Kërkimi i Milanit për një drejtor të ri sportiv ka zbritur në dy kandidatë kryesorë, por klubi po merr kohë për të siguruar që ata të bëjnë zgjedhjen e duhur në këtë emërim kryesor.

Kuqezinjtë kanë identifikuar Fabio Paraticin dhe Igli Taren si dy opsionet më të mundshme për postin kryesor sportiv.

Ditët e fundit, këshilltari i RedBird, Zlatan Ibrahimovic dhe pronari Gerry Cardinale u takuan me Taren dhe Paraticin në Londër, një lëvizje që thuhet se e frustroi drejtorin e përgjithshëm Giorgio Furlani, shkruan Calciomercato.com.

Duke u ndjerë i mënjanuar nga diskutimet që mund të riformësojnë hierarkinë e klubit, Furlani këmbënguli publikisht që ‘të gjitha vendimet kalojnë nga unë’ përpara humbjes së fundit 2-1 të Milanit kundër Lazios .

Pavarësisht kësaj, Ibrahimović dhe Cardinale mbeten të vendosur për të ecur përpara.

Paratici ka sinjalizuar disponueshmërinë e tij të plotë për të marrë përsipër rolin me kusht që të marrë kontrollin e plotë të sektorit sportiv dhe autonominë në grumbullimin e ekipit të tij.

Ndërkohë, Tare duket se po shfaqet si kryesuesori, pasi Ibrahimović dhe Moncada thuhet se favorizojnë emërimin e tij.

Me tensionet në prapaskenë, lëvizja e radhës e Milanit mund të formësojë të ardhmen e klubit për vitet në vijim.

Kosova ka aranzhuar një ndeshje miqësore me Armeninë, e cila do të zhvillohet më 6 qershor 2025 në stadiumin “Fadil Vokrri” në Prishtinë.

Kjo përballje do t’i shërbejë përzgjedhësit Franco Foda për të testuar dhe përgatitur ekipin për ndeshjet kualifikuese të Kupës së Botës 2026, që do të nisin në shtator, e ku Kosova bën pjesë në grup shumë të fortë me Suedinë, Zvicrën dhe Slloveninë.

Para kësaj miqësoreje, Dardanët do të kenë dy sfida vendimtare gjatë këtij muaji ndaj Islandës, në kuadër të ‘play-off’-it të Ligës së Kombeve, e ku synojnë promovimin në Ligën B.

Ndeshja e parë zhvillohet më 20 mars, në orën 20:45 në stadiumin ‘Fadil Vokrri’, derisa ndeshja e dytë më 23 mars, në qytetin spanjoll Mursia,

Lakers arritën fitore të rëndësishme në derbin e Los Anxhelos, duke mundur Clippers me rezultatin 108-102, për të siguruar fitoren e gjashtë radhazi dhe për t’u ngjitur në vendin e dytë në Konferencën e Perëndimit. Luka Dončić ishte shënuesi më i mirë për Lakers me 29 pikë, ndërkohë që stoli kontribuoi me 36 pikë, duke e bërë të pavlefshme performancën e shkëlqyer të Kawhi Leonard, i cili realizoi 33 pikë për Clippers.

Ndërkohë, Cleveland vazhdon dominimin e tij, duke kryesuar si në Konferencën e Lindjes ashtu edhe renditjen e përgjithshme të NBA-së pas fitores 133-129 ndaj Portland, ku Hunter shkëlqeu me 32 pikë. Miami pësoi një disfatë zhgënjyese në shtëpi, duke u mundur 116-112 nga New York, ku Jalen Brunson ishte protagonist me 32 pikë. Kampionët e Boston fituan 110-103 ndaj Denver, me Brown që shënoi 22 pikë dhe Horford 19. Oklahoma vazhdon të kryesojë në Perëndim pas një ndeshje spektakolare ndaj San Antonio-s, që përfundoi 146-132, me Jalen Williams që mbylli me 41 pikë dhe Shai me 31 pikë.

Rezultatet e tjera të NBA-së:

• Boston – Denver: 110-103
• Cleveland – Portland: 133-129
• Indiana – Charlotte: 127-112
• Miami – New York: 112-116
• Orlando – Toronto: 102-104
• San Antonio – Oklahoma: 132-146
• Utah Jazz – New Orleans: 121-128
• Lakers – Clippers: 108-102
• Phoenix – Minnesota: 98-116

Cristiano Ronaldo ka shmangur udhëtimin në Iran për ndeshjen e AFC Champions League mes Al Nassr dhe Esteghlal për të evituar rrezikun e ndëshkimit me 100 goditje me kamxhik. Vendimi ka lidhje me një incident të vitit 2023, kur Ronaldo bëri një gjest të papërshtatshëm në Iran, duke puthur në ballë një artiste me aftësi të kufizuara, Fatemeh Hammami Nasrabadi. Sipas ligjeve iraniane, ky gjest me një grua që nuk është bashkëshortja e tij mund të interpretohet si tradhti bashkëshortore dhe ndëshkohet me 100 goditje me kamxhik.

Pasi çështja u bë e njohur në mediat iraniane dhe në rrjetet sociale, Al Nassr kërkoi që ndeshja të luhej në një terren neutral për të mbrojtur Ronaldo-n, por kërkesa u refuzua nga klubi iranian Esteghlal. Pavarësisht garancive nga autoritetet iraniane për një qëndrim të sigurt, Ronaldo ka vendosur të mos udhëtojë dhe nuk është përfshirë në listën e lojtarëve të grumbulluar nga trajneri Stefano Pioli për këtë ndeshje./UBTNews/