Lajmet

Oda e parë e çikave, samiti F’Oda sjellë së bashku gra e vajza nga e gjithë Kosova në Kampusin e UBT-së

Ky samit është ideuar nga një grup të rejash profesioniste shqiptare në diasporë.

Published

on

Samiti F’Oda, konferenca novatore për fuqizimin e grave dhe vajzave në vend, pritet të sjellë së bashku liderë, sipërmarrëse e personalitete të profileve të ndryshme, me datë 15 Korrik në Kampusin e UBT-së.

Në komunikatë thuhet se ky samit është ideuar nga një grup të rejash profesioniste shqiptare në diasporë të frymëzuara të realizojnë misionin e tyre – për vajzat, nga vajzat.

“Vajza që i sjellin ekspertizën e tyre nga prapavi si studimet ndërkombëtare, politikën, ekonominë, gazetarinë, shëndetin publik global, fotografinë, artit skenik, teologjinë dhe avokimin”, thuhet në njoftim.

Gjithçka nisi me konceptin e odës tradicionale shqiptare e cila ka qenë dhe vazhdon të jetë një hapësirë fizike ku gratë dhe vajzat vazhdojnë të jenë të përjashtuara. Hapësirë kjo ku vetëm burrave dhe djemve të shoqërisë iu dha privilegji për të hyrë dhe dera u mbyll për gjininë femërore.

Themelueset e Samitit F’Oda po synojnë të krijojnë një hapësirë të tillë për gra dhe vajza duke organizuar odën e parë për femra ku ato jo vetëm që do të amplifikohen, por do të dëgjohen dhe vlerësohen.

“Një hapësirë ku vajzat e reja të Kosovës do të mësojnë rëndësinë e motërzimit shqiptar nga vendasja tek ajo e diasporës, fuqia e një hapësire të përbashkët për të transferuar njohuritë midis dy grupeve dhe, në fund të fundit, të fuqizojnë njëra-tjetrën”, thuhet në njoftim.

F’Oda iu dedikohet vajzave të shkollave të mesme duke iu siguruar një hapësirë për të mësuar rreth kompleksitetit të pabarazisë gjinore në Kosovë.

Bëhet e ditur se samiti do të mbulojë një gamë të gjerë temash, duke përfshirë vajzën fuqizimi, edukimi seksual, punëtoritë e karrierës dhe shumë më tepër.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara