Lajmet

Nxirren pjesët e Titan, gjenden edhe mbetje të dyshuara njerëzore

Shpërthimi i Titanit i mori jetën pesë pasagjerëve të cilët ishin në bordin e saj.

Published

on

Mbetje të supozuara njerëzore janë gjetur brenda rrënojave të nëndetëses Titan e cila shpërtheu në thellësi të ujërave të Atlantikut gjatë një eksplorimi drejt anijes së fundosur Titanik.

BBC, duke cituar Rojën Bregdetare të Shteteve të Bashkuara të Amerikës, raporton se mes rrënojave që kanë nxjerrë në sipërfaqe dyshohet se ka edhe mbetje njerëzore.

Shpërthimi i Titanit i mori jetën pesë pasagjerëve të cilët ishin në bordin e saj ndërsa kanë nisur hetimet për të kuptuar se çfarë ka ngjarë në të vërtetë.

Profesionistët mjekësorë amerikanë do të kryejnë një analizë zyrtare të këtyre mbetjeve të supozuara njerëzore, citohet Roja Bregdetare amerikane.

Roja Bregdetare ka ngritur dhe një Bord Hetimor Detar (MBI) e cila do të transportojë të gjitha pjesët e nëndetëses në një port amerikan për analiza dhe testime të mëtejshme.

Megjithatë, zyrtarë të MBI thanë se ka shumë punë për të bërë për të përcaktuar se çfarë e shkaktoi shpërthimin dhe që një tragjedi e tillë të mos përsëritet.

Titan u zhduk më 18 qershor afër fundit të oqeanit vetëm një orë e 45 minuta pasi u zhyt në Atlantikun e Veriut.

Ekspertët thanë se viktimat, duke përfshirë tre britanikë – miliarderi Hamish Harding, biznesmeni Shahzada Dawood dhe djali i tij 19-vjeçar Suleman, vdiqën sapo ajo shpërtheu.

Gjithashtu në mesin e viktimave ishte eksploruesi francez 77-vjeçar Paul-Henri Nargeolet dhe CEO i OceanGate, Stockton Rush, i cili drejtonte turneun e Titanikut.

Lajmet

Plagosja e mbrëmshme në Prishtinë dyshohet se është kryer nga dy të dyshuar

Published

on

By

Një person dyshohet se është plagosur me armë zjarri mbrëmjen e së mërkurës nga dy të dyshuar në Prishtinë.

Në raporti  24 orësh të Policisë, thuhet se rasti ka ndodhur rreth orës 20:40 dhe u iniciua si “Vrasje në tentativë”, raporton “Betimi për Drejtësi“.

Prishtinë / 23.04.2025 – 20:40. Raportohet se viktima mashkull kosovar është plagosur me armë të zjarrit nga dy të dyshuar meshkuj kosovarë. Viktima është dërguar në QKUK për tretman mjekësor. Rasti është duke u hetuar”, thuhet në njoftim.

Continue Reading

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Të kërkuara