dhe të ndërtojnë një të ardhme që ata dëshirojnë ta shohin në Kosovë”, ka thënë ajo.

McKee ka folur edhe për normalizimin e raporteve Kosovë-Serbi, duke thënë se njohja e ndërsjellë në qendër është mënyra më e mirë që Kosovës do t’i ndihmojë t’i përmirësojë raportet me vendet fqinje dhe të zë vendin e vet në mesin e vendeve të tjera në kuadër të integrimeve.

Related Topics:
Continue Reading

Lajmet

Abdixhiku pas takimit me Hargreaves: Kosova do të rikuperojë pozicionin e saj ndërkombëtar

Published

9 minutes ago

on

January 22, 2025

By

Kryetari i i Lidhjes Demokratike të Kosovës (LDK), Lumir Abdixhiku, ka pritur sot në Selinë Qendrore të partisë ambasadorin britanik në Kosovë, Jonathan Hargreaves.

Gjatë këtij takim, Abdixhiku njofton se e ka informuar ambasadorin për ecurinë pozitive të fushatës zgjedhore, projektet ambicioze që LDK-ja synon të realizojë dhe përkushtimin për të rikthyer pozicionin ndërkombëtar të Kosovës në rast se merr drejtimin e qeverisë pas zgjedhjeve të 9 shkurtit.

“Në Selinë Qendrore të LDK-së, në këtë kohë fushate, prita ambasadorin britanik, Jonathan Hargreaves. Ambasadorin e njoftova për momentumin e mirë të fushatës sonë; për rrjedhën e tubimeve impresive si dhe për pritjet tona për ndryshim! E njoftova dhe për projektet e mëdha kapitale, që do t’i realizojmë! U zotova që pas 9 shkurtit, me LDK-në udhëheqëse të Qeverisë së Re, Republika e Kosovës do të rikuperojë pozicionin e saj ndërkombëtar, siç dhe do të avancojë interesat tona strategjike. Mbretëria e Bashkuar është aleat strategjik i Republikës sonë; dhe për gjithë kontributin e dhënë në çdo etapë, falenderova ambasadorin sot!”, shkruan Abdixhiku.

Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

27 minutes ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

37 minutes ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

46 minutes ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Të kërkuara