Lajmet

OKB po heton 300 vrasje të paligjshme në Ukrainë

Aktualisht OKB-ja po heton 150 raste të zhdukjeve me forcë.

Publikuar

2 vjet më parë

më

OKB-ja po heton 300 vrasje të paligjshme në Ukrainë, tha të martën për CNN, kryetarja e misionit të saj monitorues në vend, Matilda Bogner.

Bogner tregoi shkallën e mizorive civile që misioni ka dokumentuar gjatë gjithë luftës deri më tani, duke përfshirë rastet e dhunës seksuale dhe ndalimet arbitrare.

Deri më tani, misioni ka dokumentuar deri në 5,000 viktima civile, tha Bogner, duke vënë në dukje se numri aktual do të jetë edhe “mijëra” më i lartë. Aktualisht OKB-ja po heton 150 raste të zhdukjeve me forcë.

“Përsëri, numri i rasteve është më i madh se kaq, këto janë vetëm rastet për të cilat ne kemi informacion të mjaftueshëm tashmë”, tha ajo.

“Ne po dëgjojmë në disa nga zonat e pushtuara nga Federata Ruse, se ata synojnë njerëz që kanë pikëpamje pro ukrainase. Për shembull, zyrtarë lokalë, aktivistë, mbrojtës të të drejtave të njeriut, ndonjëherë gazetarë që ata konsiderojnë se kanë pikëpamje pro ukrainase po arrestohen. Ata shpesh zhduken, disa janë liruar, gjë që është mirë, por të tjerët janë gjetur të vdekur që atëherë”.

“Ne po përpiqemi gjithashtu të dokumentojmë rastet e dhunës seksuale. Fatkeqësisht është shumë e vështirë për të marrë informacion të plotë. Viktimat zakonisht nuk janë të gatshme të flasin në zona të pasigurta, kur nuk u janë ofruar shërbime”./UBTNews/

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

12 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

14 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

16 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

18 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara