Lajmet

OBSH: Të plagosurit pushtojnë spitalet e mbetura të Gazës

“Pesë ose gjashtë mjekë ose infermierë po trajtojnë qindra pacientë në ditë”, tha koordinatori i ekipit mjekësor të urgjencës, Sean Casey.

Published

on

Spitalet e mbetura të Gazës nuk mund të përballojnë numrin e të plagosurve, tha një ekspert shëndetësor i urgjencës së Organizatës Botërore të Shëndetësisë (OBSH).

Ministria e Shëndetësisë në Gaza vlerëson se mbi 60 mijë njerëz janë plagosur që nga fillimi i luftës.

“Pesë ose gjashtë mjekë ose infermierë po trajtojnë qindra pacientë në ditë”, tha koordinatori i ekipit mjekësor të urgjencës, Sean Casey.

“Aq shumë pacientë kishte të shtrirë në dysheme saqë mezi mund të lëviznit pa ua shkelur duart apo këmbët dikujt”, deklaroi Casey.

Sipas tij, spitali Al-Shifa, dikur spitali kryesor i Gazës me 700 shtretër, po trajton vetëm viktimat e traumave urgjente dhe është i mbushur me mijëra njerëz që kanë ikur nga shtëpitë e tyre dhe tani jetojnë në dhoma operacioni, korridore dhe shkallë.

Historikisht Gaza kishte një sistem të fuqishëm shëndetësor me 36 spitale, 25 mijë punonjës shëndetësorë dhe shumë specialistë, por 85% e popullsisë 2.3 milionë banorëshe janë zhvendosur, në mesin e tyre edhe punonjës shëndetësorë, mjekë, infermierë, kirurgë dhe personeli administrativ.

Sipas OBSH-së, vetëm 15 nga 36 spitale funksionojnë, dhe të gjitha këto funksionojnë vetëm pjesërisht./UBTNews/

Lajmet

Durkee vazhdon sot dëshminë në Hagë

Published

on

Gjykimi ndaj ish-presidentit Hashim Thaçi dhe të tjerëve po vazhdon edhe sot në Dhomat e Specializuara në Hagë, ku Michael Durkee, ish-këshilltari i Wesley Clark, vazhdon dëshminë e tij.

Ish-këshilltari politik i Clarkut në gjykimin ndaj ish-krerëve të Ushtrisë Çlirimtare të Kosovës, tha të mërkurën se në kohën kur kishte ndodhur takimi mes tyre dhe Hashim Thaçit në mars ose prill të 1999-ës në Mons të Belgjikës, nuk e dinin se cilat ishin kapacitete e UÇK-së.

Në dokumentin që iu prezantua dëshmitarit, thuhej se në atë takim ishin Hashim Thaçi, Ramë Buja, Jakup Krasniqi, Xhavit Haliti, Azem Syla, Blerim Shala, Edita Tahiri, Mehmet Hajrizi, Fehmi Agani dhe Gjergj Dedaj.

Dëshmitari tha se i njeh të gjithë këta emra, por që vetëm Thaçin dhe Jakup Krasniqin e kishte takuar.

“Të gjithë ata emra unë i njoh në kuptimin që jo si persona që i kam parë ose takuar vetë. Personat që i kam takuar personalisht kanë qenë zoti Thaçi dhe Krasniqi dhe emrat tjerë janë thjesht të dëgjuar dhe jo të takuar”, tha Durkee.

Për tre ditë në këtë proces ka dëshmuar ish-ambasadori amerikan në Beograd, Christopher Hill si i  ftuar i radhës nga mbrojtja e ish-presidentit Thaçi.

Sipas njoftimit, seanca ka filluar nga ora 09:00 e do të vazhdojë deri në ora 16:30./S.K/EO/

Continue Reading

Lajmet

Trump nënshkruan projektligjin për rihapje të Qeverisë amerikane

Published

on

Presidenti amerikan, Donald Trump e ka nënshkruar projektligjin për rihapjen e Qeverisë dhe përfundimin e mbylljes së saj më të gjatë në historinë e Shteteve të Bashkuara.

Ai e ka nënshkruar dokumentin për të financuar Qeverinë deri në fund të janarit, pasi atë e kanë miratuar Dhoma e Përfaqësuesve dhe Senati.

Në Zyrën Ovale, Trump ka thënë se Qeveria do t’i rinisë operacionet normale, pasi njerëzit janë dëmtuar aq keq nga mbyllja 43-ditore.

Shumë shërbime qeveritare janë pezulluar prej tetorit dhe rreth 1.4 milion punëtorë federalë kanë qenë në pushim pa pagesë, ose kanë punuar pa paga.

Edhe ndihmat për personat me të ardhura të ulëta ishin pezulluar, si dhe trafiku ajror ishte çrregulluar, me fluturime të anuluara apo të shtyra.

Shërbimet qeveritare pritet të rikthehen në ditët në vijim, ndërsa situata në trafikun ajror pritet të stabilizohet para Festës së Falënderimeve, kur shumë amerikanë kthehen në shtëpi.

Presidenti Trump e ka fajësuar vazhdimisht Partinë Demokratike për mbylljen e Qeverisë.

“Ata e kanë bërë këtë për arsye të pastra politike. Kur të afrohen zgjedhjet për Kongres dhe gjërat tjera, mos e harroni çfarë i kanë bërë shtetit tonë”, ka thënë ai.

Demokratët dhe republikanët nuk janë pajtuar me javë për paketën e financimit të Qeverisë, mirëpo të dielën tetë demokratë janë shkëputur nga linja partiaake dhe kanë ndihmuar në miratimin e projektligjit për hapje të Qeverisë./S.K/EO/

Continue Reading

Lajmet

Rama për takimin me Qeverinë Meloni: Ditë historike do të nënshkruhen 16 marrëveshje

Published

on

Italia dhe Shqipëria do të zhvillojnë sot një samit të përbashkët në Romë, ku pala italiane shpjegon se organizimi i një samiti ndërqeveritar me Tiranën shërben për të mundësuar një bashkëpunim cilësor dypalësh, përmes planifikimit që do të përfshijë një dimension më të gjerë, më të strukturuar dhe strategjik të marrëdhënieve dypalëshe.

Kryeministri i Shqipërisë, Edi Rama i ka bërë jehonë takimit mes Qeverisë shqiptare dhe asaj italiane, teksa e cilëson mbledhjen e përbashkët si një tjetër ditë historike në marrëdhëniet ndërkombëtare të Shqipërisë duke shtuar se gjatë takimit pritet të nënshkruhen 16 marrëveshje që do të forcojnë më tej partneritetin mes dy vendeve.

“Me krenarinë për një tjetër ditë historike në marrëdhëniet ndërkombëtare të Shqipërisë, mbledhjen e parë të përbashkët mes dy qeverive, e cila zhvillohet në Romë për t’i hapur rrugë 16 marrëveshjeve të reja konkrete të bashkëpunimit në kuadër të partneritetit të ngushtë strategjik me fqinjin tonë të çmuar perëndimor, ju uroj një ditë të mbarë”, shkruan Rama.

Takimi do të mbahet në Villa Pamphili, duke nisur në orën 11:30, dhe do të drejtohet nga Kryeministrja e Italisë, Giorgia Meloni, dhe Kryeministri i Shqipërisë, Edi Rama.

Ky është samiti i parë i këtij niveli midis qeverive të dy vendeve, që synon forcimin e partneritetit strategjik mes Romës dhe Tiranës, me fokus në tre fusha kryesore: mbrojtjen, industrinë dhe emigracionin./S.K/EO/

Continue Reading

Lajmet

Shqipëria luan sonte ndaj Andorrës në Kualifikueset e Botërorit 2026

Published

on

Kombëtarja e Shqipërisë do të luajë sonte në stadiumin “FAF” të Andorrës, ndeshjen e vlefshme për kualifikueset e Kupës së Botës 2026 në ora 20:45.

Trajneri i Kombëtares, Silvinjo ka grumbulluar 25 futbollistë për dy ndeshjet e fundit kualifikuese të Kupës së Botës 2026, ndaj Andorrës dhe Anglisë.

Ndeshja e mbrëmjes së sotme do të arbitrohet nga Horatiu Fesnic.

Asistentë të Fesnic do të jenë Valentin Avram dhe Alexandru Cerei. Arbitër i katërt është caktuar Rares Vidican. Në sallën e VAR-it, gjithashtu do të jenë rumunë: Ovidiu Haţegan në rolin e arbitrit kryesor të teknologjisë dhe Adrian Costreie si ndihmës i tij.

Kombëtarja shqiptare renditet aktualisht në vendin e dytë me 11 pikë në grupin K dhe një fitore ndaj Andorrës dhe humbja e Serbisë ndaj Anglisë në Londër, do të sillte kualifikimin në play-off./S.K/EO/

Continue Reading

Të kërkuara