Lajmet

Nuk u prit nga Kurti në Kosovë, Rama: Kam dashur takim që t’i përcjell disa shqetësime

Ai la sërish të hapur mundësinë për takim.

Published

2 years ago

on

Kryeministri i Shqipërisë, Edi Rama ka reaguar lidhur me qëndrimin e homologut të tij, Albin Kurti, i cili nuk e priti në takim gjatë vizitës në Kosovë në kuadër të turit Ballkanik.

Në intervistën për Klan Kosova Rama la sërish të hapur mundësinë për takim, teksa tha se është e rëndësishme të flasin dhe të takohen, edhe kur kanë mendime të ndryshme.

Teksa tha se nuk mund të interpretojë qëndrimet e Albin Kurtit, kryeministri Edi Rama tha se ka dashur edhe më herët një takim me Kurtin, pas anulimit mes dy qeverive, por nuk është zhvilluar për shkak të impenjimeve të kryeministrit të Kosovës.

“Nuk kam ardhur me mision të interpretoj qëndrimin e Albinit, gjëja më e rëndësishme sot është që njerëzit të takohen flasin dhe për më tepër kur kanë qëndrime të ndryshme, sepse duke u takuar dhe folur mbase kuptojnë më mirë njëri tjetrin. Jam përpjekur të komunikoj, por ka qenë e vështirë. Është një moment i tillë dhe nuk dua të jap gjykim. Ka dhe një keqkuptim sikur anulimi i mbledhjes ka ardhur si pararendje e masave të BE, në fakt e kundërta. Kam dashur takim që t’i përcjell disa shqetësime dhe kam dashur që të lehtësoj pozicionin e Kosovës. E kam kërkuar nga Borrell duke i kërkuar që të shtyjë disa ditë nxjerrjen e masave në një përpjekje për të kuptuar situatën dhe palët. S’ka qenë e mundur për ta bërë takimin se Albini ka qenë shumë i zënë, punë të tjera që nuk ka qenë i disponueshëm. Ja kam thënë që ne nuk mundet dot të sillemi sikur asgjë nuk po ndodh dhe të bëjmë një mbledhje sikur çdo gjë shkon për mrekulli”, tha Rama, trasmeton Top Channel. 

Related Topics:
Continue Reading

Lajmet

OKB: Ruajtja e armëpushimit në Gaza është jetike për të ofruar ndihma dhe për të shpëtuar jetë

Published

6 minutes ago

on

October 22, 2025

By

Mbajtja e armëpushimit në Gaza është thelbësore për ofrimin e ndihmës humanitare që shpëton jetë në territor kanë thënë Kombet e Bashkuara, duke përsëritur një thirrje për hapjen e të gjitha kalimeve kufitare.

“Ruajtja e armëpushimit është jetike; në të vërtetë është e vetmja mënyrë që mund të shpëtojmë jetë. E dimë që është një armëpushim i brishtë; gjëja më e rëndësishme është që të zgjasë”, tha Abeer Etefa, zëdhënëse e Programit Botëror të Ushqimit të OKB-së për Lindjen e Mesme.

Etefa tha se që nga hyrja në fuqi e armëpushimit, 530 kamionë të WFP-së kishin kaluar në Gaza, duke sjellë më shumë se 6,700 ton ushqim, të cilat ajo tha se ishin të mjaftueshme për gati gjysmë milioni njerëz për dy javë.

Ajo shtoi se WFP nuk kishte parë plaçkitje të konvojeve të saj që nga armëpushimi dhe se tani ka 26 pika shpërndarjeje ushqimesh të hapura në Gaza nga pesë të premten, por ende shumë më pak se 145 që shpreson të ketë në të gjithë territorin.

“Njerëzit po shfaqen në numër të madh” në pikat e shpërndarjes, tha Etefa.

Ajo tha se vetëm kalimet kufitare Kerem Shalom dhe Kissufim ishin të hapura, por bëri thirrje që të hapet çdo pikë hyrjeje në territorin palestinez, veçanërisht ato në veri, ku situata e ushqimit është jashtëzakonisht e rëndë.

“Nuk kemi një tregues se kur do të hapen ato pika kufitare”, tha ajo, duke shtuar: “Nuk kemi arritur në pikën ku Gaza është e përmbytur me ushqim”, përfundoi ajo./S.K/EO/

Continue Reading

Lajmet

Parashikimi i motit

Published

9 minutes ago

on

October 22, 2025

By

Sot në Kosovë do të mbaj mot kryesisht i vranët dhe me reshje lokale shiu.

Instituti Hidrometeorologjik i Kosovës bën të ditur se temperaturat minimale pritet të sillen nga 8 deri 10 gradë Celcius, kurse ato maksimale nga 13 deri 16 gradë Celcius.

Era do të fryjë kryesisht nga jugperëndimi me shpejtësi 1–7 m/s./S.K/UBTNews/

 

Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

15 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

15 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Të kërkuara