Lajmet

​Octopus jep dhjetë arsye pse dinari nuk duhet të jetë i vlefshëm në Kosovë në formë të paligjshme

Kosova e ka marrë këtë vendim si pjesë e masave gjithëpërfshirëse për parandalimin e krimit.

Publikuar

3 muaj më parë

më

Hulumtuesi në Institutin Octopus, Gurakuç Kuçi ka renditur dhjetë arsye se pse dinari nuk duhet të jetë i vlefshëm në Kosovë në formë të paligjshme.

Sipas tij, Kosova e ka marrë këtë vendim si pjesë e masave gjithëpërfshirëse për parandalimin e krimit dhe i njëjti ka për qëllim kontrollin më të mirë të parasë dhe parandalimin e financimit të terrorizmit, siç është rasti i terroristëve në Banjska.

“Me kufizimin e pagesave në valuta të tjera, si dinari në këtë rast, Serbia përballet me vështirësi më të mëdha në financim, jo të pamundura, por jo aq lehtë sa më parë. Shumë kanale financimi ishin të hapura dhe ky vendim ndihmon në frenimin e aktiviteteve të tilla”, ka shkruar ai në X.

Shkrimi i plotë i tij:

Dhjetë arsye pse dinari nuk duhet të jetë i vlefshëm në Kosovë në formë të paligjshme:

1. Bota aktualisht po përjeton paqëndrueshmëri, me përplasje që përshkallëzohen dita-ditës. Sfera e ndikimit të Rusisë po përdor metoda jokonvencionale për të nxitur destabilitet. Lufta hibride përmes sistemit monetar është tashmë e dukshme, me Rusinë që financon terrorizmin përmes një monedhe që nuk kontrollohet as nga Perëndimi dhe as nga Kosova, që ndodh përmes parave cash dinar. Kina po infiltron gjithashtu përmes Iniciativës ‘Belt and Road’ (BRI).

2. Vendimi bie në kuadrin e ligjeve të Republikës dhe është çështje e brendshme. Ajo kurrë nuk ka qenë pjesë e dialogut dhe përpjekja për ta bërë këtë tani do favorizonte Serbinë në destabilizimin e Ballkanit përmes përdorimit të luftës hibride.

3. Kosova e ka marrë këtë vendim si pjesë e masave gjithëpërfshirëse për parandalimin e krimit. Së fundmi, ajo ndaloi përdorimin e monedhës 500 euro, që hyri në fuqi nga 1 shkurti dhe ka ndërmarrë hapa kundër shpërndarjes masive të monedhave të falsifikuara, të cilat potencialisht mund të futen në treg nga Serbia përmes luftës hibride.

4. Vendimi për të pasur vetëm një monedhë në përdorim në Kosovë ka për qëllim kontrollin më të mirë të parasë dhe parandalimin e financimit të terrorizmit, siç është rasti i terroristëve në Banjska. Me kufizimin e pagesave në valuta të tjera, si dinari në këtë rast, Serbia përballet me vështirësi më të mëdha në financim, jo të pamundura por jo aq lehtë sa më parë. Shumë kanale financimi ishin të hapura dhe ky vendim ndihmon në frenimin e aktiviteteve të tilla.

5. Përdorimi i një monedhe të vetme mund të sjellë stabilitet ekonomik, duke e bërë menaxhimin dhe kontrollin e parave më të drejtpërdrejta.

6. Menaxhimi i inflacionit, deflacionit dhe rritjes ekonomike bëhet më efektiv

7. Menaxhimi me një monedhë të vetme lejon transparencë dhe mbikëqyrje më të mirë financiare, duke ndihmuar në luftimin e korrupsionit dhe aktiviteteve kriminale

8. Përdorimi i një monedhe të vetme ndihmon në uljen e evazionit fiskal, pasi një monedhë e përbashkët thjeshton monitorimin dhe raportimin e transaksioneve

9. Ky vendim mund të rrisë besimin e investitorëve në stabilitetin ekonomik duke parandaluar ndërhyrjet në valutë

10. Ky vendim mundëson që dinari të humbë edhe më shumë besimin e rremë që ka krijuar në lidhje me përdorimin e tij si monedhë.

Etiketa
Vazhdo të lexosh

Lajmet

Pezullimi i armëve nga SHBA për Izraelin nuk do të ketë ndikim në operacionet e Izraelit në Rafah

Publikuar

6 orë më parë

më

11 Maj, 2024

nga

Elijah Magnier, një analist ushtarak dhe politik, thotë se masa e presidentit amerikan, Joe Biden për të kufizuar disa armë në Izrael nuk do të ndryshojë strategjinë e kryeministrit izraelit, Benjamin Netanyahu në Rafah.

“Kjo nuk do të ndryshojë asnjë nga planet e Netanyahut për të pushtuar Rafahun”, tha Magnier për Al Jazeera.

“Përkundrazi, do t’i japë atij kohë të mjaftueshme për të kaluar më shumë kohë në Rafah dhe për të ecur shumë ngadalë për t’u siguruar që kjo luftë do të zgjasë sa më gjatë të jetë e mundur”, shtoi ai.

Magnier shtoi se pauza e armëve amerikane është e parëndësishme sepse zbatohet vetëm për “bombat inteligjente, jo bombat memece, të cilat Izraeli i ka mjaft dhe i ka përdorur për shtatë muajt e fundit”./UBTNews/

Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

1 ditë më parë

më

10 Maj, 2024

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

1 ditë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

1 ditë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Të kërkuara