Aktualitet
OAK kërkon eliminimin e barrierave si pengesë e eksportit
Published
4 years agoon
By
Betim GashiObligimi i bizneseve që kanë numër të madh të artikujve që për çdo lloj të produktit, edhe pse kanë përbërjen e njejtë, por dallojnë në peshë t’i kërkohet raporti i analizave me vulë të njomë, si pjesë e eliminimit të barrierave tregtare si dhe procedurat burokratike, ishin disa nga pikat kyçe të cilat u diskutuan në takimin mes Odës së Afarizmit të Kosovës (OAK) dhe Autoritetit Kombëtar të Ushqimit në Shqipëri.
Në kuadër të këtij takimi u diskutuan kërkesat e bizneseve prodhuese të produkteve ushqimore që të mos kërkohet Raporti i Analizës për produktet, në rastin kur produkti është i njëjtë, mirëpo ndryshon vetëm në gram apo në formë, meqenëse kjo gjë jo vetëm që po iu merr kohë, por ka edhe kosto shtesë financiare, përderisa gjatë eksportit në vendet e tjera kërkohet vetëm certifikata e cilësisë.
Pra të mos ketë nevojë të bëhen analizat për të gjitha produktet, por Raporti i Analizës së njërës të vlejë edhe për produktet tjera me përbërje të njëjtë. Kjo do të ndikonte në kursim të shpenzimeve, por edhe të kohës për palët, u tha ndër të tjera në takim.
Me këtë rast OAK theksoi se sfidat me të cilat prodhuesit e produkteve ushqimore të Kosovës po përballen gjatë bashkëpunimit me Shqipërinë, lirisht mund të themi që nuk i hasin me asnjë nga shtetet tjera në të cilat eksportojnë, madje kritere të tilla nuk u kërkohen as edhe nga shtetet anëtare të Bashkimit Evropian, andaj një gjë e tillë po vështirëson operimin e bizneseve jashtë vendit.
Gjatë këtij takimi Drejtori i Agjencisë së Ushqimit dhe Veterinës (AUV) në Kosovë theksoi që barriera të tilla nuk aplikohen për bizneset nga Shqipëria, andaj është e rëndësishme që vendet tona të thjeshtësojnë sa më shumë procedurat dhe krijojnë lehtësira gjatë bashkëpunimit. Ambasadori i Kosovës në Shqipëri Nait Hasani, theksoi që është e domosdoshme që marrëveshjet e nënshkruara mes Kosovës dhe Shqipërisë të ratifikohen në Kuvendin e Shqipërisë, në mënyrë që të zbatohen me përpikëri dhe të tejkalohen burokracitë e panevojshme.
Ndërsa, Zëdhënësi i AUV, Lamir Thaçi shpalosi në detaje marrëveshjet e nënshkruara mes Kosovës dhe Shqipërisë, e të cilat nuk po zbatohen në praktikë, duke theksuar që operatorët ekonomik po hasin në vështirësi për shkak të këtij fakti.
Në këtë takim gjithashtu pjesëmarrës ishin edhe përfaqësuesit nga bizneset: Artidon Gashi nga Egi Group dhe Adnan Ibrahimi nga Silca Group të cilët shpalosën rastet konkrete me të cilat ballafaqohen gjatë eksportit të produkteve ushqimore në Shqipëri, duke kërkuar përkrahje dhe lehtësira në këtë drejtim.
Në këtë takim morën pjesë Skënder Krasniqi- Kryetar i bordit, Diamant Elshani-Seketar i bordit, Hysni Zogaj- Anëtar i bordit, Nait Hasani – Ambasadori i Kosovës në Shqipëri, Qëndresa Ibrahimi- Koordinatore, Blinera Shkodra-Zyrtare Administrative, Naser Krasniqi – Drejtor Ekzekutiv në AUV, Lamir Thaçi – Zëdhënës i AUV dhe bizneset Artidon Gashi-Egi Group dhe Adnan Ibrahimi-Silca Group.
Bota
Sërish lëkundje të forta tërmeti në Greqi, ja ku ishte epiqendra
Published
26 minutes agoon
January 22, 2025By
UBT NEWSNjë tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.
Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.
Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/
Bota
Shpërthim në një minierë në Poloni, plagosen 16 punëtorë
Published
36 minutes agoon
January 22, 2025By
UBT NEWSNjë shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/
Bota
Emmanuel Macron u bën thirrje vullnetarëve të rinj për të ‘përforcuar’ ushtrinë franceze
Published
45 minutes agoon
January 22, 2025By
UBT NEWSPresidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.
Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.
Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/
Bota
Trump: Nëse Elon Musk do të blejë TikTok-un e mirëpres këtë vendim pozitiv
Published
55 minutes agoon
January 22, 2025By
UBT NEWSPresidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.
Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.
Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.
Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.
Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/
Abdixhiku pas takimit me Hargreaves: Kosova do të rikuperojë pozicionin e saj ndërkombëtar
Sërish lëkundje të forta tërmeti në Greqi, ja ku ishte epiqendra
Shpërthim në një minierë në Poloni, plagosen 16 punëtorë
Emmanuel Macron u bën thirrje vullnetarëve të rinj për të ‘përforcuar’ ushtrinë franceze
Trump: Nëse Elon Musk do të blejë TikTok-un e mirëpres këtë vendim pozitiv
Huamarrja në Mbretërinë e Bashkuar arrin nivelin më të lartë në katër vjet
Scholz dhe Macron takohen pas kthimit të Trump në Shtëpinë e Bardhë
Haradinaj takon Serwer: Kosova të rikthehet në partneritetin strategjik me aleatë
111 vjet nga dorëheqja e Ismail Qemalit si kryeministri i parë i Shqipërisë
Të kërkuara
-
Bota3 months ago
Trump premton paqe në Liban nëse rikthehet në Shtëpinë e Bardhë
-
Bota3 months ago
Koreja e Veriut rrit frikën në botë, lëshon raketën e re balistike ndërkontinentale
-
Bota2 months ago
“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months ago
Rektori Hajrizi: Çdo sukses i joni është një sukses për Kosovën!