Lajmet

Opozita akuzon Nagavcin për keqpërdorim në subvencionimin e teksteve shkollore, Nagavci: Kurrë nuk kam vjedhur

Published

2 years ago

on

Ministrja e Arsimit, Shkencës, Teknologjisë dhe Inovacionit, Arbërie Nagavci, është akuzuar nga deputet opozitarë për keqpërdorim me subvencionimin e teksteve shkollore.

Ata këto akuza i bënë gjatë raportimit të ministres në Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

Opozita akuzoi Nagavcin se ka favorizuar shtëpinë botuese “Albas” për tekstet shkollore që sipas tyre, nuk i kanë plotësuar kriteret e kërkuara.

Ministrja Nagavci ka thënë se në furnizimin që është bërë më herët me tekste shkollore ka pasur dëshmi për keqpërdorime të buxhetit, sipas ministres, marrë parasysh kërkesat e prindërve për blerje të librave dhe vështirësisë së shpërndarjes, kanë zgjedhur subvencionimin. Ajo ka thënë se nuk ka pasur asnjë ankesë nga asnjë komunë që dikush ka mbetur pa u pajisur me tekste.

“Ka qenë një raport që është mundësuar teksti alternativ, në vitin 2022-23. Ne në fillim të këtij procesi kemi kërkuar nga shkollat që t’i kenë tekstet shkollore sipas udhëzimit administrativ që të ripërdorën. Ka pas dëshmi për keqpërdorime të buxhetit në mbetje të teksteve shkollore. Dy raporte nga ZKA, për vitin 2012. ZKA në një raport vlerësues por MAShT-in, konstaton se vetëm në 6 shkolla ka pasur një sasi të numrave, që kapin vlerën mbi 1 milionë euro. Ka edhe raportime tjera që kanë qenë raportime të stoçeve të ndryshme të librave dhe keqpërdorimit dhe menaxhimit të mjeteve buxhetore për tekstet shkollore. Është dëmtuar buxheti me formimin e stoçeve të teksteve shkollore”.

“Në fillim të vitit shkollorë, kemi kërkuar nga drejtoritë komunale që të na njoftoj për rastet kur fëmijët nuk janë të pajisur me tekste shkollore. Cilat kanë qenë arsyet dhe çfarë duhet ndërmarrë. Nuk kemi pas asnjë kërkesë nga asnjë komunë, që dikush ka mbetur pa u pajisur me tekste, po flas për drejtoritë e arsimit, të gjitha shkollat.  Pastaj është krijuar një Komision për verifikimin e aplikacioneve, ka pas organizata ekipore që kanë asistuar në aplikim.  Pastaj jemi siguruar për të iu ofruar asistencë prindërve në mënyre që te mos mbet asnjë nxënës pa u furnizuar me libra”, ka thënë ministrja.

Deputeti nga radhët e AAK-së, Shemsedin Dreshaj, ka pyetur ministren se kur është bërë kompletimi i furnizimeve me tekste, me datë në të gjitha shkollat. Për këtë Ngavci ka thënë se mundësia për aplikim ka qenë në muajin gusht.

“Mundësia për aplikim ka qenë në muajin gusht nëse dikush nuk ka aplikuar në muajin gusht ka pas sfida, pagesat janë realizuar edhe në muajin shtator, tetor e kështu më radhë që askujt të mos i mohohet e drejta e garantuar me ligj. Sa i përket Gjakovës nuk jam në njohuri, nuk mbaj mend se kemi ndonjë ankesë, kërkesë, qoftë nga zyrtarët komunalë apo drejtoritë”,  ka thënë Nagavci.

Deputeti i PDK-së, Bekim Haxhiu, ka thënë se mbi 20 për qind të subvencionimit kanë qenë të keq planifikuar.

“Mbi mbi 20 për qind ka keq planifikim të subvencionimit. Bazuar në buxhetin për planifikim dhe dy vendimet e planifikuara ku janë shkuar 5 milionë euro që kanë qenë të planifikuara, si dhe dy vendet se bashku 12 milionë, në total 17 milionë, në raport për subvencionimin janë shpenzuar 11 milionë, ku janë tjerat. Sa është numri i saktë i shpenzimeve, a ka përfitues që kanë përfituar jashtë vendit. Pse dështuan negociatat me shtëpitë botuese kur çmimi ka qenë i negociuar ka qenë 4 mijë e 800”, ka thënë Haxhiu.

Nagavci ka thënë se sa i përket ndarjes buxhetore nuk ka pasur shkelje te ligjit sa i përket subvencionimit.

“Vendimi për subvencionim ka qenë largimi i stoçeve asnjë fëmijë të mos mbetet pa tekste shkollore. Sa i përket ndarjes buxhetore, unë si ministre e arsimit, mund të ndryshojë në vlerën 5 për qind, qeveria sipas ligjit, nuk ka tejkaluar nuk ka shkelje diçka të ngjashme sa i përket subvencionimit. Së sa kanë mbetur nxënës pa u pajis me tekste ne nuk kemi asnjë të dhënë zyrtare për ndonjë nxenës apo fëmijë që ka mbetu pa u pajisur me tekste. Është zvogëluar numri i nxënësve është shtuar numri i teksteve shkollore, në vitin 2022/23, totali i furnizimit me libra ka qenë 4 milionë e 485 mijë e 562 tekste si numër për furnizim”,  ka thënë Nagavci.

Deputeti i PDK-së, Ardian Kastrati, ka pyetur ministren Nagavci se pse shtëpisë botuese “Albas”, e cila ka fituar tenderin për tekste shkollore, i janë rritur të hyrat.

Kjo pasi sipas tij, Nagavci ka lidhje me këtë shtëpi botuese.

“Ju thatë që janë 11 milion, krahasimi me shpenzimet e hargjuara, pasi që në ta kaluarën janë shpenzuar më pak e ka pas me shumë nxënës, ndërsa tani janë më pak nxënës sot e me shumë janë shpenzuar, a konsiderohet korrupsion kjo? Çështja e dytë, është hekur dorë me arsyetimin se çmimet jene të larta nuk u pajtuat për afro 5 milion, ndërsa tani kushtoj 2 fish ose tre më shtrenjtë”.

“Ju jeni pajtuar nga “Albas”, më herët kur nuk keni qenë ministre, kështu duke i vlerësuar librat e tyre të cilat nuk i kanë plotësuar kriteret e librit. Ju keni pas lidhje se keni punuar për “Albas”, më pas janë shpërblyer nga ministria. Pastaj ndërhynë Dejona Mihajli, e njihni ju së bashkëpunoni me të.  Pse janë rritur të hyrat e “Albas” me tendera”, ka thënë Kastrati.

E deklaratat e deputetit Kastrati, ministrja Nagavci tha se nuk ja vlen të komentohen. Ajo tha se kurrë asnjëherë nuk ka vjedhur.

“Kurrë asnjëherë as dje as kurrë nuk jam person që vjedhi, e dyta, pyetet për buxhetin, për çdo ekzekutim të pagesës është verifikuar përmes ministrive që ekzekutojnë nga thesari i shtetit, Ministria e Financave, banka. Si Ministri e Arsimit nuk kemi pas asnjë interferencë të vetme. Nuk dua të komentojë deklarata që nuk ia vlen të komentohen. Më pyetet se çka do të bënit nëse do isha në vendin tuaj, unë kam adresuar aty ku duhet të organet kompetente kur ka pas keqpërdorime, si deputete kam qenë korrekte kam adresuar fakte nuk kam shpif nuk kam thënë diçka që se di as vetë”, është kundërpërgjigjur Nagavci.

Related Topics:
Continue Reading

Vendi

Konjufca: Konstituimi i Kuvendit mund të zgjasë, nuk po shkelet Kushtetuta e as situata s’është dramatike

Published

9 minutes ago

on

August 10, 2026

By

Ministri i Jashtëm në detyrë, Glauk Konjufca, ka deklaruar se procesi i konstituimit të Kuvendit nuk po zhvillohet në kundërshtim me Kushtetutën, duke hedhur poshtë pretendimet e opozitës dhe duke theksuar se situata nuk është “dramatike”.

Sipas tij, konstituimi i Kuvendit mund të zgjasë më shumë se një ditë, ndërsa lidhur me interpretimet për afatin e seancës konstituive, ai vuri në pah mendimet e ndryshme të ekspertëve.

“Ne nuk mendojmë që është shkelur Kushtetuta. Për shkak të këtyre momenteve dhe proceseve, prej zgjedhjeve të shkurtit ka qenë duke u interpretuar. I patëm disa momente edhe vitin e kaluar kur ishin të paqarta. Diskutimi ka të bëjë me ditën e mbajtjes së seancës dhe a e përbën një entitet të vetëm dhe a duhet të përfundojë brenda 24 orëve mbajtja e seancës apo jo. Sipas disa ekspertëve, të cilët kanë interpretime të ndryshme, mund të zgjasë edhe më shumë se 24 orë. Kështu është duke ndodhur edhe tash, po zgjat më shumë se një ditë. Nuk është dramatike qysh po e interpreton opozita, është pjesë e formësimit të mëtejshëm kushtetues të vendit tonë. Kur do të thirret seanca, nuk mund ta caktoj unë”, u shpreh Konjufca para gazetarëve.

Më tej, Konjufca foli edhe për përpjekjet për dialog politik ndërmjet subjekteve parlamentare, duke konfirmuar se kryeministri në detyrë, Albin Kurti, do t’u drejtohet sërish partive opozitare si PDK, LDK dhe AAK për të gjetur një rrugëdalje.

“Unë mendoj që konstituimi mund të zgjasë më shumë se një ditë. Kurti do t’u drejtohet sërish, kurrë nuk do të lodhemi nga dialogu politik, do të vazhdojnë përpjekjet edhe PDK-ja, edhe LDK-ja e Aleanca. Çdo dëm që ju po e konsideroni është më i vogël se ajo çka pamë në seancë, dhuna ndaj kryeministrit dhe ndaj deputetëve tanë. A thonit keq edhe atëherë? Nëse është keq, është keq edhe kësaj radhe. Është më pak dëm sesa të shkohet në zgjedhje të reja, të dy këto dëme janë më të mëdha. Nuk është duke u shkelur Kushtetuta”, tha Konjufca. /Ekonomia Online/

Continue Reading

Vendi

Dehari: Pa marrëveshje politike shkojmë në zgjedhje të reja, ka deputetë që duan incidente

Published

29 minutes ago

on

August 10, 2026

By

Deputeti i Lëvizjes Vetëvendosje, Avni Dehari, njëherësh kryesues i seancës konstituive të Kuvendit të Kosovës, ka reaguar lidhur me bllokadën dhe gjendjen aktuale politike në vend, duke bërë thirrje për arritjen e një marrëveshjeje politike ndërmjet subjekteve parlamentare.

Përmes një postimi në rrjetet sociale, Dehari ka ngritur shqetësimin se një pjesë e opozitës po shmang me qëllim marrëveshjen për t’i çuar proceset drejt përplasjeve.

“Ka jo pak deputetë opozitarë që nuk duan kurrfarë marrëveshje politike për konstituim të institucioneve, dhe që duan incidente fizike në seancën konstituive”, shkruan Dehari në postimin e tij.

Kryesuesi i seancës ka nëvizuar se dështimi për të gjetur gjuhë të përbashkët do ta çojë vendin drejt një procesi të panevojshëm zgjedhor, çka sipas tij bie ndesh me interesin e qytetarëve dhe kërkesat kushtetuese.

“Pa marrëveshje politike pashmangshëm shkojmë në zgjedhje të reja, të përsëritura, të panevojshme, të dëmshme. Duhet të arrihet marrëveshja politike. Këtë e kërkon Kushtetuta e Republikës dhe Gjykata Kushtetuese, këtë e pret populli i Kosovës dhe e ardhmja jonë.”

Deklarata e Deharit vjen në një kohë kur konstituimi i plotë i Kuvendit ende nuk ka ndodhur dhe ka kaluar afatin kushtetues, gjë që ka lënë peng formimin  e institucioneve të reja.

Në këtë reagim nuk Dehari nuk ka dhënë sinjal se kur do të jetë seanca e radhës për konstituimin e Kuvendit të Kosovës. /E.A /

Continue Reading

Shëndet

Prof. Ass. Dr. Bedri Braha – ekspertizë në kirurgjinë abdominale dhe qasje bashkëkohore ndaj trajtimit kirurgjikal

Published

45 minutes ago

on

August 10, 2026

By

Prishtinë – Në fushën e kirurgjisë së përgjithshme dhe veçanërisht të kirurgjisë abdominale, Prof. Ass. Dr. Bedri Braha përfaqëson një profil profesional të lidhur me përvojën klinike, mësimdhënien universitare dhe përdorimin e teknikave bashkëkohore kirurgjikale. Si specialist i Kirurgjisë së Përgjithshme, subspecialist i Kirurgjisë Abdominale dhe laparoskopist, Dr. Braha ushtron veprimtarinë profesionale në United Hospital, duke ofruar vlerësim dhe trajtim kirurgjikal për një gamë të gjerë patologjish.

Një ndër fushat me rëndësi të veçantë në kirurgjinë abdominale është trajtimi i tumoreve të zorrës së trashë, përfshirë pjesën rektosigmoide. Në rastet kur diagnostikohet një tumor i tillë, trajtimi përcaktohet në bazë të lokalizimit, stadit të sëmundjes dhe karakteristikave histopatologjike.

Në shumë raste, ndërhyrja kirurgjikale është pjesë qendrore e trajtimit, ku synohet heqja e segmentit të prekur së bashku me nyjet limfatike përreth, ndërsa pas ndërhyrjes mund të rekomandohen trajtime shtesë, si kimioterapia apo radioterapia, në varësi të stadit dhe vlerësimit të ekipit mjekësor.

Një rëndësi të veçantë ka diagnostikimi në kohë. Ndryshimet e vazhdueshme në zakonet e jashtëqitjes, prania e gjakut në jashtëqitje, dhimbjet ose ngërçet e përsëritura të barkut, fryrja e vazhdueshme, humbja e pashpjegueshme e peshës dhe lodhja e zgjatur janë simptoma që nuk duhet të neglizhohen. Ato nuk nënkuptojnë domosdoshmërisht praninë e një tumori, por kërkojnë vlerësim mjekësor, veçanërisht kur janë të vazhdueshme ose përsëriten.

Në praktikën moderne kirurgjikale, qasja laparoskopike mund të ofrojë alternativa më pak invazive për pacientë të përzgjedhur, gjithmonë në varësi të diagnozës, gjendjes së pacientit dhe indikacionit kirurgjikal. Vendimmarrja duhet të bazohet në ekzaminimin klinik, imazherinë, analizat përkatëse dhe vlerësimin multidisiplinar.

United Hospital

Prof. Ass. Dr. Bedri Braha është gjithashtu profesor i kirurgjisë në UBT, anëtar i Shoqatës së Kirurgëve të Përgjithshëm të Kosovës dhe anëtar i Bordit në Kolegjin Kosovar të Kirurgëve. Kjo ndërthurje e aktivitetit klinik me atë akademik e vendos profesionin e tij në një dimension ku kujdesi për pacientin, edukimi mjekësor dhe zhvillimi i praktikave bashkëkohore kirurgjikale plotësojnë njëri-tjetrin.

Në një kohë kur ndërgjegjësimi shëndetësor dhe diagnostikimi i hershëm kanë rëndësi gjithnjë e më të madhe, mesazhi kryesor mbetet i qartë: simptomat e pazakonta dhe të vazhdueshme nuk duhen injoruar. Konsultimi me mjekun specialist dhe vlerësimi profesional janë hapat e parë drejt një diagnoze të saktë dhe një plani të përshtatshëm trajtimi.

Prof. Ass. Dr. Bedri Braha, Dr. Sci.
Specialist i Kirurgjisë së Përgjithshme
Subspecialist i Kirurgjisë Abdominale | Laparoskopist
Profesor i Kirurgjisë në UBT

United Hospital
📍 M2 Prishtinë–Ferizaj, Km 7, Prishtinë
📞 038 60 70 70 / 046 60 70 70

Continue Reading

Lajmet

Interesim i jashtëzakonshëm për studime Master në UBT, këto janë programet që po zgjedhin të rinjtë

Published

1 hour ago

on

August 10, 2026

By

Të rinjtë nga Kosova dhe rajoni po tregojnë interesim të madh për studimet Master në UBT, duke zgjedhur programe të orientuara drejt specializimeve, zhvillimit profesional dhe ndërtimit të një karriere të qëndrueshme, duke përfituar njëkohësisht nga fleksibiliteti i studimeve dhe përshtatja e tyre me angazhimet profesionale.

Me një ofertë të gjerë akademike, UBT u mundëson studentëve të zgjedhin ndërmjet fushave të ndryshme, nga biznesi dhe teknologjia, deri te inxhinieria, drejtësia, arkitektura, shkencat politike, psikologjia, shëndetësia, ushqimi, bujqësia dhe fushat e tjera profesionale.

Programet në nivelin Master në UBT: 

  • Menaxhment, Biznes dhe Ekonomi
  • FinTech dhe Menaxhimi i Inovacionit
  • Inxhinieri e Ndërtimit dhe Infrastrukturë
  • Shkenca Kompjuterike dhe Inxhinieri
  • Inxhinieria e Trafikut dhe Transportit
  • Sistemet e Informacionit dhe Menaxhment
  • Inxhinieri e Mekatronikës
  • Arkitekturë dhe Planifikim Hapësinor
  • Inxhinieri e Energjisë dhe Mjedisi
  • E Drejta Penale
  • E Drejta Civile dhe Pronës
  • E Drejta Komerciale
  • Gjuhë, Media dhe Komunikim
  • Politika Publike dhe Menaxhim
  • Shkenca Politike
  • Studime të Sigurisë
  • Psikologji
  • Shkencat dhe Teknologjia e Ushqimit
  • Shëndet Publik dhe Menaxhim
  • Biokimi
  • Shkencat Paramjekësore
  • Agrikulturë dhe Mjedis
  • Shëndet dhe Aktivitet Fizik

Veçantia e ofertës akademike të UBT-së qëndron edhe në ndërthurjen e njohurive teorike me përgatitjen praktike, duke synuar që studentët të jenë të gatshëm për sfidat e tregut bashkëkohor të punës. Programet janë të konceptuara për t’u mundësuar studentëve avancimin në profesionin e tyre, ndryshimin e fushës së karrierës apo përgatitjen për studime të mëtejshme akademike.

Përmes qasjes në teknologji moderne, infrastrukturës bashkëkohore, stafit akademik vendor dhe ndërkombëtar dhe mundësive për bashkëpunime me industri dhe kompani prestigjioze botërore, studentët kanë mundësi të zgjerojnë njohuritë dhe të zhvillojnë aftësitë e nevojshme për profesionet e së ardhmes.

Programet Master në UBT ofrojnë diplomë të njohur ndërkombëtarisht, ndërsa gama e gjerë e specializimeve u jep mundësi studentëve që të zgjedhin programin në përputhje me interesat, profesionin dhe objektivat e tyre të karrierës.

APLIKO TANI ONLINE!

 

 

 

 

 

 

Continue Reading

Të kërkuara