Sport

Ofertat nga West Ham, Tuchel qartëson të ardhmen e Armando Brojës

West Ham besohet se ka bërë një ofertë në regjionin e 35 milionë eurove.

Published

3 years ago

July 20, 2022

UBT.News

Trajneri i Chelseat, Thomas Tuchel, ka hedhur poshtë spekulimet që lidhin Armando Brojën me një largim nga “Stamford Bridge”, dhe pret që sulmuesi të qëndrojë në klub këtë verë.

20-vjeçari shqiptar ka rënë nën radarin e shumë klubeve evropiane, pasi bëri përshtypje sa ishte i huazuar te Southamptoni sezonin e kaluar, duke shënuar nëntë gola në 38 paraqitje në të gjitha garat.

West Ham besohet të jetë skuadra që po e kryeson garën për nënshkrimin e Brojës, ku raportohet se është afër marrëveshjes me Chelsean për të marrë sulmuesin në huazim, me një opsion për ta bërë transferimin e tij permanent.

Sipas raportimeve të fundit, West Ham besohet se ka bërë një ofertë në regjionin e 35 milionë eurove, por pavarësisht kësaj, Tuchel ka bërë të qartë se synimi i tij do të jetë ta integrojë yllin shqiptar në formacionin e tij startues.

“Nuk pres që Broja të largohet. Jam i vetëdijshëm për ofertat dhe interesimin në të. Ne do të marrim një vendim së bashku, pronari, unë dhe lojtari. Kur u rikthye ishte e qartë se ai po përpiqej të lë përshtypje dhe të bëhej lojtar i Chelseat”, tha Tuchel.

“Pas huazimit të tij te Southamptoni është e qartë që ai dëshiron të bëjë hapin e radhës. Fatkeqësisht, ai u lëndua dhe tani ka shumë interesim në të. Mbetet të shihet se çfarë do të ndodhë. Ai ka një kontratë këtu”, shtoi më tej trajneri i Chelseat.

Pavarësisht qëndrimit aktual të Chelseat ndaj Brojës, besohet se West Hamit do t’i bashkohen skuadrat si Napoli, Everton, Newcastle United dhe Southampton në garën për nënshkrimin e sulmuesit shqiptar.

Up Next

La Napolin pas tetë vitesh, Koulibaly shpjegon pse kaloi te Chelsea

Don't Miss

Kampionati Evropian për femra, super ndeshje mes Anglisë dhe Spanjës

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

14 hours ago

May 17, 2025

Albina Zeneli

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

3 days ago

May 14, 2025

Albina Zeneli

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Sport

Xabi Alonso, së shpejti trajner i Real Madridit

Published

5 days ago

May 12, 2025

Albina Zeneli

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Sport

Legjenda e mundjes Sabu vdes në moshën 60 vjeçare

Published

5 days ago

May 12, 2025

Albina Zeneli

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.