Lajmet

OKB: Më shumë njerëz po injektojnë droga në nivel global

Në total, 13.2 milionë njerëz kanë injektuar droga më 2021.

Published

3 years ago

on

Më shumë njerëz janë duke injektuar droga ilegale sesa është menduar paraprakisht, kanë thënë Kombet e Bashkuara në një raport për përdorimin e drogës në nivel global.

Në total, 13.2 milionë njerëz kanë injektuar droga më 2021, 18 për qind më shumë sesa është vlerësuar paraprakisht, ka thënë Zyra e OKB-së për Droga dhe Krim.

Sipas kësaj agjencie, me bazë në Vjenë, substancat sintetike sikurse fentanili dhe metamfetamina dominojnë në tregun e drogës ilegale.

Në botë, numri i përdoruesve të drogës është rritur për 23 për qind, dhe çrregullimet e lidhura pas përdorimit të saj janë rritur për 45 për qind brenda një dekade, duke prekur shifrën 40 milionë.

Sipas raportit, njerëzit me çrregullime të shëndetit mendor, ata me kushte jo të mira socio-ekonomike dhe të rinjtë, janë më të cenueshmit.

Evropa Lindore dhe Amerika Veriore është thënë se e kanë mundësinë më të madhe të njerëzve që injektojnë droga, në krahasim me Lindjen dhe Azinë Juglindore.

Sipas gjetjeve të raportit, burrat kanë pesë herë më shumë mundësi që të injektojnë droga dhe t’i nxisin partneret e tyre që ta fitojnë shprehinë e njëjtë.

Sa i përket trajtimit, një në pesë persona mund të ketë qasje të lehtë në të.

Related Topics:
Continue Reading

lajme

UBT dhe Komuna e Zarës bashkëpunojnë për trashëgiminë kulturore të arbëreshëve

Published

23 minutes ago

on

July 23, 2026

By

Prof. Dr. Bekim Marmullaku, përfaqësues i UBT-së, zhvilloi takim me Dina Bušić, Drejtoreshë për Kulturë dhe Sport në Komunën e Zarës.

Gjatë takimit u diskutuan mundësitë e bashkëpunimit ndërmjet UBT-së dhe Komunës së Zarës për ruajtjen, digjitalizimin, arkivimin dhe promovimin e trashëgimisë kulturore të arbëreshëve të Zarës. Palët diskutuan gjithashtu për hartimin dhe realizimin e projekteve të përbashkëta që do të mbështesin këto aktivitete.

Continue Reading

Vendi

UBT dhe Universiteti i Zarës thellojnë bashkëpunimin institucional

Published

26 minutes ago

on

July 23, 2026

By

Prof. Dr. Bekim Marmullaku, përfaqësues i UBT-së, zhvilloi takim me tre prorektorët e Universitetit të Zarës në Kroaci: Prof. Dr. Anita Pintarić, Prof. Dr. Marko Lukić dhe Prof. Dr. Zvjezdan Penezić.

Gjatë takimit u diskutua zgjerimi dhe thellimi i marrëveshjes ndërmjet dy institucioneve, duke synuar një bashkëpunim më të strukturuar në zhvillimin e programeve të përbashkëta studimore, studimeve të doktoratës, kërkimit shkencor dhe projekteve të përbashkëta hulumtuese.

Continue Reading

Lajmet

Arreston dy persona për kanosje në Prishtinë dhe Graçanicë, njëri dyshohet se kërcënoi me granatë dore

Published

29 minutes ago

on

July 23, 2026

By

Policia e Kosovës ka arrestuar dy persona në dy raste të ndara të kanosjes të ndodhura gjatë ditës së djeshme në rajonin e Prishtinës dhe në Graçanicë.

Rasti i parë është regjistruar në Prishtinë rreth orës 01:00 të mesnatës, ku një burrë ka raportuar se është kanosur përmes telefonit nga një i dyshuar, i cili pas intervistimit është arrestuar dhe dërguar në mbajtje me vendim të prokurorit.

Ndërkohë, një incident më i rëndë ka ndodhur në Graçanicë rreth orës 21:30, ku i dyshuari është arrestuar nën dyshimin se e ka kërcënuar viktimën me granatë dore. Edhe pse gjatë kontrollit në shtëpinë e tij nuk është gjetur asgjë e dyshimtë, me urdhër të prokurorit ai është dërguar menjëherë në mbajtje. /E.A/

Continue Reading

Lajmet

UBT dhe Universiteti i Zarës drejt projekteve të përbashkëta ndërkombëtare

Published

31 minutes ago

on

July 23, 2026

By

Përfaqësuesit e UBT-së, Prof. Dr. Bekim Marmullaku dhe Prof. Assoc. Dr. Fitim Alidema, zhvilluan takim me Irena Kozulic, Drejtoreshë e Departamentit për Projekte, Shkencë dhe Transfer të Teknologjisë në Universitetin e Zarës në Kroaci.

Gjatë takimit, palët u dakorduan për zgjerimin e bashkëpunimit ndërmjet dy institucioneve, me fokus në aplikimin e përbashkët në projekte ndërkombëtare, kërkimin shkencor dhe transferin e teknologjisë.

Continue Reading

Të kërkuara