Lajmet
Osmani: Barazia gjinore duhet të jetë prioritet i të gjitha institucioneve
Presidentja e vendit, Vjosa Osmani kërkoi nga të gjitha institucionet në Kosovë që të kenë prioritet barazinë gjinore. Sipas saj, sa më shumë që ka barazi gjinore aq më efektive është lufta kundër korrupsionit.
Në tryezën e organizuar nga Instituti i Kosovës për Drejtësi (IKD), ku u publikua raporti “Dimensioni gjinor i korrupsionit”, Osmani tha tha se barazia gjinore mbetet ende sfidë në Kosovë.
Ajo theksoi se në bazë të indekseve globale, shtetet më të fuqishme në luftën kundër korrupsionit janë ato që kanë siguruar barazinë gjinore.
“Kosova është një shtet që po ecë me hapa të rëndësishëm drejt stabilitetit dhe zhvillimit, por siç e dimë ende mbeten sfida të shumta. Pabarazia gjinore në çdo sektor është një prej tyre. Mendoj se kjo duhet të shndërrohet në një prej prioriteteve kryesore të të gjitha hallkave të institucioneve tona në mënyrë që të ndërtojmë institucione më të forta, të rritet besimi në këto institucione. Rrjedhimisht sa më shumë që kemi barazi gjinore aq më efektive është edhe lufta kundër korrupsionit…Barazia gjinore në çdo institucion ka rezultuar me rritje të transparencës dhe rritje të besimit qytetarë dhe rritje të kualitetit të punës dhe me gjithëpërfshirje. Kjo është një prej parimeve bazike të arritjeve të sukseseve…Indekset globale tregojnë se në krye të listës së shteteve që janë të suksesshme për luftën kundër korrupsionit janë pikërisht shtetet që kanë arritur barazi gjinore. Flasim edhe për shtetet që kanë sistem të fortë arsimor e shumëçka tjetër”, tha ajo.
Pjesë e tryezës ishte edhe drejtoresha e Byrosë për Çështje të Narkotikëve Ndërkombëtarë dhe Zbatimit të Ligjit (INL), Tamra Greig, e cila tha se barazia gjinore është një rrugë strategjike për riformuar sistemin politik, ekonomik dhe social.
Sipas saj, korrupsioni është një sfidë globale që e përjeton çdo vend, andaj kërkohet një zgjidhje më e përshtatshme.
“Nuk ka të bëjë vetëm me drejtësinë ose përfaqësimin, por është më shumë se ajo. Është një rrugë strategjike për të riformuar sistemet politike, ekonomike dhe sociale për një integritet më të madh. Ne e dimë se duhet të vazhdojmë t’u ofrojmë mjete kampionëve tanë kundër korrupsionit për të kundërshtuar këtë lojë në të gjitha nivelet që kemi mësuar se korrupsioni është një sfidë globale ndërsektoriale që çdo vend e përjeton atë në mënyra të ndryshme dhe prandaj kërkon një zgjidhje të përshtatshme”, theksoi Greig.
Në anën tjetër, Arrita Rezniqi, menaxhere e programit në IKD, tha se në bazë të studimeve sa më shumë që ka gra në pushtet aq më pak ka korrupsion.
Ajo prezantoi edhe analizën ku sipas saj rezulton se pozitat udhëheqëse në vend janë të dominuara nga burrat.
“Sa më shumë që ka gra në pushtet aq më pak ka korrupsion. Kjo ka bërë realisht që integrimi i perspektivës gjinore me u diskutu çdo herë e më tepër si një mjet për me luftu korrupsionin në tërësi. Në përgjithësi është një qasje që shoqëritë me sa më shumë që kanë barazi gjinore, kanë institucione të forta, por të njëjtën kohë kanë më pak tolerancë ndaj praktikave korruptive…Në tri qeveritë e fundit [në pozita të zëvendëskryeministrit dhe ministrave] kanë qenë 38 burra dhe vetëm 15 gra. Kur flasim në anën tjetër për ata që vendosin drejtësi, fatkeqësisht nuk qëndron më mirë se këto që i prezantuam tash. Këshilli Gjyqësor i Kosovës, Këshilli Prokurorial i Kosovës, Gjykata Supreme, Oda e Avokatëve të Kosovës të gjitha udhëhiqen prej burrave”, deklaroi ajo.
Organizimi i kësaj tryeze u bë në kuadër të shënimit të Javës kundër korrupsionit në Kosovë.
Lajmet
Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së
Rreziqet e fshehura në shtëpinë tuaj, 5 produkte të zakonshme
Porsche prezanton drejtuesin e ardhshëm të kompanisë
Rama nga Londra: Kosova s’duhet të merret me Serbinë, por të përmbushë detyrimet ndaj BE-së
Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së
Të dielën e kësaj jave, akrepat e orës kthehen 60 minuta pas
Rrahje dhe gjuajtje me armë zjarri në qendër të Podujevës, policia jep detaje
Ky ilaç është premtues për humbje në peshë
Vdes në moshën 29-vjeçare kampioni amerikan i shahut
Tre kampione sporti apel për kryerjen e mamografisë falas
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës