Kulturë

Nuk keni energji?

6 arsye përse ju duhen karbohidrate çdo ditë.

Published

5 years ago

October 22, 2021

Betim Gashi

Karbohidratet mund të jenë të thjeshta (si tek ushqimet e bëra me miell të bardhë ose sheqer të shtuar) ose komplekse (si tek perimet, frutat dhe drithërat). Karbohidratet e thjeshta treten më shpejt dhe shkaktojnë një rritje më të madhe të sheqerit në gjak. Ndërsa karbohidratet komplekse absorbohen më ngadalë dhe kanë një efekt më të vogël në rritjen e sheqerit në gjak. Karbohidratet e thjeshta, janë llojet e karbohidrateve që mund të çojnë në shtim në peshë, inflamacion, lodhje, ndryshime humori dhe sëmundje kronike.

E kundërta është e vërtetë për karbohidratet komplekse. Ato janë të pasura me fibra dhe mund të ndihmojnë në uljen e peshës dhe inflamacionit në trup. Përpjekja për t’i kufizuar ato, mund të ketë disa efekte negative në shëndetin tuaj, të cilat ndoshta nuk i prisni. Ju njohim me gjashtë shenjat që tregojnë se ju nuk po konsumoni mjaftueshëm karbohidrate.

Mund të keni shqetësime në sistemin tretës
Drithërat, frutat dhe perimet, sigurojnë fibra që e mbajnë sistemin tuaj tretës të shëndetshem dhe bëjnë të mundur lëvizjen e zorrëve në mënyrë të rregullt. Mungesa e fibrave lidhet me shumë sëmundje të sistemit tretës, ndër to edhe me sindromën e zorrëve të irrituara. Simptomat përfshijnë ngërçet e barkut, fryrje dhe kapsllëk ose diarre.

Jeni të uritur gjatë gjithë kohës
Nëse ndiheni ende i uritur pas një vakti, ju mund të keni nevojë për më shumë karbohidrate në tryezën tuaj. Moskonsumimi i mjaftueshëm i karbohidrateve mund të shkaktojë uri. Ndërsa vaktet e ekuilibruara me karbohidrate, proteina dhe yndyrë, ndihmojnë me reduktimin e urisë.

Keni uri të shtuar gjatë natës
Kur kufizoni ushqimet e pasura me karbohidrate gjatë gjithë ditës, ju me shumë mundësi vëreni një uri të shtuar gjatë natës. Në mënyrë që ju të mposhtni ndjenjën e urisë gjatë natës, duhet të konsumoni vakte ku të përfshihen karbohidratet komplekse.

Ndiheni nervoz
Mikrobioma e zorrëve, e cila përbëhet nga triliona baktere, është magjepsëse kur bëhet fjalë për shëndetin tuaj. Ajo që mund të mos kuptoni, është se kjo mikrobiomë (që ndikohet nga ushqimet që konsumoni) luan një rol në rregullimin e neurotransmetuesve të humorit si serotonina dhe dopamina. Karbohidratet komplekse stimulojnë prodhimin e hormonit të lumturisë, serotoninës. Lajmi i mirë është që trupi juaj mund të fillojë të krijojë një mikrobiotë të re të zorrëve brenda 24 orësh, vetëm duke ndryshuar atë që hani. Konsumoni ushqime të pasura me fibra, veçanërisht ato që janë burime të prebiotikëve, të cilët veprojnë si ushqim për bakteret e shëndetshme të zorrëve. Si për shembull bananet, mollët, preshi, tërshërëa dhe patatet e ëmbla.

Nuk keni energji
Karbohidratet janë burimi i preferuar i trupit tuaj për më shumë energji. Nëse nuk konsumoni mjaftueshë karbohidrate, truri juaj mund ta ketë të vështirë të përqëndrohet dhe ju të ndiheni të pafuqishëm.

Bëni gjumë të lehtë
Një studim i ri, zbuloi se nëse nuk kosumoni mjaftueshëm fibra, ju mund të bëni gjumë më të lehtë. I cili nuk ju rikuperon sa duhet dhe është më i çrregullt./AgroWeb

Lajmet

Ndahet nga jeta në moshën 86-vjeçare aktori i njohur britanik Sir Patrick Stewart

Published

1 day ago

October 30, 2026

UBTNews

Aktori i njohur britanik Sir Patrick Stewart, i shquar për rolet e tij ikonike si Kapiten Jean-Luc Picard në “Star Trek” dhe Profesor Charles Xavier në sagën “X-Men”, ka ndërruar jetë në moshën 86-vjeçare në shtëpinë e tij në Los Angeles. Njoftimi u bë i ditur përmes llogarisë së tij zyrtare në Instagram, ku u konfirmua se ai u ndaj nga jeta të mërkurën, më 28 tetor, pas një beteje të shkurtër me sëmundjen e Alzheimerit dhe demencën me trupat Lewy.

Në deklaratën zyrtare thuhet se Stewart u ndaj nga jeta i rrethuar nga bashkëshortja e tij, Sunny, si dhe familjarët e miqtë e ngushtë. Përveç karrierës së tij të bujshme në kinematografi dhe televizion, ai u vlerësua lart si një nga aktorët më të mëdhenj të skenës teatrale, fitues i dy çmimeve “Laurence Olivier” dhe një çmimi “Grammy”, ndërsa në vitin 2010 u dekorua me titullin “Kalorës” nga Mbretëresha Elizabeth II.

Karriera e tij e pasur përfshin dekada pune në teatër dhe film, ndërsa roli i tij i fundit i xhiruar do të shfaqet në filmin “Avengers: Doomsday”. Ndarja e tij nga jeta ka nxitur reagime të shumta dhe ngushëllime nga koleget, industria e artit dhe adhuruesit e tij në mbarë botën. /The Guardian/

Lajmet

“SARA” e Burim Halitit garon në festivalin ndërkombëtar në Milano

Published

2 days ago

October 29, 2026

UBTNews

Filmi dokumentar “SARA”, me regji nga Burim Haliti, është përzgjedhur në konkurrencën zyrtare të edicionit të 44-t të Festivalit Ndërkombëtar “SPORT MOVIES & TV 2026”, i cili po mbahet nga 30 tetori deri më 2 nëntor në Milano të Italisë.

Ky festival, i organizuar nga Federata Ndërkombëtare e Kinemasë dhe Televizionit Sportiv (FICTS), është i vetmi në këtë kategori i njohur zyrtarisht nga Komiteti Olimpik Ndërkombëtar (KOK). Ngjarja shërben si grand-finalja e rrjetit global “World FICTS Challenge”, që përfshin 27 festivale në pesë kontinente.

Shfaqja e dokumentarit të Halitit do të bëhet më 30 tetor, në orën 12:30, në “Cinema Centrale – Sala 2” në Milano. Përzgjedhja e filmit u realizua me mbështetjen e Komitetit Olimpik të Kosovës, i cili mundësoi dërgimin e tij për shqyrtim para jurisë prestigjioze ndërkombëtare. /A.K/

Lajmet

Bogujevci viziton përgatitjet për festivalin “Akordet e Kosovës”

Published

2 days ago

October 29, 2026

UBT News

Ministrja e Kulturës, Saranda Bogujevci, ka vizituar sallën “1 Tetori” në Prishtinë, ku po zhvillohen përgatitjet për edicionin e katërt të Festivalit të Këngës “Akordet e Kosovës”, që organizohet nga Radio Televizioni i Kosovës (RTK).

Gjatë vizitës, ajo ka parë nga afër skenografinë e realizuar nga Vesë Kraja dhe punën e ekipit organizues, vetëm dy ditë para nisjes së festivalit.

“Me një pjesë të ekipit të festivalit ‘Akordet e Kosovës’, duke parë nga afër përgatitjet dhe punën e mrekullueshme që po bëhet për festivalin, i cili nis këtë të premte në sallën ‘1 Tetori’”, ka shkruar Bogujevci në Facebook.

Ajo është pritur nga drejtoresha e përgjithshme e RTK-së, Zana Spahiu, drejtoresha e festivalit, Arta Avdiu, u.d. kryeredaktorja e RTK-së, Venera Xhoxhaj, si dhe punonjës të tjerë të transmetuesit publik.

Festivali i këtij viti do të zgjasë tri net, duke sjellë interpretime muzikore dhe artistë mysafirë. Një hapësirë e veçantë do t’u kushtohet edhe talenteve të reja përmes Festivalit të Fëmijëve, që do të mbahet më 1 nëntor.

Rikthimi i emrit historik “Akordet e Kosovës” synon të nderojë artistët që ndër dekada kanë kontribuar në zhvillimin e muzikës shqipe.

Organizatorët kanë paralajmëruar tri mbrëmje muzikore në Prishtinë, me synimin që festivali të sjellë para publikut artistë të njohur dhe zëra të rinj.

/A.K/

Lajmet

IKTK raporton rritje të të ardhurave dhe investimeve në trashëgiminë kulturore

Published

4 days ago

October 27, 2026

UBT News

Instituti Kombëtar i Trashëgimisë Kulturore (IKTK) ka publikuar të dhënat për nëntëmujorët e parë të viteve 2024, 2025 dhe 2026, duke evidentuar rritje të të ardhurave, investimeve dhe projekteve të konservimit e kërkimit arkeologjik.

Sipas të dhënave të institutit, të ardhurat janë rritur me 93 për qind krahasuar me vitin 2025, ndërsa investimet në pasurinë kulturore kanë shënuar rritje prej 400 për qind.

Edhe projektet e konservimit, restaurimit dhe kërkimit arkeologjik kanë shënuar rritje të ndjeshme. Numri i tyre është rritur me 282 për qind krahasuar me vitin 2024 dhe me 133 për qind në raport me vitin 2025.

Gjatë nëntë muajve të parë të vitit 2026, janë identifikuar 21 site të reja arkeologjike në disa zona të Shqipërisë, përfshirë Shkodrën, Lezhën, Lushnjën, Fierin, Korçën, Ersekën, Pogradecin, Divjakën dhe Sarandën.

Të dhënat tregojnë gjithashtu rritje prej 279 për qind të monitorimeve arkeologjike krahasuar me vitin 2025.

Në kuadër të forcimit të kuadrit rregullator, numri i akteve nënligjore të miratuara ka arritur në tetë gjatë vitit 2026. Ndërkohë, aktmarrëveshjet për monitorimin arkeologjik janë rritur me 32 për qind krahasuar me vitin 2025 dhe me 164 për qind në raport me vitin 2024.

Sipas IKTK-së, këto të dhëna pasqyrojnë zgjerimin e veprimtarisë në fushën e mbrojtjes, konservimit dhe studimit të trashëgimisë kulturore./atsh/A.K/