Sport

Organizatorët e Lojërave Olimpike në përpjekje për t’u mundësuar pjesëmarrjen atleteve me fëmijë të vegjël

Published

4 years ago

July 26, 2021

UBT news

Organizatorët e Lojërave Olimpike të Tokios thanë të shtunën se janë përpjekur të gjejnë zgjidhje për të inkurajuar atletet që kanë fëmijë të vegjël pasi një notare spanjolle në fillim të kësaj jave tha se për shkak të kufizimeve të Covid-19, është dashur ta lë në shtëpi vajzën e saj që e ushqen me gji.

Kufizimet kundër koronavirusit po zbatohen në kryeqytetin japonez, i cili po lufton kundër rasteve në rritje dhe pjesëmarrësit e Lojërave Olimpike po u nënshtrohen masave të rrepta për të minimizuar rrezikun e infeksionit dhe përhapjen e tij përtej, transmeton KultPlus.

“Sapo dëgjuam për këtë (nënat që nuk ishin në gjendje të udhëtonin me fëmijët e tyre) ne thamë le të gjejmë zgjidhje,” tha drejtori ekzekutiv i Lojërave Olimpike, Christophe Dubi në një konferencë shtypi.

Organizatorët kanë thënë se një zonë në fshatin Olimpik ishte në dispozicion për atletet që të kalojnë kohë me fëmijët e tyre dhe t’i ushqejnë me gji ata, por që këta të fundit duhet të qëndrojnë në strehim privat.

Kjo çështje mori vëmendje edhe më të madhe pasi notarja spanjolle, Ona Carbonell shprehu ankthin në një postim në Instagram ku tha se i është dashur të udhëtonte në Tokio pa burrin dhe djalin e saj, Kai, i cili është gati një vjeç. E gjithë kjo pasi sipas rregullave të udhëtimit para lojërave ata do të duhej të qëndronin në karantinë në një hotel të veçantë.

“Që unë të shkoj dhe ta ushqej me gji Kain sa herë që i duhet gjatë ditës unë do të duhet të largohem nga fshati Olimpik, nga ekipi dhe të shkoj në hotel, duke rrezikuar shëndetin e ekipit tim,” tha ajo.

Organizatorët tani u kanë dhënë mundësinë atletëve që të kenë fëmijët e tyre në Japoni. Sidoqoftë, ata nuk mund të qëndrojnë në fshatin Olimpik, thanë organizatorët, në mënyrë që të mbronin garuesit e tjerë nga rreziku i infeksioneve.

“Ne kemi diskutuar për të gjetur një ekuilibër midis ofrimit të mjedisit më të sigurt dhe dhe plotësimit të kërkesave speciale nga Komitetet Kombëtare Olimpike,” tha zëdhënësi i Lojërave të Tokios, Masa Takaya të shtunën./KultPlus

Related Topics:Lojerat Olimpike Tokio 2020

Up Next

Nora Gjakova: Faleminderit Majlindës që na e ka hapë rrugën

Don't Miss

Çmimi i Xhakës po del të jetë problem për Romën

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.