Lajmet

Opozita bojkoton mbledhjen e Kryesisë, ​të enjten seanca e re plenare e Kuvendit

Sot në mbledhjen e Kryesisë së Kuvendit është shqyrtuar edhe kërkesa për formimin e komisionit hetimor për energji.

Published

on

Pas mbledhjes së Kryesisë së Kuvendit, të cilën e ka bojkotuar opozita, shefja e Grupit Parlamentar të Lëvizjes Vetëvendosje, Mimoza Kusari – Lila theksoi se seanca e re plenare do të mbahet të enjten më 5 maj në orën 10:00.

Në agjendën e seancës së re plenare përveç pikave të zakonshme për deklarim jashtë rendit të ditës dhe pyetjeve parlamentare, në rend dite është edhe votimi për dy kandidatë për gjyqtarë të Gjykatës Kushtetuese, shqyrtimi në lexim të dytë për mbrojtjen e konkurrencës, shqyrtimi në lexim të parë i Projektligjit për pagën minimale dhe shkallën tatimore të të ardhurave personale vjetore.

Po ashtu në rend dite është shqyrtimi në parim i Projektligjit për rishikimin e buxhetit 2022. Po ashtu emërimi i Komisionit për Mbrojtjen e Konkurrencës.

Në rend dite është edhe debati parlamentar për punën e Qeverisë së Kosovës në mandatin e parë të saj.

Ndërsa, sot në mbledhjen e Kryesisë së Kuvendit është shqyrtuar edhe kërkesa e nënshkruar nga 41 deputetë të Vetëvendosjes për formimin e komisionit hetimor për vendimmarrje në sektorin e energjisë. Me kërkesë të shefes së këtij grupi të VV-së, është shtyrë për një seancë tjetër, derisa të arrihet një dakordim me partitë opozitare.

Lajmet

​Sot protesta kundër dhunës

Published

on

By

Shoqata “Roja e Kohës”, ka ftuar të gjithë qytetarët, organizatat e shoqërisë civile, aktivistët dhe të rinjtë, të bashkohen në një protestë paqësore që do të mbahet sot, duke filluar nga ora 14:00 në sheshin “Zahir Pajaziti”, me marshim drejt sheshit “Skënderbeu”.

Protesta vjen pas disa rasteve të vrasjeve që kanë shokuar shoqërinë dhe kanë ngritur pyetje mbi masat e sigurisë dhe reagimin e institucioneve.

Tubimi pritet të mbledhë qytetarë, aktivistë dhe përfaqësues të shoqërisë civile, të cilët do të shprehin pakënaqësinë e tyre përmes pankartave dhe mesazheve sensibilizuese.

Continue Reading

Lajmet

Një shtetas turk arrestohet për keqpërdorim të kartelave bankare në Prishtinë

Published

on

Policia e Kosovës ka njoftuar se të enjten është arrestuar një shtetas turk, i dyshuar për lëshim të çeqeve pa mbulesë ose të rreme dhe keqpërdorim të kartelave të bankës apo kreditit.

Arrestimi ka lidhje me një rast që ka ndodhur më 20 shkurt të këtij viti, kur ishin arrestuar edhe tre shtetas të huaj për këtë vepër. Si rezultat i hetimeve të mëtejshme dhe angazhimeve të njësive policore, më 3 prill 2025, është arrestuar shtetasi turk, i cili është dërguar në mbajtje me vendim të prokurorit.

“Si rezultat i angazhimeve të njësive policore lidhur me rastin me datë 03.04.2025 është arrestuar i dyshuari mashkull shtetas i Turqisë. Me vendim të prokurorit i njëjti është dërguar në mbajtje”, thuhet në raportin e Policisë.

Në shkurt të këtij viti, Policia e Kosovës kishte njoftuar se kishte arrestuar tre persona nën dyshimin se kishin keqpërdorur kartela bankare. Gjatë hetimeve, Drejtoria e Hetimit të Krimeve Kibernetike kishte kryer kontrolle në tri lokacione në Prishtinë, ku dy nga të dyshuarit ishin shtetas turq dhe një shtetas i Maqedonisë së Veriut.

Continue Reading

Lajmet

Lirohet në procedurë të rregullt i dyshuari për shitje të paautorizuar të armëve

Published

on

Policia e Kosovës ka njoftuar se në Skenderaj është arrestuar dhe më pas është liruar në procedurë të rregullt një i dyshuar për import, eksport, furnizim, transportim dhe shitje të paautorizuar të armëve dhe materieve plasëse.

I dyshuari, një mashkull kosovar, është arrestuar të enjten dhe është intervistuar nga autoritetet. Pas intervistimit, dhe në përputhje me vendimin e prokurorit, ai është liruar.

“Është arrestuar i dyshuari mashkull kosovar nën dyshimin se ka kryer veprën penale të lartpërmendur. Lidhur me rastin është njoftuar prokurori dhe, pas intervistimit, me vendim të tij i dyshuari është liruar në procedurë të rregullt”, thuhet në raportin 24-orësh të Policisë së Kosovës.

Continue Reading

Bota

Scholz: Nuk mund ta imagjinojë Netanyahun të arrestohet në Gjermani

Published

on

Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.

Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”

Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.

Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Continue Reading

Të kërkuara