Lajmet

Osmani: Pjesëmarrja e grave në politikë është shtylla kryesore e demokracisë

Osmani tha se fokusi duhet të jetë në shkollimin e grave, në mënyrë që të fuqizohet zëri i tyre.

Published

on

Instituti Kombëtar Demokratik ka lansuar raportin mbi vlerësimin gjinor “Deficiti Demokratik në Kosovë: Pjesëmarrja e Plotë e Grave”. Presidentja e vendit Vjosa Osmani, tha se pjesëmarrja e grave në politikë është shtylla kryesore për një demokraci, raporton Ekonomia Online.

Osmani tha se fokusi duhet të jetë në shkollimin e grave, në mënyrë që të fuqizohet zëri i tyre.

“Vetëm duke kuptuar gjendjen aktuale të grave shoqëria në përgjithësi ne mund të kemi një rrugë të drejtë për të arritur progres më të madh në këtë fushë. Pjesëmarrja e grave në politikë është shtylla kryesore për një demokraci. Është me rëndësi të diskutojmë si të ecim përpara. Ndryshimi po ndodh sepse qytetarët e kanë të qartë sepse ka rezultate direkte edhe në ekonomi. Ishin gratë që votuan për gratë. Pjesëmarrja e grave vazhdon me paragjykime të shumta. Fokusi ynë duhet të jetë në shkollim, edukim. Fuqizimi i zërit të tyre përmes platformave të ndryshme. Gjithpërfshirja në vendimmarrje janë parakusht për politika të barabarta.

“Andaj ne mund të flasim për demokraci kur të kemi barazi të garantuar. Duke e kuptuar rëndësinë për përfaqësim të barabartë është e nevojshëm të shohim çështjet ekonomike. Ne kemi fatin të kemi gra dhe vajza jashtëzakonisht të përgatitura. Shumica e problemeve që përballen qytetarët ka të bëjë me punësim. Për atë na duhen njerëz më të ndjeshëm”.

Nancy Soderberg, drejtore e NDI në Kosovë, tha se pengesat më të mëdha për gratë mbetën partitë politike.

“Për ne IND puna për gratë dhe të rinjtë është prioritet shumë i lartë. Me qëllim që të kuptojmë rolin e grave në shoqëri e qeveri. Suksesi i demokracisë së Kosovës varet nga pjesëmarrja e plotë e grave.  Ky vlerësim nuk do të ishte i mundur pa partitë politike. Ky vlerësim i vitit 2021 vlerëson se ku ka arritur fusha progresit. Tani më kemi presidente femër për të dytën herë. Hulumtimet e IND thotë se gratë janë më inteligjentë sesa burrat. Ende shumë ka për t’u bërë dhe Kosova ka nevojë për më shumë pjesëmarrje të grave. Pengesat më të mëdha për gratë ngelen në të gjitha partitë politike. Këto gjetje ofrojnë hartë për t’u mundësuar grave të jenë në pozitat udhëheqëse. IND po lason iniciativë që re në Kosovë për pjesëmarrje të grave. Demokracia në çdo vend është e vështirë por pa gratë është e pamundur”.

Continue Reading

Lajmet

Manuel Neuer mund të rikthehet te Gjermania me një kusht

Published

on

E ardhmja e portës së Gjermanisë në Kupën e Botës 2026 mbetet ende e paqartë, pasi që Marc-Andre ter Stegen po lufton për t’u rikthyer në formën e tij më të mirë.

Sipas Bild, portieri i Bayern Munich është i hapur ndaj një rikthimi, por kërkon që trajneri i kombëtares Julian Nagelsmann ta kontaktojë personalisht dhe t’i shprehë dëshirën e qartë për ta rikthyer në ekip.

Deri tani, vetëm drejtori sportiv i DFB-së, Rudi Voller, ka pasur komunikim të kufizuar me lojtarin për këtë çështje.

Neuer, i cili mbush 39 vjeç, e sheh të mundur bashkëpunimin me Nagelsmann në Kupën e Botës në SHBA, Kanada dhe Meksikë, por nuk dëshiron ta bëjë këtë çështje publike.

Ai synon të ruajë respektin ndaj portierëve aktualë të kombëtares dhe të shmangë çdo keqkuptim brenda grupit.

Në të kaluarën, marrëdhëniet midis Neuer dhe Nagelsmann kanë qenë të tensionuara. Gjatë periudhës së përbashkët te Bayern Munich, u krijua një përçarje pasi trajneri shkarkoi mikun e ngushtë të portierit, trajnerin e portierëve Toni Tapalovic.

Megjithatë, raportet janë përmirësuar që prej asaj kohe, sidomos gjatë bashkëpunimit në kombëtare.

Pas Kampionatit Evropian 2024, Neuer u tërhoq nga përfaqësuesja gjermane, por nëse Nagelsmann vendos t’i hapë sërish derën, rikthimi i tij në “Die Mannschaft” nuk është aspak i përjashtuar./S.K/KP/

Continue Reading

Lajmet

KQZ shpalos planin për ditën e zgjedhjeve

Published

on

By

Komisioni Qendror i Zgjedhjeve (KQZ) në mbledhjen e sotme ka prezantuar raportin lidhur me fazën përfundimtare të procesit përgaditor të Zgjedhjeve Lokale për Kryetarë të Komunave dhe për Kuvende Komunale, të cilat do të mbahen më 12 tetor 2025.

Sipas raportit, është përmbyllur procesi i trajnimit të anëtarëve të Këshillave të vendvotimit, të cilët do të angazhohen në ditën e zgjedhjeve, ndërkaq gjatë ditës së sotme në Qendrën Komunale të Numërimit në Prishtinë është mbajtur trajnimi me të gjithë administratorët e teknologjisë informative për përdorimin e teknologjisë informative në dorëzim-pranimin e materialeve zgjedhore dhe numërimin e fletëvotimeve nga zgjedhjet për Kuvendet Komunale.

Në mbledhje u bë e ditur se në kuadër të përgatitjes së procesit zgjedhor, janë shpërndarë pajisjet e teknologjisë informative, si kamerat vëzhguese për vendvotime, QKN dhe materialet tjera.

Në vazhdim të mbledhjes, KQZ mori vendim për deakreditimin e 2 organizatave vëzhguesve Youth Development & Corporation – YDC/ Rinia për Zhvillim dhe Bashkëpunim (12 vëzhgues) si dhe Iniciativa për progres (7 vëzhgues), pasi këto organizata në statutin e tyre nuk i kanë fushëveprim të drejtat e njeriut dhe proceset zgjedhore.

Në pikën tjetër të rendit të ditës, KQZ mori vendim për miratimin e planit operacional për ditën e zgjedhjeve, më 12 tetor 2025, me anë të të cilit planifikohet organizimi i punës së KQZ-së dhe bashkëpunimit me institucione të ndryshme për mbarëvajtjen e procesit zgjedhor./D.B/EO

Continue Reading

Lajmet

Nuk ka zgjedhje në Tiranë më 9 nëntor, Kushtetuesja rrëzon dekretin e Begajt

Published

on

By

Gjykata Kushtetuese e Shqipërisë ka pezulluar dekretin e presidentit Bajram Begaj për zhvillimin e zgjedhjeve të pjesshme vendore më 9 nëntor në Tiranë. Vendimi u mor pasi Erion Veliaj ankimoi shkarkimin e tij si kryetar i Bashkisë së Tiranës.

Gjykata Kushtetuese vendosi njëzëri të kalojë çështjen me kërkues Erion Veliaj në seancë plenare publike në datë 31 tetor 2025 dhe të pezullojë Dekretin e Presidentit për pjesën që cakton datën e zgjedhjeve në Bashkinë Tiranë, raporton A2CNN.

Veliaj u shkarkua nga Këshilli i Ministrave pas kërkesës së Këshillit Bashkiak të Tiranës, me arsyetimin se kishte munguar në punë. Veliaj qëndron në paraburgim prej shkurtit të këtij viti, pasi akuzohet nga SPAK për korrupsion dhe pastrim parash./D.B/EO

Continue Reading

Lajmet

Osmani me Prattipatin diskutojnë për funksionalizimin e institucioneve të Kosovës

Published

on

By

Presidentja Vjosa Osmani priti në takim të ngarkuarën me punë të Shteteve të Bashkuara të Amerikës, Anu Prattipati. Nga presidenca thuhet të jetë diskutuar edhe për pritshmëritë rreth funksionalizimit të institucioneve, pas aktgjykimit të Gjykatës Kushtetuese.

Në takim u diskutua për zhvillimet e fundit në vend, për aspekte të ndryshme të bashkëpunimit dypalësh, si dhe për pritshmëritë rreth funksionalizimit të plotë të institucioneve, pas Aktgjykimit të fundit të Gjykatës Kushtetuese. Presidentja Osmani dhe znj. Prattipati diskutuan gjithashtu për takimet dhe bisedat e zhvilluara me Presidentin e SHBA-ve, Donald J. Trump, dhe me zyrtarë të tjerë të lartë amerikanë gjatë Javës së Nivelit të Lartë të Kombeve të Bashkuara, që u mbajt në Nju Jork”, ka shkruar presidenca./D.B/EO

Continue Reading

Të kërkuara