Sport

Nuk e ftoi Messin për ndeshjet e Argjentinës, flet trajneri Scaloni

Listës së mungesave i janë bashkuar edhe Rodrigo De Paul dhe Leandro Paredes.

Published

3 years ago

February 2, 2022

UBT news

Trajneri i Argjentinës, Lionel Scaloni, ka insistuar që ka ende ndeshje për të zhvilluar në kuadër të kualifikimit drejt Kampionatit Botëror “Katar 2022”, duke thënë se të gjithë lojtarët duhet të luftojnë për pozitë në formacionin startues përveç një lojtari.

Veçse e kualifikuar, Argjentina e mposhti me rezultat minimal 1:0 Kolumbinë, falë golit të sulmuesit Lautaro Martinez në minutën e 29’ të ndeshjes.

Scaloni nuk e ftoi në grumbullim yllin Lionel Messi për dy ndeshjet e fundit kualifikuese të Argjentinës për shkak të rastit të fundit me Covid-19, ndërkaq listës së mungesave i janë bashkuar edhe Rodrigo De Paul dhe Leandro Paredes.

“Ne e kishim mundësinë që të grumbullojmë më shumë lojtarë, por preferuam që mos të ekspozojmë lojtarët të cilët momentalisht nuk janë duke luajtur. Jo vetëm që na munguan lojtarët, por neve na u desh që të improvizojmë dhe të vendosim lojtarë jashtë pozitave të tyre. Ne vazhduam me këta lojtarë të cilët kanë ardhur për të kontribuar, dhe në fund gjithçka shkoi mirë”, tha Scaloni.

“Këtu nuk mund të jesh i rehatshëm. Të gjithë janë pjesë e këtij procesi, por në fushë duhet të tregosh paraqitje të mirë. Lojtarët të cilët janë këtu e morën këtë mundësi. Kemi ende kohë deri në Kampionatin Evropian. Askush nuk e ka të sigurte pozitën e titullarit, përveç njërit, siç e kam përmendur gjithmonë”, shtoi trajneri i Argjentinës.

Fitorja kundër Kolumbisë nënkupton që Scaloni bëhet trajneri i parë argjentinas që arrin të mposhtë të gjitha, respektivisht nëntë shtetet e Amerikës Jugore.

Lajmet

Superliga e Kosovës: Ballkani barazon 1-1 me Feronikelin

Published

1 day ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.