Lajmet

Osmani: Kosova është vend i lirë dhe sovran, i tillë do të jetë gjithmonë

Published

5 years ago

on

Presidentja e vendit, Vjosa Osmani tha se Deklarata e 2 korrikut i dha fund nënshtrimit serb. Në fjalën e saj në seancën solemne për shënimin e 31-vjetorit të miratimit të Deklaratës Kushtetuese të 2 korrikut 1990, Osmani shtoi se shpallja e deklaratës i hapi rrugë artikulimit të shtetësisë së Kosovës. Sipas saj, Kosova është vend i lirë dhe sovran dhe i tillë do të qëndrojë gjithmonë.

“Akti që po e kremtojmë sot në seancë është njëra ndër ngjarjet e rëndësishme për kombin dhe vendin tonë. Sot po e jetësojmë çdo ditë shtetin e Kosovës dhe është momenti që ta kujtojmë çdo ditë kontributin e tyre. Dua të kujtojë çdo ditë kontributin e delegatëve gra, koha e gërryen jetën e njerëzve prandaj disa nga delegatet e atëhershme kanë kaluar në amshim. Deklarata Kushtetuese e miratuar ishte akt politik e juridik që Kosova nuk pranoj t’i nënshtrohej serbëve. Me shpalljen e deklaratës ata i hapën udhë artikulimit të shtetësisë së Kosovës. Sot Kosova është vend i lirë dhe sovran dhe i tillë do të qëndrojë gjithmonë”, deklaroi Osmani.

Related Topics:
Continue Reading

Lajmet

Kuriozitetet e ditës

Published

1 hour ago

on

September 16, 2026

By

Lexoni pesë kuriozitete. Mund të mos i keni ditur:

  1. Ka specie kandilësh deti që biologjikisht mund të rikthehen përsëri në “moshë të re”, prandaj quhen pothuajse të pavdekshëm.
  2. Google fillimisht kishte emrin “Backrub” para se të bëhej kompania më e madhe e kërkimit në botë.
  3. Një burrë fitoi dy herë lotarinë me të njëjtët numra brenda katër muajve.
  4. Në Itali ekziston një shatërvan që derdh verë falas për turistët 24 orë në ditë.
  5. Astronautët thonë se hapësira ka aromë si mish i djegur ose metal i nxehtë pas kthimit nga ecjet në kozmos.

Continue Reading

Lajmet

Rrahje mes disa personave në Tenezhdoll, konfiskohet pistoletë me 15 fishekë

Published

1 hour ago

on

September 16, 2026

By

Një rrahje mes disa personave ka ndodhur më 15 shtator në fshatin Tenezhdoll të Prishtinës, ku janë shoqëruar gjashtë persona për intervistim.

Sipas Policisë, në vendin e ngjarjes kanë dalë njësitë policore, të cilat kanë shoqëruar në stacion gjashtë të dyshuar meshkuj kosovarë.

Si pasojë e incidentit, një viktimë femër kosovare dhe tre nga të dyshuarit kanë marrë tretman mjekësor.

Gjatë rastit, nga njëri prej të dyshuarve është konfiskuar një pistoletë me 15 fishekë, si dhe një brisk dhe një çekiç.

Me vendim të prokurorit, katër nga të dyshuarit janë dërguar në mbajtje, ndërsa rasti është duke u hetuar./A.K/

Continue Reading

Lajmet

Ekstradohet nga Gjermania i Kërkuari për Droga, i Dorëzohet Policisë në Mitrovicë

Published

1 hour ago

on

September 16, 2026

By

Drejtoria për Bashkëpunim Ndërkombëtar Policor në kuadër të Policisë së Kosovës, në koordinim me njësitet kompetente dhe organet e drejtësisë, ka realizuar me sukses ekstradimin e një shtetasi të Kosovës nga Gjermania.

I dyshuari kërkohej me urdhërarrest ndërkombëtar për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Pas përfundimit të procedurave të ekstradimit më 15 shtator, i arrestuari u është dorëzuar njësitit përkatës të Policisë në Drejtorinë Rajonale në Mitrovicën Jugore për të vazhduar me hapat e mëtejshëm ligjorë. /E.A/

 

Continue Reading

Lajmet

Arrestohet i dyshuari pasi sulmoi fizikisht zyrtarët policorë në Mitrovicë të Veriut

Published

1 hour ago

on

September 16, 2026

By

Një person është arrestuar në Mitrovicë të Veriut pasi dyshohet se ka sulmuar fizikisht zyrtarët policorë gjatë kryerjes së veprimeve policore.

Rasti ka ndodhur më 15 shtator, rreth orës 21:05, në rrugën “Isa Boletini”, pasi i dyshuari ishte ndaluar nga policia.

Sipas Policisë, i dyshuari mashkull kosovar ka sulmuar fizikisht zyrtarët policorë gjatë ndërhyrjes.

Pas intervistimit, me urdhër të prokurorit, i dyshuari është dërguar në mbajtje./A.K/

Continue Reading

Të kërkuara