Lajmet

Osmani për masat e BE-së ndaj Kosovës: Ka tendencë për t’i kushtëzuar me Asociacionin

Published

2 years ago

on

Presidentja e Kosovës, Vjosa Osmani, ka thënë se ka tendencë nga disa persona në Bashkimin Evropian që largimi i masave ndëshkuese ndaj Kosovës të kushtëzohet me zbatimin e marrëveshjeve të dialogut me Serbinë, e jo siç janë vendosur për deeskalimin e situatës në veri. Kushtëzimet e tilla sipas presidentes Osmani do të kenë vetëm efekt negativ në procesin e dialogut dhe se një gjë të tillë e ka kundërshtuar edhe në samitin e 13 dhjetorit BE-Ballkan Perëndimor. Ajo theksoi se letra e Serbisë ndaj shteteve të BE-së ku i informon se nuk do të zbatojë marrëveshjen e Brukselit dhe të Ohrit dëshmon për qasjen destruktive të saj në dialog.

Osmani, pas takimit me presidentin e Bullgarisë, Rumen Radev, tha se masat ndaj Kosovës duhet të hiqen sa më parë, derisa theksoi se vetëm anëtarësimi në NATO do të ketë efekt afatgjatë për sigurinë në rajon.

“Ato që janë kërkuar nga Kosova për atë që e quanin deeskalim tashmë ka ndodhur dhe masat veçse është dashur të hiqen. Në mënyrë të padrejtë afektojnë jetën e qytetarëve tanë, pasi janë bllokuar projekte që kryesisht i dedikohen komunave. Për fat të keq ato nuk janë larguar dhe unë pajtohem me ju se ka tendencë nga disa që masat të keqpërdoret në mënyrë për të kushtëzuar Kosovën për çështje komplet të ndryshme nga arsyeja që janë vendosur në fillim. Një qasje të tillë unë e kam kundërshtuar edhe në samitin BE-Ballkan Perëndimor që u mbajt me 13 dhjetor. Në fakt kjo logjika sikurse përdoreshin liberalizimi i vizave për të kushtëzuar Kosovën për çështje të dialogut do të ketë efekt vetëm negativ. Nëse dikush mendon të kushtëzohet heqja e masave me ndonjë veprim të Kosovës në kuadër të zbatimit të marrëveshjes vetëm sa do të ketë efekt negativ. Masat duhet të hiqen se Kosova i ka plotësuar kërkesat sa i përket deeskalimit, kurse konstruktivitetin e saj për zbatimin e marrëveshjes së 27 shkurtit, Kosova e ka dëshmuar me qindra herë. Ndërkaq Serbia po bënë të kundërtën, jo vetëm me retorik, por edhe me shkrim ku i ka informuar shtetet e BE-së se nuk do të zbatojë marrëveshjen për normalizim”, tha Osmani.

Në anën tjetër, presidenti i Bullgarisë, Rumen Radev, tha se normalizimi i marrëdhënieve Kosovë-Serbi është kyçe për sigurinë e rajonit.

Ai kërkoi zbatimin e të gjitha marrëveshjeve që janë nënshkruar deri tani, derisa kërkoi nga Bashkimi Evropian që të jetë më objektive në dialog dhe të ketë nxitje pozitive ose masa ndëshkuese në rast se nuk zbatohen angazhimet e marra.

“Ne vazhdojmë të ngulim këmbë për dialogun si mënyrën e vetme për zgjidhjen e problemeve dhe paralelisht zbatimin e të gjitha marrëveshjeve të nënshkruara deri tani. Mendoj se kjo është e vetmja rrugë dhe e ardhmja e vetme e rajonit tonë. Ne kategorikisht përjashtojmë provokimet e armatosura dhe dhunën. Ne shprehim shqetësim edhe për situatën në veri të Kosovës. Pranoni keqardhjen tonë për faktin se një polic i Kosovës e humbi jetën gjatë ngjarjeve të 24 shtatorit në Banjskë. Gjithashtu ne ngulim këmbë që BE-ja të ketë një rol aktiv për dialogun intensiv dhe për gjetjen e zgjidhjeve të pranueshme për të gjithë që garantojnë sigurinë dhe stabilitetin. Politika e BE-së duhet të jetë transparente dhe objektive sa i përket çdo pale të përfshirë dhe të përfshijë si nxitje pozitive por edhe si masë restriktive ose ndëshkuese në rast se nuk zbatohen angazhimin”, theksoi ai.

Gjatë konferencës së përbashkët, presidentja Osmani përmendi edhe nevojën që ketë hapa konkret për anëtarësimin e Kosovës drejt NATO-s, duke filluar me Partneritetin për Paqe.

“Është e domosdoshme që Kosova të bëjë hapa përpara drejt anëtarësimit në NATO, duke filluar me Partneritetin për Paqe. Vetëm anëtarësimi në NATO i të gjitha shteteve të Ballkanit Perëndimor të cilat mëtojnë një gjë të tillë, do të mund të ketë efekt afatgjatë për paqe dhe stabilitet për tërë rajonin tonë”, theksoi Osmani.

Po ashtu, Osmani dhe Radevtheksuan nevojën e thellimit të bashkëpunimit ekonomik ndërmjet Kosovës dhe Bullgarisë, derisa e para e vendit u zotua për respektim të të drejtave të komunitetit bullgar në Kosovë.

Related Topics:
Continue Reading

Aktualitet

Gjakovë: Paraburgim për 22 të dyshuar për falsifikim votash

Published

18 hours ago

on

February 6, 2026

By

Prokuroria Themelore në Gjakovë ka kërkuar caktimin e masës së paraburgimit ndaj 22 kryesuesve, të dyshuar për falsifikim të rezultateve të votimit gjatë procesit të numërimit të votave në zgjedhjet për deputetë të Kuvendit të Republikës së Kosovës, në Komunën e Gjakovës.

Sipas komunikatës për opinionin publik, kërkesa për paraburgim është paraqitur pas veprimeve hetimore të zhvilluara në bashkëpunim me Policinë e Kosovës – Drejtorinë Rajonale të Policisë në Gjakovë.

“Me vendim të Prokurorit të Shtetit, 22 (njëzet e dy) kryesuesit janë ndaluar në kohëzgjatje prej 48 orësh, ndaj të cilëve Prokuroria ka paraqitur kërkesë për caktimin e masës së paraburgimit pranë gjykatës kompetente”, thuhet në komunikatë.

Prokuroria njofton se ndaj të gjithë të dyshuarve është iniciuar procedura penale për veprën-falsifikimi i rezultateve të votimit nga neni 216, paragrafi 2 i Kodit Penal të Republikës së Kosovës.

“Të gjithë të dyshuarit ngarkohen për veprën penale ‘Falsifikimi i rezultateve të votimit’”, thekson Prokuroria.

Në kuadër të këtyre veprimeve hetimore janë intervistuar gjithsej 22 kryesues, lidhur me dyshimet për manipulim të rezultateve të votimit gjatë numërimit të votave brenda subjekteve politike për zgjedhjet parlamentare. /Ekonomia online/

Continue Reading

Rajoni

Policia e Maqedonisë së Veriut bën sekuestrimin më të madh të kanabisit ndonjëherë, raporton TV MRT

Published

18 hours ago

on

February 6, 2026

By

Policia në Maqedoninë së Veriut ka sekuestruar 28 tonë kanabis, kapja më e madhe e realizuar ndonjëherë në vend, pas bastisjes së dy ish-objekteve industriale, ka raportuar Reuters duke cituar televizionit shtetëror, MRT

Sipas raportit, aksioni policor në objektet në kryeqytetin e Shkupit dhe në qytetin jugor të Strumicës, i cili nisi të enjten, kishte në shënjestër kanabisin mjekësor që nuk ishte planifikuar të përdorej për qëllimet e tij të autorizuara.

Maqedonia e Veriut e legalizoi kultivimin e kanabisit për qëllime mjekësore në vitin 2016.

MRT raportoi gjithashtu se ky aksion policor lidhet me një bastisje të fundit në Serbinë fqinje, ku u sekuestruan pesë tonë kanabis.

Prokurorët serbë deklaruan të hënën se kanabisi i gjetur në një fermë në Serbinë qendrore kishte ardhur nga Maqedonia e Veriut. Prodhimi i kanabisit është i paligjshëm në Serbi. / Reuters/

Continue Reading

Aktualitet

Një model modern i arsimit fillor në UBT International Smart Schools, 40 për qind zbritje në regjistrimet e hershme

Published

19 hours ago

on

February 6, 2026

By

Shkolla Fillore në UBT International Smart Schools po ofron 40 për qind zbritje për regjistrimet e hershme, duke u dhënë prindërve një mundësi të veçantë për të investuar në arsimimin cilësor të fëmijëve të tyre.

E vendosur në Qytetin e Mençur të UBT-së, Shkolla Fillore synon të ndërtojë një bazë të forte edukative për nxënësit, duke kombinuar mësimdhënien bashkëkohore me përkujdesje të vazhdueshme dhe zhvillim të gjithanshëm të personalitetit të fëmijës.

Programi mësimor është i ndërtuar mbi praktikat më të mira ndërkombëtare, duke përfshirë përdorimin e teknologjisë moderne në klasë, metoda inovative të të nxënit, si dhe aktivitete që nxisin kreativitetin, mendimin kritik dhe bashkëpunimin. Ambienti shkollor është i sigurt, stimulues dhe i përshtatur për nevojat zhvillimore të nxënësve të ciklit fillor.

Përveç fokusit mësimor dhe edukativ, Shkolla Fillore i kushton rëndësi të veçantë edukimit qytetar, vlerave njerëzore dhe ndërtimit të vetëbesimit te fëmijët, duke synuar formimin e gjeneratave të përgatitura për sfidat e së ardhmes.

Prindërit e interesuar mund të aplikojnë online, ndërsa për informata shtesë janë në dispozicion edhe kanalet zyrtare të komunikimit të shkollës. Vendet janë të limituara!

Lokacioni: Kampusi i UBT-së, Lipjan

Informata: +383 46 332 233

APLIKO ONLINE!

Continue Reading

Lajmet

MPJD kërkon angazhim ndërkombëtar për arrestimin e shtetasit kosovar në Serbi

Published

19 hours ago

on

February 6, 2026

By

Ministria e Punëve të Jashtme dhe Diasporës(MPJD) ka njoftuar se janë ndërmarrë të gjitha veprimet institucionale pas marrjes së informacionit për arrestimin e shtetasit kosovar Mit’hat Llozhani.

Llozhani u ndalua me të hyrë në Serbi, në pikën kufitare Batrovci, në kufi me Kroacinë.

“Zyra Ndërlidhëse e Republikës së Kosovës në Serbi ka adresuar një kërkesë zyrtare pranë Zyrës Ndërlidhëse të Serbisë në Kosovë, përmes së cilës ka kërkuar konfirmimin e arrestimit, sqarimin e arsyeve konkrete të ndalimit, si dhe çdo të dhënë tjetër relevante për trajtimin e mëtejmë të rastit”, thuhet në njoftimin e Ministrisë.

Po ashtu, Zyra Ndërlidhëse ka njoftuar për rastin edhe Delegacionin e Bashkimit Evropian në Serbi, si dhe ka dërguar nota verbale pranë misioneve diplomatike të vendeve të Quint-it të akredituara në Serbi, me qëllim sigurimin e angazhimit të partnerëve ndërkombëtarë në mbrojtje të të drejtave dhe sigurisë së shtetasit të Republikës së Kosovës.

Ndërkaq, Ambasadori i Republikës së Kosovës në Serbi, Jetish Jashari është në kontakt të vazhdueshëm me familjen e të arrestuarit dhe përmes Zyrës Ndërlidhëse do të procedojë me paraqitjen e kërkesës zyrtare për lejimin e vizitës ndaj shtetasit Llozhani.

Ministria e Punëve të Jashtme dhe Diasporës i ka bërë thirrje Bashkësisë Ndërkombëtare që të rrisë presionin ndaj autoriteteve të Serbisë, e cila vazhdon praktikën e keqtrajtimit dhe arrestimit të shtetasve të Republikës së Kosovës, duke cenuar kështu normat dhe standardet ndërkombëtare për të drejtat e njeriut.

Continue Reading

Të kërkuara