Lajmet

Nushi: Komuna e Prishtinës e gatshme për vaksinim masiv

8 ekipe do të shpërndahen në pesë QMF.

Published

4 years ago

June 14, 2021

Betim Gashi

Komuna e Prishtinës është e gatshme për vaksinim masiv të qytetarëve, kështu ka thënë në një intervistë për Ekonomia Online, nënkryetari Muhedin Nushi.

Tutje, ai tha se komuna me 5 ekipe është duke e ndihmuar ministrinë e Shëndetësisë për vaksinim, duke shtuar se janë të përgatitur që t’i shpërndajnë në 5 qendra të mjekësisë familjare edhe 18 ekipe të tjera.

“Komuna e Prishtinës edhe tash e ndihmon nivelin qeveritar me vaksinim në qendrën e sporteve me 5 ekipe të veta. Jemi me 5 ekipe çdo ditë prezent me vaksinimin e qytetarëve. Ne jemi të gatshëm për vaksinimi dhe jemi të gatshëm t’i vaksinojmë deri 2000 qytetar gjatë ditës. Ne jemi të përgatitur që t’i shpërndajmë në 5 qendra të mjekësisë familjare për vaksinimi të qytetarëve”.

“18 ekipe i kemi të përgatitura për vaksinim masiv i cili pritet shumë shpejt të funksionalizohet duke pasur parasysh që veç është nënshkruar marrëveshja për ardhjen e 1.2 milion vaksinave Pfizer prandaj komuna është e gatshme për vaksinim”.

Sipas tij, të regjistruara në skemën sociale janë 1 562 janë familje, duke theksuar se secila që ka qenë e infektuar këtij viti është ndihmuar me pako ushqimore dhe me pako higjienike.

“Të regjistruara në skemën sociale janë 1 562 janë familje, por edhe gjatë vitit të kaluar ka pasur rritje të këtij numri. Prej muajit mars deri në muajin qershor ka pasur rritje dhe i kemi ndihmuar gjatë vitit të kaluar rreth 3 200 familje. Na pako ushqimore dhe higjienike. Ndërsa gjatë këtij vitit kemi vazhduar me të gjitha ato familje të cilat janë në skemën sociale”.

“Prandaj secila familje që ka qenë e infektuar dhe nuk ka qenë në skemën social edhe gjatë këtij viti është ndihmuar me pako ushqimore dhe me pako higjienike. Prandaj jemi në gjendje t’i dalim në krah secilës familje që mos të kemi probleme së paku sociale në këtë aspekt”, tha ai.

Megjithatë ai tha se 4 941 biznese kanë qenë përfituese të pakos 5 milionë euro dhe se deri më tani kanë pagur për 3 500 biznese mbi 3.5 milionë euro.

Mes tjerash, nënkryetari Nushi theksoi se subvencionimi do të përfundojë me 25 qershor, raporton EO.

“Bizneset janë ndihmuar me pako 5 milionë euro gjatë vitit të kaluar. Aktualisht prej pakos 5 milionë jemi në përfundim të realizimit të komplet pakos. Ekipi është i caktuar të punojë edhe shtunën dhe të dielën dhe kjo është një prej prioriteteve të komunës së Prishtinës. Janë subvencionuar 3 467 biznese, ata subvencionohen me shumë 600 euro nëse biznes mikro dhe 1 300 euro nëse është biznes i vogël. 4 941 biznese kanë qenë përfituese të pakos 5 milionë euro dhe deri më tani i kemi pagur për 3 500 biznese mbi 3.5 milionë euro”.

“Ky subvencionim do të përfundojë me 25 qershor. Ne jemi duke i ndihmuar edhe tash çdo familje që lajmërohet në pako ushqimore dhe higjienike i merr ato pako. Normal që mund të keltë vonesa për nuk ka mbetur ndonjë familje e cila ka pasur kërkesë dhe e cila nuk ka marrë pako. Sa i përket bizneseve me pako tjera a do t’i ndihmojmë varet nga situatat që do të krijohet në të ardhmen edhe pse nuk presim ndonjë përkeqësim të situatës në muajin qershor dhe korrik. Por nëse vjen deri te përkeqësimi i situatës edhe ne do të ndërmarrim masa pa marrë parasysh që është koha e fushatave elektorale dhe është koha e zgjedhjeve lokale”.

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

1 day ago

June 28, 2025

UBTNews

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

përmes platformës elektronike të KQZ-së në https://qv.kqz-ks.org
ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Lajmet

Serbët festojnë Vidovdanin mes masave të shtuara të Policisë së Kosovës

Published

1 day ago

June 28, 2025

UBTNews

Grupe serbësh janë drejtuar për në Graçanicë për të nisur festimet e atij që njihet si Vidovdan. Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Lajmet

PDK me kërkesë të qartë, zhbllokimi i Kuvendit sipas Kushtetueses

Published

1 day ago

June 28, 2025

UBTNews

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

1 day ago

June 28, 2025

UBTnews

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.