Lajmet

OKB: Bota duhet të përgatitet për zjarre edhe më ekstreme se këto të viteve të fundit

Zjarret e tila përkeqësohen nga ndryshimet klimatike.

Published

on

Numri i zjarreve të mëdha në mbarë botën do të rritet ndjeshëm në dekadat e ardhshme për shkak të ngrohjes globale dhe qeveritë nuk janë të përgatitura mirë për vdekjen dhe shkatërrimin që do të sjellin këto mega-zjarre, paralajmëroi OKB sot, përcjell UBT News.

Edhe përpjekjet më ambicioze për të frenuar emetimet e gazit serrë nuk do të parandalojnë një rritje dramatike të kushteve ekstreme të zjarrit, përfundoi një raport i porositur nga Programi i Mjedisit i OKB-së (UNEP).

“Deri në fund të shekullit, probabiliteti i ngjarjeve të zjarreve të ngjashme me ‘verën e zezë’ 2019-2020 të Australisë ose zjarret e mëdha të Arktikut në 2020 që ndodhën në një vit ka të ngjarë të rritet me 31-57 për qind”, thuhet në raport.

Zjarret e tilla po digjen aty ku kanë ndodhur gjithmonë por po shpërthejnë edhe në vende të papritura.

“Zjarret nuk janë gjëra të mira”, tha bashkëautori Peter, një ekspert në menaxhimin e zjarreve në pyje në Organizatën e OKB-së për Ushqimin dhe Bujqësinë (FAO).

“Ndikimet tek njerëzit – nga ana sociale, shëndetësore, psikologjike – janë fenomenale dhe afatgjata”, u tha ai gazetarëve në një konferencë.

Zjarret e mëdha, të cilat mund të bëhen të pakontrolluara për ditë ose javë, shkaktojnë probleme të frymëmarrjes dhe zemrës, veçanërisht për të moshuarit por edhe shumë të rinjë.

Një studim i fundit në The Lancet arriti në përfundimin se ekspozimi ndaj tymit të zjarrit rezulton, mesatarisht, në më shumë se 30,000 vdekje çdo vit në 43 kombe për të cilat kishte të dhëna.

Dëmet ekonomike në Shtetet e Bashkuara, një nga vendet e pakta që ka llogaritur kosto të tilla, kanë variuar nga 71 deri në 348 miliardë dollarë (63 deri në 307 miliardë euro) në vitet e fundit, sipas një vlerësimi të cituar në raport.

Zjarret e mëdha mund të jenë gjithashtu shkatërruese për jetën e kafshëve, duke i shtyrë disa specie të rrezikuara më pranë pragut të zhdukjes.

Gati tre miliardë gjitarë, zvarranikë, zogj dhe bretkosa u vranë ose u dëmtuan, për shembull, nga zjarret shkatërruese të Australisë më 2019-2020, kanë llogaritur shkencëtarët.

Zjarret e tila përkeqësohen nga ndryshimet klimatike.

Valët e të nxehtit, kushtet e thatësirës dhe lagështia e reduktuar e tokës të përforcuar nga ngrohja globale kanë kontribuar në zjarret e paprecedentë në pjesën perëndimore të SHBA-së, Australi dhe pellgun e Mesdheut vetëm në tre vitet e fundit.

Edhe Arktiku – më parë imun ndaj zjarreve – ka parë një rritje dramatike të flakëve, duke përfshirë të ashtuquajturat “zjarre zombie” që digjen nën tokë gjatë gjithë dimrit përpara se të shpërthejnë sërish në flakë.

Por zjarret gjithashtu përshpejtojnë ndryshimet klimatike, duke ushqyer një rreth vicioz të më shumë zjarreve dhe temperaturave në rritje.

I përpiluar nga 50 ekspertë të lartë, raporti bëri thirrje për një rishikim se si të trajtohet problemi.

“Përgjigjet e tanishme të qeverisë ndaj zjarreve shpesh janë vendosja e parave në vendet e gabuara”, duke investuar në menaxhimin e zjarreve sapo ato të fillojnë dhe jo në parandalimin dhe zvogëlimin e rrezikut, tha shefja e Mjedisit e OKB-së, Inger Andersen./UBTNews/

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara