Lajmet

Opozita: Antikushtetuese kërkesa e Kurtit për ndalimin e privatizimit

Publikuar

3 vjet më parë

më

Kërkesa e kryeministri Albin Kurti për ndalimin e procesit të privatizimit nga ana e Agjencisë Kosovare të Privatizimit (AKP), ka nxitur debat sot në mbledhjen e Komisionit për Ekonomi ndërmjet deputetëve të pozitës dhe opozitës. Derisa ndalimi i procesit të privatizimit nga ana e kryeministrit Albin Kurti u vlerësua nga deputetët e opozitës si antikushtetues.

Në mbledhjen e Komisionit për Ekonomi, deputeti i AAK-së, Pal Lekaj, tha se vetëm Kuvendi i Kosovës si ligjvënës mund ta ndalojë këtë proces, e jo Qeveria.

“Sa i përket vendimit apo letrës së kryeministrit, mendoj se është antikushtetuese, sepse një parlament ka votuar ligjet dhe vetëm ai që miraton ligjet mundet t’i shfuqizojë. Në asnjë mënyrë nuk ka guxuar kryeministri ta ndërpres ad-hoc AKP-në, veprimtarinë e AKP-së. Është ‘no comment’. Nuk kemi pasur ndërhyrje të tilla asnjëherë derisa nuk është kompetencë e Qeverisë”, theksoi Lekaj.

Lidhur më këtë deklaratë ka reaguar deputetja Mimoza Kusari-Lila, e cila tha se nuk është shkelje flagrante kërkesa e kryeministrit Kurti.

Deputetja Kusari-Lila tha se kryeministri në kërkesën publike ka kërkuar ndalje të aktivitetit, nuk ka kërkuar plotësim-ndryshim ligji, pasi sipas saj, ai ka parë që brenda AKP-së është shtuar aktiviteti i shitjeve, i likuidimit, i dhënies me qira që ka qenë në kundërshtim edhe me praktikat dhe ritmin e punës së tyre muaj më parë.

“Në momentin kur janë mbajtur zgjedhjet dhe në momentin kur është ditur fituesi, ka filluar aktiviteti çuditërisht shumë dinamik i AKP-së. Tash në raport me këtë kërkesë të kryeministrit krahasuar me kohën kur ju keni qenë në qeveri dhe kryeministër ka qenë Haradinaj, ka pasur presion të vazhdueshëm për gjashtë muaj, presion jo publik, presion drejtpërdrejt në ish-menaxhmentin, është shkarkuar drejtori, është shtyrë të jep dorëheqje, është vendosur në vend të tij ish-sekretari i partisë tuaj si drejtor menaxhues. Është votuar bordi këtu, edhe ju po më thoni është shkelje flagrante. Mos të lutna Pal”, theksoi Kusari Lila.

Ndërsa, kryetari i Komisionit, Ferat Shala tha se Qeveria nuk mund ta ndalë privatizimin në mënyrë arbitrare. Edhe Shala potencoi se vetëm kuvendi mund të bëjë ndryshime për AKP-në.

“Nuk mundet ekzekutivi në mënyrë arbitrare pa e kaluar këtë vijë (kuvendin) ku mund ta debatojmë dhe ku mund t’i ftojmë ata, dhe t’i themi stop. Por në mënyrë legale, ligjore dhe procedurale, këtë e kemi shqetësim. Ta ftojmë bordin e AKP-së në javën e ardhshme në një takim për t’u sqaruar për të gjithë hapat dhe ku ka mbetur procesi i privatizimit, si dhe sfidat me të cilat ata po ballafaqohen”, tha Shala.

Komisioni vendosi që për mbledhjen e ardhshme ta ftojë në raportim Bordin dhe drejtorin e AKP-së.

Etiketa
Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

16 orë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

18 orë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

1 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Lajmet

Komandanti i Gardës Kombëtare të Iowa-s po qëndron në Kosovë me ftesë të komandantit të FSK-së

Publikuar

1 ditë më parë

më

14 Qershor, 2024

nga

Me ftesë të veçantë të komandantit të Forcës së Sigurisë së Kosovës, gjenerallejtënant Bashkim Jashari, në Kosovë po qëndron komandanti i Gardës Kombëtare të Iowa-s, gjeneral major Stephen Osborn.

Ai është i shoqëruar nga rreshter majori komandues i Gardës Kombëtare të Iowa-s, Matthew Strasser dhe delegacioni përcjellës, të cilët janë mysafirë të KOMFSK-së në kuadër të aktiviteteve të 25-vjetorit të çlirimit të Kosovës.

Gjatë vizitës, Jashari priti në takim Osbornin ku e falënderoi për vizitën e delegacionit të tij dhe për bashkëpunimin e shkëlqyeshëm bilateral në mes të Forcës së Sigurisë së Kosovës dhe Gardës Kombëtare të Iowa-s.

Tutje, gjeneralët u pajtuan për zbatimin e planit të përbashkët të bashkëpunimit 2025-2026 mes GK Iowa dhe FSK-së.

Vazhdo të lexosh

Të kërkuara