Sport

Osmani do ta dekorojë Infantinon e FIFA-s

Published

5 months ago

October 7, 2025

UBTnews

Presidenti i Federatës së Futbollit të Kosovës, Agim Ademi ka shprehur mirënjohje ndaj të parës së vendit, Vjosa Osmani e cila do ta dekorojë kreun e FIFA-së, Gianni Infantino.

Dekorimi i tij do të bëhet gjatë ditës së mërkurë.

“E nderuara Presidente e Republikës së Kosovës, Shkëlqesia Juaj, Vjosa Osmani, Në emër të Federatës së Futbollit të Kosovës, të komunitetit të futbollit dhe të gjithë dashamirëve të këtij sporti, dëshiroj të ju shpreh mirënjohjen më të thellë për vlerësimin dhe nderin që do t’i bëni Presidentit të FIFA-s, mikut të madh të Kosovës, Gianni Infantino, me dekorimin e tij gjatë vizitës së tij të dytë në Kosovë, të mërkurën”, tha ai.

Ademi ka vlerësuar se ky akt është një dëshmi e respektit që ka vendi për rolin dhe kontributin e Infantinos për zhvillimin e futbollit të Kosovës.

“Ky akt i lartë institucional është një dëshmi e respektit që Republika e Kosovës ka për rolin dhe kontributin e z. Infantino si President i FIFA-s, për zhvillimin e futbollit tonë dhe afirmimin e vendit në arenën ndërkombëtare. Gianni Infantino ka pasur fatin që në Kongresin e tij të parë si President, në vitin 2016, të shpallë Kosovën anëtare të barabartë të FIFA-s, një moment ky historik që e ndryshoi përgjithmonë rrugëtimin tonë si shtet”.

Ademi u shpreh se vendimi i Presidentes Osmani forcon partneritetin.

“Po ashtu, nën udhëheqjen e tij, FIFA ka ofruar mbështetje të madhe për FFK-në përmes programit “FIFA Forëard”, duke ndihmuar në ndërtimin e infrastrukturës, zhvillimin e të rinjve dhe ngritjen profesionale të futbollit në Kosovë. Ky vendim i juaji, znj. Presidente, forcon edhe më shumë partneritetin mes institucioneve shtetërore dhe atyre sportive, duke dëshmuar se futbolli është një urë që bashkon njerëzit, gjeneratat dhe kombet”, shkruan Ademi në një postim në Facebook.

Sipas tij, dekorimi i kreut të FIFA-së është një nder edhe për gjithë komunitetin e futbollit në Kosovë dhe për të gjithë ata që kanë kontribuar në këtë rrugëtim të gjatë e të lavdishëm.

“Në emër të FFK-së, edhe një herë dua të ju falënderoj për përkrahjen e vazhdueshme ndaj sportit dhe për vizionin tuaj që Kosova të përfaqësohet me dinjitet në çdo fushë, përfshirë edhe atë të futbollit”, tha ai./D.B/EO

Related Topics:Vjosa Osmani FIFA Gianni Infantino

Up Next

Florian Haxha mungon në grumbullimin e Kosovës për dy ndeshjet e këtij muaji

Don't Miss

Thirrja e Dardanëve: Duhet të japim mbi 12 mijë veta maksimumin në stadium

Sport

Natë e zjarrtë në Ligën e Kampionëve, përshëndetet Juventusi

Published

16 minutes ago

February 26, 2026

Safet Zejnullahu

Në kualifikimet për 1/8 e finales së Ligës së Kampionëve, mbrëmë u zhvilluan katër takime shumë interesante. Dhe epilogu final i tyre ishte i tillë. Italianët e Juventusit, me gjithë përpjekjet serioze, nuk ia dolën. U mposhtën nga turqit e Galatasarajit në kohën shtesë.

Edona Zhegrova bëri një paraqitje të mirë, por as kjo nuk ndihmoi. Edhe ai shpërdoroi një rast shumë të mirë, që mund të ndërronte kahun e lojës.

Rezultatet:

Atalanta-Borusia Dortmund 4:1. Gjermanëve nuk u kreu punë fitorja 2:0 në ndeshjen e parë, pasi rezultati final mbeti 4:3.

Juventus-Galatasaraj 3:2. Italianët fituan, madje gjithë pjesëlojën e dytë luajtën me një lojtar më pak. Por, turqit kishin fituar javën e kaluar 5:2, për ta dhënë rezultatin final 5:7.

Paris Saint Germain-Monaco 2:2. Francezët e të dy ekipeve dje luajtën baras, por Parisi në ndeshjen e parë kishte fituar 3:2, ndaj me rezultat final 5:4 shkojnë tutje.

Real Madrid-Benfica 2:1. Spanjollët fituan të dy ndeshje me diferencë minimale prej një goli (ndeshja e parë 1:0), për të shkuar tutje me rezultatin final 3:1.

Sport

Top 100 futbollistët 2001–2025

Published

17 minutes ago

February 26, 2026

Safet Zejnullahu

Media dhe ekspertë të ndryshëm bëjnë shumë shpesh renditje të futbollistëve më të mirë në histori. Këto rangime gjithnjë ngjallin dilema. E tillë mund të jetë edhe kjo e bërë nga media së fundmi.

Mund të mos jetë më e sakta, por interesante për ta lexuar, gjithsesi:

Lionel Messi
Cristiano Ronaldo
Zinedine Zidane
Ronaldo
Andres Iniesta
Ronaldinho
Thierry Henry
Xavi
Sergio Ramos
Paolo Maldini
Roberto Carlos
Gianluigi Buffon
Thibaut Courtois
Luka Modric
Andrea Pirlo
Karim Benzema
Iker Casillas
Luis Figo
Fabio Cannavaro
Luis Suarez
Oliver Kahn
Cafu
Kaka
Neymar
Petr Cech
Tony Kroos
Robert Lewandowski
Mohamed Salah
Zlatan Ibrahimovic
Kevin De Bruyne
Andriy Shevchenko
Toni Kroos
Edwin van der Sar
Raul
Alessandro Nesta
Dani Alves
David Silva
Frank Lampard
Patrick Vieira
Lilian Thuram
Fabian Barthez
Rio Ferdinand
Erling Haaland
Hugo Lloris
Wayne Rooney
Ivan Toney
Clarence Seedorf
Marcelo
Thierry Silva
Philipp Lahm
Marco Reus
Raphael Varane
John Terry
Dennis Bergkamp
Karim Adeyemi
Achraf Hakimi
Angel Di Maria
Alessandro Del Piero
Paul Scholes
Antoine Griezmann
Javier Zanetti
Rivaldo
Eden Hazard
Mesut Ozil
Toni Kroos
Virgil van Dijk
Pavel Nedved
Gianluigi Donnarumma
David Beckham
Ruud van Nistelrooy
Juan Roman Riquelme
Michael Owen
Deco
Didier Drogba
Paul Pogba
Andres Iniesta
Bastian Schweinsteiger
Franck Ribery
Sadio Mane
Memphis Depay
Riyad Mahrez
Bruno Fernandes
Harry Kane
Romelu Lukaku
Rodri
Vinicius Junior
Manuel Neuer
David Silva
Mohamed Salah
Gareth Bale
Andrea Pirlo
Roberto Baggio
Luka Modric
Toni Kroos
Sergio Busquets
Yaya Toure
Didier Deschamps
Rio Ferdinand
Kylian Mbappe
Gareth Bale

Sport

Donjeta Sadiku me paraqitje të fuqishme, fiton 5:0 në turneun “Strandja”

Published

17 hours ago

February 25, 2026

UBTNews

Boksierja kosovare Donjeta Sadiku e ka nisur me fitore bindëse paraqitjen në turneun prestigjioz ndërkombëtar Strandja Tournament, që po mbahet në Sofia.

Në kuadër të xhiros së dytë në kategorinë deri në 60 kilogramë, Sadiku mposhti me vendim unanim 5:0 boksieren nga Çekia, Barbora Maxova, duke dominuar plotësisht në të tri raundet. Të pesë gjyqtarët e vlerësuan boksieren kosovare dukshëm më të mirë, me pikë 30:26, 30:26, 29:27, 30:26 dhe 30:27.

Sadiku u shfaq e sigurt në ring, me teknikë të pastër, lëvizje të shpejta dhe goditje precize, duke mos i lënë hapësirë kundërshtares. Me këtë fitore ajo ka siguruar kalimin në çerekfinale, duke vazhduar rrugëtimin drejt medaljes në edicionin e 77-të të turneut, që konsiderohet më i vjetri i boksit amator në Evropë.

Vlen të theksohet se Sadiku është kampione në fuqi e këtij turneu, pasi vitin e kaluar fitoi medaljen e artë në “Strandja”, ndërsa në kategorinë deri 60 kilogramë këtë vit po garojnë 10 boksiere.

Në Sofje po garojnë edhe boksierët kosovarë Shpëtim Bajoku dhe Taulant Jakupi, por të dy u mposhtën në duelet e para. Bajoku, në kategorinë deri 70 kilogramë, u ndal nga gjermani Randy Botikali, ndërsa Jakupi, në kategorinë deri 90 kilogramë, u mposht nga italiani Dean Nwokedi.

Në këtë edicion të “Strandja” po marrin pjesë mbi 300 boksierë nga vende të ndryshme të botës.

Sport

Hendboll: Kosova publikon listën për ndeshjet me Finlandën në Euro 2026

Published

22 hours ago

February 25, 2026

UBTNews

Përzgjedhësi i Kombëtares së Kosovës në hendboll, Agron Shabani, ka shpallur listën e lojtareve të ftuara për dy ndeshjet ndaj Finlandës në kuadër të fazës së dytë kualifikuese për Euro 2026.

Ndeshja e parë zhvillohet më 5 mars nga ora 17:30 në Vantaa, Finlandë, ndërsa ndeshja e dytë më 8 mars nga ora 17:15 në Pallatin e Rinisë dhe Sportit në Prishtinë.